رد: اخيرا يا جماعة تقسيط اسلامي وبجد للجديد والمستعمل
 

ربنا ما يجيب زعل
بس لو تعرف عواقب الربا حتحاول تستكشف اكثر من مرة
قال الله تعالي:


(الَّذِينَ يَأْكُلُونَ الرِّبَا لاَ يَقُومُونَ إِلاَّ كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ذَلِكَ بِأَنَّهُمْ قَالُواْ إِنَّمَا الْبَيْعُ مِثْلُ الرِّبَا وَأَحَلَّ اللّهُ الْبَيْعَ وَحَرَّمَ الرِّبَا فَمَن جَاءهُ مَوْعِظَةٌ مِّن رَّبِّهِ فَانتَهَىَ فَلَهُ مَا سَلَفَ وَأَمْرُهُ إِلَى اللّهِ وَمَنْ عَادَ فَأُوْلَـئِكَ أَصْحَابُ النَّارِ هُمْ فِيهَا خَالِدُونَ) [البقرة : 275]

(يَمْحَقُ اللّهُ الْرِّبَا وَيُرْبِي الصَّدَقَاتِ وَاللّهُ لاَ يُحِبُّ كُلَّ كَفَّارٍ أَثِيمٍ )[البقرة : 276]

(يَا أَيُّهَا الَّذِينَ آمَنُواْ اتَّقُواْ اللّهَ وَذَرُواْ مَا بَقِيَ مِنَ الرِّبَا إِن كُنتُم مُّؤْمِنِينَ) [البقرة : 278]

(يَا أَيُّهَا الَّذِينَ آمَنُواْ لاَ تَأْكُلُواْ الرِّبَا أَضْعَافاً مُّضَاعَفَةً وَاتَّقُواْ اللّهَ لَعَلَّكُمْ تُفْلِحُونَ) [آل عمران : 130]

(وَأَخْذِهِمُ الرِّبَا وَقَدْ نُهُواْ عَنْهُ وَأَكْلِهِمْ أَمْوَالَ النَّاسِ بِالْبَاطِلِ وَأَعْتَدْنَا لِلْكَافِرِينَ مِنْهُمْ عَذَاباً أَلِيماً) [النساء : 161]

(وَمَا آتَيْتُم مِّن رِّباً لِّيَرْبُوَ فِي أَمْوَالِ النَّاسِ فَلَا يَرْبُو عِندَ اللَّهِ وَمَا آتَيْتُم مِّن زَكَاةٍ تُرِيدُونَ وَجْهَ اللَّهِ فَأُوْلَئِكَ هُمُ الْمُضْعِفُونَ) [الروم : 39]

اللهم احفظ امت الاسلام منا الربا
برجاء التحري الدقيق

رد: اخيرا يا جماعة تقسيط اسلامي وبجد للجديد والمستعمل
 

ربنا يبعدنا جميعا عن الربا ودا السبب اللي عملت عشانو الموضوع الاية الكريمة بتقول وأحل الله البيع وحرم الربا واللي انا وصفو هنا بيع وليس ربا والفرق واضح في امتلاك البنك للسلعة قبل ان يبيعها لك ولن يسدد البنك النقود للمشتري بدلا عنك وهذا ما تأكدت منو

رد: اخيرا يا جماعة تقسيط اسلامي وبجد للجديد والمستعمل
 

وبعدين يا أخي الكريم احد الاخوة ذهب الي دار الافتاء ونقل لهم نظام البنك فأفادوه بأنه حلال واعتقد دار الافتاء بيفهمو الفرق بين البيع والربا اكتر منا جمعا وهذا الموضوع لمن يريد سيارة ولا يملك ثمنها ويريد ان يمتلك سيارة بالتقسيط فعلية ان يذهب للبنك ويري هل يرتاح لهذا التعامل ام لا ويسأل ويتأكد فلا تشددوا علي الناس جازاكم الله خيرا حيث أنني لاحظت ان كل من دخلوا وعلقوا من ملاك السيارات بارك الله لهم فيها

رد: اخيرا يا جماعة تقسيط اسلامي وبجد للجديد والمستعمل
 

اخى الكريم

انا متفهم ان حضرتك قصدك النصح و الخير للمنتدى و للكل ...
بس حضرتك حكمت حكم نهائى ان ده فعلا تقسيط اسلامى و بجد .. مع ان حضرتك لسه متاكدتش ... ان شاء الله تروح البنك و تتاكد بنفسك و الى فيه الخير يقدمه ربنا ...
الاعضاء الى ردوا على حضرتك كمان قصدهم الافادة و الرد عليك بالافادة
انا ححكى لحضرتك على ملاحظاتى على الموضوع ده

واحد قريبى اخبرنى ان فرع البنك الاهلى المصرى للمعاملات الاسلامية ( هو الفرع فى الازهر ) بيدى قروض اسلامية للسيارات
رحت يا سيدى هناك و سالت و اطقست و دعبست .و سالتهم على شراء سيارة بالقسط من عندهم .. قابلت موظف ... و لقيتوا بيحكيلى حكاية القرض العادى خالص ....
استغربت جدا ... و سالته ... امال فين القرض الاسلامى للسيارات ؟
قال ... مفيش حاجة اسمها قرض اسلامى للسيارات .... فيه حاجة اسمها قرض اسلامى عام
ماشى يا سيدى .... ايه حكاية القرض الاسلامى العام ده ؟
راح باعتنى على موظف تانى ...

ايه يا باشا موضوع القرض الاسلامى العام الى عندكوا ده ..
الموظف ... الموضوع ببساطة .... البنك بيشتريلك البضاعة الى انت عاوزها و بعدين .. يرجع يبعهالك تانى بالتقسيط .... و البنك بيعما معاك عقد مرابحة ... العقد ده ينص على انك ملزم انك تشترى من البنك البضاعة الى قلتلوا يشتريها لك ... فكده انت مش حتقدر تغير رايك بعد ما البنك يشترى البضاعة ليك ....
كلام جميل و رائع جدا حتى الان .....
طيب و المطلوب ؟
ولا حاجة ... حضرتك تحول لنا مرتبك على البنك ... و احنا بنقدر القرض بيكون كام ... و بعد كام يوم الشيك بتاعك يكون جاهز باسمك !!!!
يعنى ايه ؟؟
يعنى حضرتك تيجى تاخد الشيك الى باسمى و اروح اصرفه .... و انت حر تعمل الى انت عاوزه بالفلوس تشترى عربية ... تشترى بضاعة ... تشترى شقة .. تاخد الفلوس ليك .. انت حر
لا يا راجل ..... امال عقد المرابحة الى احنا عملناه ده ايه ؟؟؟!!!!!!!! ... احنا كدة بالظبط كانى اخذت قرض عادى من اى بنك و بنفس نسبة الربح .... و عقد المرابحة ده ملهوش لازمة

الموظف قال .... الفرع ده فرع عادى خالص بيزيد بس موضوع عقد المرابحة ده .. ده نظام البنك و ده النظام المصرفى الحكومى .. احنا مش حنقدر نغير فيه حاجة

فى قرارة نفسى ... و ده رايى الشخصى .... انا مقتنع ان البنك ده مش اسلامى و لا حاجة .. و دى حاجة بيعملها بيحاول يعطى صبغة شرعية لعملية القرض

القرار النهائى لحضرتك ... و ياريت تتابعنا بالاخبار و تصححلى معلوماتى لو حضرتك شايف حاجة تانية
:Wkiss5:

رد: اخيرا يا جماعة تقسيط اسلامي وبجد للجديد والمستعمل
 

اخى الكريم

الطريقة الى انا فهمتها مش بتقول ان البنك حيمتلك اى شيء

رد: اخيرا يا جماعة تقسيط اسلامي وبجد للجديد والمستعمل
 

لا حضرتك الكلام دا مختلف عن اللي انا سمعتو من موظف البنك وانا بكلمو مفيش فلوس حضرتك هتستلمها او هتطلع بشيك بإسمك البنك هيطلع شيك بإسم صاحب البضاعة دا اللي انا سمعتو منو

رد: اخيرا يا جماعة تقسيط اسلامي وبجد للجديد والمستعمل
 

موضوع ان دار الافتاء بيفهموا الفرق بين البيع و الربا اكتر منا جميعا ..... كانت السبب فى خناقة كبيرة بينى من ناحية و بين والدى و اعمامى من ناحية تانية .... انا رايى اننا نسال اكتر من جهة .. و ندور فى كتب الشرع و لا نعتمد على جهة واحدة فى الافتاء
هم رايهم ان دار الافتاء كفاية .... و لو غلطانين يبقى الوزر عليهم هم و احنا معليناش زنب

من خلال بحثى المتواضع البسيط ... وجدت ان فيه ناس بتقول ان التقسيط بكل صوره حلال ... و فيه ناس بيقولوا ان التقسيط حرام .... و فيه ناس بينهم فى الراى

موضوع التشدد ...مفيش تشدد يا سيدى و لا حاجة .... الناس الى قالوا ان ده حرام ليهم اسانيدهم و تفسيرهم الشرعى البعيد عن التشدد .. الجدال الى بيننا ده يثبت انه مفيش تشدد

نصيحة شخصية بعيدة عن الحلال و الحرام ..... انا اشتريت عربيتى بالتقسيط .... حسيت براحة كبيرة جدا لما سددت الاقساط .... سددت الدين الى عليا ... كنت حاسس بهم كبير .. و حاسس ان العربية مش بتاعتى
ربنا يوفقك للى فيه الخير و مبروك على العربية مقدما