مصر موتورز مجتمع السيارات - ارشيف الاستراحة 2010

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - ارشيف الاستراحة 2010 (https://www.masrmotors.com/vb/showthread.php?t=21694)

رد: هل تتاثر قناه السويس

اقتباس:

المشاركة الأصلية كتبت بواسطة حازم شاهين (المشاركة 239050)

مع إحترامى ليكم جميعا

لكن إيرادات قناة السويس مش سرية و ما بتتحطش فى حسابات سرية

إيرادات قناة السويس بتتحط فى البنك المركزى و تحت إشرافه

بمعنى إن مش ممكن أى واحد حتى لو كان رئيس الجمهورية يغرف منها و يعبى

لكن ممكن تكون حصيلة النقد اﻷجنبى من دخل قناة السويس بيتخصص ﻷوجه صرف محددة ( فى وقت من اﻷوقات كان جزء من دخل قناة السويس بيوجه لدعم حركات التحرر فى الجزائر و أفريقيا بوجه عام)
أما حاليا فالنقد اﻷجنبى كله بيوجه ﻻستيراد القمح و الزيت و السكر و البنزين و المازوت و السولار و سداد أقساط الديون
أنا بس عايز أفكركم بحاجة إن ثمن سرب طيارات يعادل دخل القناة ست شهور و يمكن أكنر

(أوعى حد يفتكرنى تبع الحزب الوطنى و لا حاجة)

المهم

أكيد ممكن تتأثر قناة السويس لو إتفتح طريق ملاحى من أوربا للصين عن طريق القطب الشمالى ، لكن بدرجة محدودة ﻹن الطريق ده هيبقى موسمى يعنى شغال فى شهور الصيف و غير قابل للملاحة فى شهور الشتاء و المعروف إن شهور الشتاء القطبى تقترب من عشر شهور

و فيه مثل مشابه و هو بحر الببلطيق صالح للملاحة فى الصيف و غير صالح للملاحة فى الشتاء إلا بمصاحبة كاسحات الجليد

انا كنت عايز اعرف من حضرتك انت اخدت ايه من مصر او استفدت ايه من كل ثروات مصر و ايراداتها الكتيرة جدا

رد: هل تتاثر قناه السويس

ده كده تكون طبلت من كل ناحية

المياة قطعت من الجنوب

و قناة السويس مهددة

متقلش ادينا ايه لمصر قول اخدنا ايه من مصر

اوعوا تتفتكرونى اخوانجى او تبع اى حزب معارض او حتى حزب وطنى
1 . انت استفدت ايه من مصر بالمقارنة بالدول الاخرى بتعمل ايه لشعوبها ؟
2 . انت راضى عن نظام الحكم فى مصر او لآ ؟
3 . انت ممكن تعمل ايه علشان تغير من الوضع الحالى ؟
4 . اكيد مصر بلدنا مش هتفضل كده على طول (what)ولا ممكن تفضل ؟
5 . انت قدمت ايه لمصر ؟
6 . ارجو من كل عضو التكلم فى الموضوع بجديه لآن ده بجد موضوع شاغلنى اوى ان احنا نفضل على حالنا ده كتير
7 . انا وصلت لمرحلة انى بدأت اكره مصر و اللى جايبنها و اللى ماسكنها nononono
8 . كنت عايز اعرف ان الحالة دى عندى انا بس ولا فى ناس تانية كتيررررررررررررررر

رد: هل تتاثر قناه السويس

اقتباس:

المشاركة الأصلية كتبت بواسطة mercedes (المشاركة 239125)

السلام عليكم و رحمة الله و بركاته

الكلام ده فعلا صح جدا, بس فى أى دولة محترمة و فيها شفافية و عدالة و الدولة دى أكيد مش مصر , على الأقل فى العصر الحالى .

الدولة دى ممكن تكون اليابان , اللى لما البورصة بتاعتها , الشاشات اللى فيها اتعطلت 7 دقايق و العيب ده اتكرر مرتين , أعتقد وزير الاقتصاد - أنا مش فاكر بالظبط - استقاااااال (what) .

صح , فى اى دولة فيها أقل قدر من العدالة و الشفافية و الاحترام تجاه المواطنين , كانت كارثة زى بتاع ( رشوة مرسيدس ), مايتغطاش عليها بالشكل المقزز و المهين ده , لو تاخدوا بالكم من اللى حصل لحد دلوقتى فى ( رشوة مرسيدس ) ايه , الناس كلها فى مصر و فى كل العالم بقوا عارفين ان فيه مسئول فى الحكومة السابقة واخد رشوة و الحكومة مانكرتش الموضوع ده خالص مالص و الشعب عرف و كله تمام التمام , بس نكاية فى الشعب الغلبان و الضعيف و المتهان - قصدى اللى هو الشعب المصرى - الحكومة و الاعلام و كل الناس ولاد ال TEEEEEEEEEEEEEEEEET اللى فوق قالولنا مامعناه , اخبطوا دماغكم فى أجعص حيطة , المسئول الحرامى المرتشى ده , احنا عارفييييييييييييينه و بالعند فيكوا مش هنعمله حاااااااااااااجة و التخين فيكوا - فى الشعب يعنى - يورينا هيعمل ايه .

هل من المعقول أن حكومة بهدا الشكل و اتصرفت بهدا الشكل حيال قضية رأى عام زى دى , هترتبط و تلتزم بالقانون و الدستور و اللوايح فى ادارة قناة السويس؟؟؟؟؟

اشمعنا الحكومة هتيجى عند قناة السويس و تمشى عدل , ليه مامشيتش عدل لما كانت ببسااااااااااااطة بتصدر الغاز الطبيعى لليهود الخنازير و احنا المصريين المسلمين , فى ناس مننا بتموت فى الطوابير بتاع أنابيب البوتاجاز, لأ بتموت بتمووووت , ده مش مبالغة .

بلاش دى , احنا طبعا معروف أن الحكومة بتاعتنا بتستورد أغلى طن قمح فى العالم , بمعنى أن القمح ده لما احنا بنحتاجه ,و لأننا بندفع كاشفلوس كتير بنعمل مناقصة عالمية و نقول مييييييين اللى هيدينا قمح و كل واحد يقدم عطاءه و عروضه و احنا بقه نقعد نختار , احنا الحكومة بتاعتنا عشان بتحبنا و خايفة على صحتنا بتنقى أجود أقمح - هما بيقولوا كده - طاب ليييييييييييييه القمح بييجى مليان حشرات و فيران و طاب ليه لما حصلت أزمة اللحوم , اللحوم جاتلنا من الهند فيها ديدان , خلى بالك أن مصر و السعودية هما الاتنين بيستوردوا اللحوم البقرى و الجاموس و القمح , تمام و خلوا بالكم أن سعر اللحمة هنا فى مصر أغلى من سعر اللحمة فى السعودية( أفخم نوع لحمة جاموس أو بقرى , بالكتيييير أوى حوالى 35 ريال = 53 جنيه ) , رغم وجود فارق كبييييييييييييييير فى دخل الفرد- لكن احنا هنعتبر أن الفرق الكبيييييييييييييييير ده مش موجود- بين مصر و السعودية, يعنى حتى الحكومة مش هاين عليها تعاملنا فى الشراء زى السعوديين .

و طبعا فيه فضاااااااااااااااااايح و مصاااااااااااايب كتييييييييييير أوى غير دول , اشمعنا بقه الحكومة المصرية بتتعامل فى كل البلاوى اللى فاتت دى بالاستهبال و الاستعباط و بنظام حلق حوش و هتيجى لحد فلوس قناة السويس و تشد ال Hand Break POLICEEو تقول حراااااااااام و تراعى ربنا فى الفلوس و الكبار اياهم مايغرفوش منها و يعبوا .

أنا قصدى يعنى , ايييييييييييييييييه الأمارة ؟؟؟؟؟؟؟؟؟؟؟؟

هل فلوس و ايرادات قناة السويس دى ليها قدسية معينة , عشان حرب اكتوبر 73 و العبور و دماء أبنائنا الشهداء اللى ماتوا و هما بيعدوا القناة و الكلام ده يعنى؟؟؟؟

شكرا جزيلا و آسف جدا جدا للاطالة

مرسيدس اس430

كلام جميل و لا أنكر إن فيه فساد للأذنين فى الحكومة لكن المشاركات إلى قبل كده كانت بتقول إن ضعف إيرادات قناة السويس أو حتى توقفها حاجة متهمناش بمعنى إن الفلوس دى كلها بتروح فى جيوب ناس معينة و ده مش صحيح و مش بالسهولة إللى الناس متصوراها

رد: هل تتاثر قناه السويس

اقتباس:

المشاركة الأصلية كتبت بواسطة ahmed_menaiem (المشاركة 239165)

انا كنت عايز اعرف من حضرتك انت اخدت ايه من مصر او استفدت ايه من كل ثروات مصر و ايراداتها الكتيرة جدا

إيه علاقة السؤال ده بالموضوع أصلا ؟

و هو المفروض إن إيرادات الدولة تتوزع على المواطنين و ﻻ إيه ؟

منكرش إن المحاسيب و أصحاب النفوذ عمالين يقسموا بينهم ثروات (أراضى و إحتكرات) مصر كإنها ميراث أبوهم الله يلعنهم .. و أنا ضد ده طبعا لو تقصد كده يعنى

إنما أنا كان كل قصدى إن فيه ناس كتير فاهمة إن إيراد قناة السويس بيروح لرئيس الجمهورية يصرف منه زى ما هو عايز و ده مش صحيح

فى النهاية يا جماعة لو مش عاجبكم كلامى كل واحد حر فى رأية

رد: متقلش ادينا ايه لمصر قول اخدنا ايه من مصر

مبدئيا كدة الواحد مش محتلج يكون اخوانى او من الحزاب المعارضة عشان بنتقد الحكومة
الاجابات بقى 1)ولا حاجة مفيش استفادة تقريبا 2)طبعا مش راضى لانه شكلة كدة رايح على التوريث و عموما اصلا نظام فاشل
3)ولا حاجة لان الحكومة عايزة كدة
4)اسف مينفعش ارد والا حتسجن ههههههههههههههههههههه
5)هى ادميدلى اية؟؟؟ عسان اردهولها
6)المرحلة دية للاسف بقت عند الشعب كلة و عندى من حوالى 3 اشهر (علما انى لسة صغير 17 سنة)

و للمصادفة انا كنت ناوى اعمل موضوع زى دة

رد: متقلش ادينا ايه لمصر قول اخدنا ايه من مصر

اقتباس:

المشاركة الأصلية كتبت بواسطة ahmed_menaiem (المشاركة 239170)

اوعوا تتفتكرونى اخوانجى او تبع اى حزب معارض او حتى حزب وطنى
1 . انت استفدت ايه من مصر بالمقارنة بالدول الاخرى بتعمل ايه لشعوبها ؟

هو السؤال مطلق شوية لكن أنا هقول إنى عشت طول عمرى فى مصر عيشة معقولة الحمد لله و اتعلمت فى مدارس و جامعة حكومية لكن أقدر أقول إن مستوى المعيشة فى مصر و الخدمات الحكومية عموما أقل من كل الدول المتقدمة و حاليا أقل من معظم الدول المثيلة لينا و المجاورة

2 . انت راضى عن نظام الحكم فى مصر او لآ ؟

طبعا أنا متمسك بنظام الحكم الجمهورى و لا أرضى أبدا أن نتحول لملكية جمهورية و ﻻ أرضى بسيطرة حزب واحد و إتعدام فرص تداول السلطة و إدارة الدولة بطريقة بوليسية

3 . انت ممكن تعمل ايه علشان تغير من الوضع الحالى ؟

أنا ﻻ أعمل أكثر من التصويت فى كل إنتخابات أى كان رأيى و طبعا ممكن يكون ده مش كفاية لكنى على اﻷقل بضمن إن صوتى ﻻ يزور

4 . اكيد مصر بلدنا مش هتفضل كده على طول (what)ولا ممكن تفضل ؟

فيه رأى إن مصر ماشية منسيئ إلى أسوأ ... لكن إن شاء الله تتغير و تبقى أحسن لكن إمتى بالظبط (معتقدش قريب) يمكن خلال العشرين سنة القادمة

5 . انت قدمت ايه لمصر ؟

السؤال ده إجبارى ؟ لكن برضه أعتقد إن الموضوع بسيط أى واحد لما يخلص فى عمله فقط و يأديه بأمانة يبقى أدى الواجب إللى عليه لمصر و ده إللى بحاول أعمله (يعنى مش ضرورى أجيب كاس أفريقيا علشان أبقى عملت حاجة لمصر)

6 . ارجو من كل عضو التكلم فى الموضوع بجديه لآن ده بجد موضوع شاغلنى اوى ان احنا نفضل على حالنا ده كتير
7 . انا وصلت لمرحلة انى بدأت اكره مصر و اللى جايبنها و اللى ماسكنها nononono

إللى ماسكينها ماشى لكن مصر ذنبها إيه دى غلبانه معاهم

8 . كنت عايز اعرف ان الحالة دى عندى انا بس ولا فى ناس تانية كتيررررررررررررررر

ناس كتيرررررررررررررررر ﻹن إحنا فى أسفل المنحنى يا رب يبتدى يطلع بقى

شكرا جزيلا ..