مصر موتورز مجتمع السيارات - ارشيف الاستراحة 2010

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - ارشيف الاستراحة 2010 (https://www.masrmotors.com/vb/showthread.php?t=21694)

رد: أدب الرحلات

اقتباس:

المشاركة الأصلية كتبت بواسطة atgps (المشاركة 240055)

لسه الموقف ده حاصل معايا أول امبارح، كنت راجع من الكويت من رحلة 3 أيام وبالطبع معايا شنطة واحدة، وانهالت العروض على لوزن شنط آخرى مع شنطتى وبالطبع رفضت، وتحملت نظرات الاستهجان من الناس ولكن ده مبدأ عندى لخطورة ذلك حتى لو كان الشخص معرفة، وفى حالة الضرورة القصوى أطلب من الشخص احضار الشنطة قبلها بيوم وأقوم بفحصها بدون أدنى كسوف.
وحدث موقف معى، كنت مسافر الى موسكو ومعى أحد الأقارب وأعطانى صديق (ويعمل قاضى ولكن لايغير ذلك من الموضوع) شنطة لتوصيلها الى حماته هناك وبعد الفحص قبلت أن آخذها، وكان معنا حوالى 10 شنط وبعد الوصول ركبنا تاكسى لمحطة القطار وبعد الوصول اكتشفت فقد شنطة الصديق!!!! فاتصلت بشركة التاكسى فأرسلوا السيارة ولم نجد الشنطة، وعند عودتنا سألت فى المطار على الشنطة فوجدتها فى الأمانات ولاستلامها يجب ذكر 5 أشياء بداخلها للتأكد انها ملكى لأنى لم أحتفظ برقمها على التذكرة وبالطبع كنت أعرف ما بداخلها بالتفصيل واستلمتها، فمعرفتى بما داخل الشنطة افادنى وأفاد صاحبها من عدم الضياع.

فعلا الموضوع خطير و لا يقبل المخاطرة
الخوف علي الناس الطيبين الي ممكن تقبل بشيء زي كدة و يتكسفوا يقولوا لأ
و راجع موضوع أدب الرحلات للاستاذ خالد خليفة هتلاقي فيه ان فيه سواق بيجو اتحبس عشان كان ناس راكبة معاه بشنط ميعرفش فيها ايه

رد: أدب الرحلات

اقتباس:

المشاركة الأصلية كتبت بواسطة atgps (المشاركة 240055)

يا باشا كنت فى الكويت و ماتقولش ؟؟؟
عموما يا باشا لما تنور الكويت تانى ابقى كلمنى علشان اتشرف بلقاء حضرتك
رقمى 55349955

رد: أدب الرحلات

اقتباس:

المشاركة الأصلية كتبت بواسطة bmkbmk (المشاركة 240717)

شكرا يا باشا، أنا دائما بسافر الكويت وسافرت الكويت الشهرالماضى مرتين وان شاء الله مسافر تانى الشهر ده أو الشهر القادم، وان شاء الله حأتصل بك قبل ما أسافر، أنا كل شغلى فى الشعيبة.

رد: أم توافق على ممارسة أبنتها الفاحشة ولكن بشروط

قصة جميلة جدا ربنا يبارك فيك و يكرمك

رد: أدب الرحلات

اقتباس:

المشاركة الأصلية كتبت بواسطة gadix (المشاركة 236519)

الشهر الي فات الشركة عندنا كانت بتغير العقود بتاعتنا فطلبوا مننا كعب عمل
رحت مكتب العمل و اخدت الاستمارة و مليتها و اخدت ورقة كعب العمل و مبصتش فيها و مشيت و دي غلطة لان لازم لما تاخد اي ورقة رسمية تراجع فيها كل كلمة
تاني يوم بفتح كعب العمل لقيت مكتوب فيه "كعب عمل لغير حملة المؤهلات"
قلت يادي النيلة السودا يعني بكالوريوس و شهادات من برا و جوا و ابقي غير حامل لمؤهل؟
رجعت للست الفاضلة
أنا: يا فندم الورقة دي غلط و ممكن مايخدهاش مني في الشغل
الموظفة (بكل قرف): عاوز ايه يعني؟
أنا: لو سمحتي اشطبي علي كلمة "لغير" و اختميهالي بختم المكتب
الموظفة: مش عارف تشطبها لنفسك عالم هايفة و بتيجي علشان حاجات هايفة

بصراحة صعبت عليا نفسي اوي في اللحظة دي
انا طبعا مردتش عليها عشان واحدة ست و لو رديت عليها هيبقي اعتداء علي موظف و مش هعرف اخد حق و لا حد هيشهد معايا

طيب الحمد الله انها غلطت فى كعب العمل بس، من عدة سنوات حبيت أضيف ابنى على جواز سفرى والموظفة كتبت اسمه خطأ باللغة الانجليزية فقلت لها ان الاسم خطأ، تخيل الرد يكون ايه؟؟؟ فردت على بثقة حتعمل ايه بالاسم الانجليزى ماهو مكتوب صح بالعربى !!!!! (what)

رد: متقلش ادينا ايه لمصر قول اخدنا ايه من مصر

السلام عليكم و رحمة الله و بركاته

و كل عام و أنتم بخير بمناسبة عيد الفطر المبارك . أعاده الله عليكم بالخير و اليمن و البركات

أنا طبعا , الكلام اللى أنا هقوله هنا , أكيد مش هيعجب ناس كتير , بس ده فى الأول و الآخر رأيى الشخصى اللى انا شايفه صح على أد خبرتى الضئيييييييييييييلة فى الحياة لأنى لسه صغير (بتاع 33 سنة) .

بداية, حكاية مصر المريضة حاليا و انها كانت كويسة و زى الفل قبل كده و انها هتتعافى و تبقى زى الفل بعد كده , فمصر طول عمرها خلال كل مراحل التاريخ الحديث , عمرها ماكانت زى الفل و أنما دايما كان فيها فساد و رشوة و محسوبية و خلل فى نظام الحكم و عدم وجود الشفافية ولا المساواة و العدالة الاجتماعية و لم يتم تطبيق القانون على الناس اللى فوق و على أصحاب السلطة و الوزرا و الناس أصحاب الجاه و السلطان زى مابيتطبق على أفراد الشعب العادى , وكل جيل كان بييجى , كانوا بيقولوا كده برضه , أن مصر فى عهدهم مريضة , بس دى حالة مؤقتة وأنها هترجع تانى زى أيام زمان و تبقى الدولة الأعظم على مستوى العالم زى زمان و أن الخلق وقفوا ينظرون الى مصر , كيف تبنى قواعد المجد وحدها و الكلام بتاع أم كلثوم ده .

أنا عن نفسى بحب ايه فى مصر ؟؟؟

أنا بحب الانسان المصرى الطيب - لأن مش كل المصريين طيبين طبعا- و النقى و المجتهد و المثابر والدى يؤمن ايمانا قاطعا بأن تحصيل أى نجاح لن يكون الا عن طريق العمل الجاد السليم الحلال و ليس عن طريق الفهلوة و النصب و الحظ , و انا عن نفسى, أشعر بكل الفخر لما بااقى واحد مصرى جاى من أعمااااااااااااق الفقر و الجهل و المرض و لكنه كان عنده الاصرار و التحدى و الارادة على النجاح و عدم الاستسلام للظروف اللى زى الزفت اللى هو اتولد و لقاها , لكن أنا لا بحب التراب بتاع مصر و لا الأسفلت اللى فى الشوارع و لا الحكومة المصرية رغم أنها مننا مش من برة و لا بحب الأهرامات و أبو الهول و لو الأمر بايدى كنت أعمل مزاد عالمى و ابيع الآثار دى و أفرق فلوسهم عالشعب عشان يقدر يشترى رغيف عيش ياكله و يقدر يغير أنابيب البوتاجاز لما تفضى لأن الحاجات دى أكيد أولى من أبوالهول و الأهرامات و المتاحف اللى الحكومة عمالة تجددها و تصرف عليها المليارات و الشعب حالته ضنك .

طاب مين اللى بيحب مصر و بيموت فى ترابها بصدق؟؟؟

الناس أصحاب السلطة و الفلوس و النفود من أعضاء مجلس الشعب و الوزرا و الناس دول لأنهم بيقدروا يسرقوا كل اللى هما عايزينه و يحطوا صابعهم فى عين التخين, فدول ليهم حق يموتوا فى دباديبها .

أما بالنسبة للشرفاء اللى ماتوا و هما بيدافعوا عن مصر, فدول من الشرفاء الصادقين و الدين نحسبهم على خير و أن يجعلهم الله سبحانه و تعالى مع النبيين و الشهداء و الصديقين , و لكن كالعادة , الحكومت المصرية المتعاقبة ادتهم ظهرها و بخستهم حقهم .

أما بالنسبة لمصر اداتنى ايه , فبالفعل مصر اداتنى كتتتتتتتتتتتتتير , يعنى أنا والدى حصل على الدكتوراة من سويسرا على حساب الحكومة المصرية و أختى بتاخد دكتوراة حاليا من كندا على حساب الحكومة المصرية برضه, بس كل اللى مصر ادتهونى أقل بكتيييييييييييييير اوى من حقى عليها , هييجى بعض الأخوة الأفاضل , يقولولى , طيب يا راجل , مانت شايف بقية عامة الشعب عامل ايه , احمد ربنا , و منهم اللى هيتهمنى بانى ناكر للجميل , لأ , أنا مش كده , أنا ببساااااااااااااطة شديدة , انسان مجتهد جدا فى حياتى و لكنى باخد مقابل أقل بكتيييييييييييير من ناس كتييييييييييييييير لاعمرهم تعبوا زيى ولا اشتغلوا زى, زى ماييجى واحد يورث عن أبوه 20 مليون جنيه , يقوم عمه يضحك عليه و يديله 5 مليون بس , يقوم لما يروح يطالب ببقيه حقه , الناس تقوله , ياراجل , اتقى الله , مانت واخد 5 مليون, ايه مش عاجبك!!!!! , هما صحيح ال5 مليون مبلغ ضخم , بس أنا حقى 20 مليون مش 5 مليون , لأن انا شايف انى انا كانسان طول عمرى مجتهد و بتعب فى عملى و بعمل حاجة بالفعل بتفيد المجتمع , أستحق أكتر من كده , يعنى و كمثال, لا يجوز ان الفنانين و الفنانات و الراقصات و لاعبى الكرة و غيرهم من الرويبضة, لما الواحد فيهم يمرض , يسافر بره على حساب الوطن و أنا كطبيب مثلا , لما أمرض , أترمى فى اى مستشفى من بتوع التأمين الصحى لحد ماموت و بالقياس على دلك فى كل الأمور الأخرى فى الحياة .

أنا ماخترتش انى أتولد مصرى و انا اتولدت فى سويسرا و لكن للأسف الشديد , سويسرا مابتديش الجنسية بالولادة زى بلاد تانية, و لو كان الأمر بايدى , ماكنتش اخترت أنى اكون مصرى بالطبع , بس لما اتولد و الاقى نفسى مصرى , دى زى أى واحد اتولد و لقى نفسه عايش فى ظروف صعبة , فبيحاول جااااااااااااهدا أنه يحسن من وضعه و من ظروفه عشان يقدر يطلع من القرف ده .

و أخيرا, دخول الجنة أو النار فى الآخرة لايفرق فيه انت مصرى و لا كويتى و لا مغربى و لا جنوب أفريقى ولا أبيض و أسود و لا الكلام الفاضى ده كله , بيفرق فيه بس , أنك عيشت فى الدنيا و كنت بتعمل اييييييييييييييه فى دنيتك كاستعداد ليوم الحساب , لكن قصة أنا مصرى و أنت جزائرى و فلان صومالى, دى قوميات و نزعات و عصبيات قبلية من التى أمر الرسول عليه أفضل الصلاة و السلام بتركها لأنها منتنة .

شكرا جزيلا و آسف للاطالة

مرسيدس اس430

رد: أدب الرحلات

اقتباس:

المشاركة الأصلية كتبت بواسطة corsair (المشاركة 240559)

ههههههههههههههههههههههههه ههههههههههههه

كنت خدت احمد بدر معاك بيموت هو في الحاجات ديه ههههههههههههههه

احمد بدر له يووووووووووووووووووووووم
واحدة تخلص منه القديم والجديد