مصر موتورز مجتمع السيارات - التحايل "الاخوانى"!!

في 15 اغسطس 2013 هجم الاخوان علي متحف ملوي الفرعوني وقتلوا حارسه بعد يوم واحد من فض اعتصام رابعه و هجموا علي 60 كنيسه اثرية في مصر بتميز التراث المصري عن اي مكان اخر في المعموره .. نفس الوضع ده ظهر في تونس بعد هزيمة حزب النهضه وهجم الاخوان في مارس علي متحف باردو التونسي وكسروه تماما. كل ده مشابه تماما للي عملته داعش في اثار تدمر السورية واثار بابل في العراق. لو رجعت بالذاكره لورا كمان شويه هتفتكر السلفيين الجهاديين اللي سموا نفسهم طالبان عملوا ايه في اثار افغانستان.
الدرس المستفاد من تشابه الحوادث دي رغم اختلاف البلدان هو وجود فصيل في المجتمعات دي بيوأد الثقافه وبينهي التراث وبيقطع الصلة بالماضي وبينهي هويات مستقرة من الاف السنين لخلق هوية جديده من افكارهم هم ومن مزاعمهم هم.
مع كل الحوادث دي افتكرت تجربة وضع غطاء على تمثال ام كلثوم او الفكرة العبقرية لاحد السلفيين من وجوب تغطية تماثيل الفراعنه لانها بتعد من الاصنام الكافرة.. التجربتين دول كانوا علي ايد السلفيين اللي بيمثلوا امتداد صريح للفكر الاخواني او نقدر نقول انهم وجه اخر لما يتكشف هيكون اكثر دمويه واحتقار لكل من هو غير سلفي من المصريين وهيبقى في مواجهه صريحه مع باقي المصريين. في اعتقادي ان الدولة فقط بتأجل الصدام اللي شايفاه حتمي لحين التخلص من الاخوان سياسيا.
لاحظ ان السلفيين كبروا وتناموا ايام مبارك والسادات وكانوا بيغذوهم لمواجهة الاخوان لان مفيش فصيل غير ديني كان يقدر يكفر فصيل تاني ديني زي الاخوان. اول مواجهه واضحه مع السلفيين هتبقي اسقاطهم في الانتخابات .. لازم نكسبها بوضوح.
اوعي تدي صوتك ليهم او تقاطع وتديهم الفرصه للهيمنه علينا ..
الفاسدون يحكمون عندما تمتنع الاصوات الصالحه عن التصويت للاخرين !
منقووووووووووووووووووووول