مصر موتورز مجتمع السيارات - ماهى اسوء انجح عربية فى مصر

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - ماهى اسوء انجح عربية فى مصر (https://www.masrmotors.com/vb/showthread.php?t=14276)

رد: ماهى اسوء انجح عربية فى مصر

السيارة (فورد كا) من اغرب اشكال السيارات الى شوفتها وفى وقت من الاوقات كانت مطلوبة فى مصر عربية شكلها كوميدى :)

رد: ماهى اسوء انجح عربية فى مصر

اولا أحب أشكر من شارك فى هذا الموضوع ولهم كل التقدير والاحترام والحب 0 لكني أختلف معكم والاختلاف لا يفسد للود قضية بالطبع أرى منكم ايها السادة الافاضل هجوم وانتقاد على السيارة ماتركس وأحب أوضح لكم لأنى امتلك سيارة ماتركس من فترة وبجد وعن تجربة فهى سيارة ممتازة جداُ واسعة ومريحة جداُ أثناء القيادة وخاصة أثناء السفر بها لمسافات طويلة مريحة وكمان لا تشعر بالمسافة أما بالنسبة للثبات فأقسم لكم انى بمشى بها تقريبا 140و 160 والثبات بها معقول أوى مش زى ماالبعض منكم بيقول ان العربية مش عارف ايه اللى حصل فى الملف أسمحلي ده عيب اللى سايق فى أكتر من انى واخد بيها ملف على 140 على كوبرى حقيقة ومش بكدب اللى عايز يصدق0 أما بالنسبة لموضوع التسارع يعنى انا المفروض اجيب من صفر الى 100 فى زمن 3 ثوانى ولا ايه ؟ انا شايف ان التسارع بتاعها مناسب جدا وخاصة ان الماتركس الللى معايا اتوماتيك 0 اما بالنسبة لموضوع ان العربية دمها تقيل يا استاذ بدر فده اسمحى موضوع أذواق فى واحد بيحب شكل عربية معينة وواحد تانى شايفها دمها تقيل ولا ايه يا جماعة ؟ فى النهاية الماتركس عربية كويسة ومريحة ومناسبة جدا وطبعا فى ناس تختلف معاي وفى ناس بتأيدنى فى كلامى وللجميع الشكر ةالتقدير والاحترام سواء معارض أو مؤيد 0

وفقكم الله جميعا وربنا يسترها معاكم ومعانا جميعاُ

رد: ماهى اسوء انجح عربية فى مصر

بس انا راى ان الفيرنا اكثر نجاحا

رد: ماهى اسوء انجح عربية فى مصر

والله ياابو مازن انت مش متخيل انا م شبحب الماتريكس قد ايه ولما اخويا عاوز عربية انا رشحتهاله مش معنى انى مابحبهاش انها وحشة بالعكس عملية واقتصادية وعملية لاقصى حد

رد: ماهى اسوء انجح عربية فى مصر

لى صديقى معاه فيرنا موديل 2007 ماشى بيها فى يوم رايح الشغل
ماشى على 70 - 80 ( على كلامه ) وهو خارج من التجمع الخامس ورايح على الدائرى واحد حدف عليه من اليمين العربيه اختلت منه كانت النتيجه انه اتقلب بالعربيه حوالى مرتين .

واحد تانى معاه فيرنا اخد بيها مطب وهو كان بيجرى شويه العربيه اتقوست وبقت على شكل V بالمقلوب

انا من الى سمعته عن الفيرنا وعن الاسبيرانزا شايف انهم اسوأ عربيات فى مصر بالرغم من مبيعاتهم

والعربيات المظلومه فعلا فى مصر فهم كتيير جدا جدا فعلى سبيل المثال لا الحصر:

الفولفو
السيتروين
الاودى
الفا روميو
السوبارو