مصر موتورز مجتمع السيارات - فى ضيافة المهندسة همت..

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - فى ضيافة المهندسة همت.. (https://www.masrmotors.com/vb/showthread.php?t=90089)

رد: فى ضيافة المهندسة همت..

اقتباس:

المشاركة الأصلية كتبت بواسطة samirayad (المشاركة 699815)

:soccer_372:

1- هل أنت دائما قرارك من نفسك ....أم أنه أحيانا بيجب أخذ مشورة الآخرين

فى معظم الأحيان بحب أخد مشورة الأخرين لكن فى حالات محدودة ممكن تتربس معايا و أتصرف من دماغى و عكس المشورة كمان

2- ماهى الألوان المحببه لديك

الأزرق بدرجاته

3- هل تحب مشاهدة الأفلام العربيه والمسلسلات ....والقديمه أم الجديده

أنا بحب الفن بكل أشكالة مهما كان غريب و عجيب بحب الأفلام العربى القديم أكتر من لجديد و ممكن أتابع مسلسلات عربى و لو إنى مبقيتش أقدر أستحمل مسلسل 30 و 40 و 50 حلقة إنما ممكن أبقى متابع كل كذا حلقة بالنسبة للمسلسلات بحب القديم منها لأنها بتفكرنى بأيام الطفولة و الصبا لما كان مسلسل القناة الأولى الساعة 8 مقدس فى كل بيت و النوم بعديه على طول كانت المذاكرة لازم تخلص قبل المسلسل و العشا لازم يخلص قبل ما المسلسل يخلص

4- هل تحب سماع الأغانى ......وماهو مطربك ومطربتك المفضله

أحب أسمع كل ألوان الغناء من أول أم كلثوم لغاية هوبا
مطربى المفضل ممممممممم ممكن يكون محمد فوزى قديم
و محمد منير معاصر

مطربتى المفضلة مممممم و هى فنانتى المفضلة الصراحة شادية فى القديم
و الجديد انغام و شرين و جنات

5- هل تميل للهدوء والسكينه ....وخصوصا فى محل سكنك

أه فعلا و محبش الصوت العالى خالص و الحمد لله ربنا رزقنى ببنات مش غاويين إزعاج

6- هل أنت مع أو ضد .....تنظيم الأسره ....ولماذا

أنا عندى بنتين (أظن كده موقفى واضح و إن كنت شايف إن 3 أطفال كمان كويس) علشان البيوت أصبحت صغيرة و التربية بقت أصعب و الطموح فى تحقيق أفضل ظروف معيشية ممكنه

7- ما رأيك فى الإعلام المصرى بشكل عام

لو نجحت الثورة هيرجع قوة مصر الناعمة فى التأثير على محيطها العربى رغم كل الإمكانات الخليجية المادية الهائلة و من الخطأ الحكم عليه حاليا فى زمن الفتن و الفوضى

8- ماهو رأيك فى الثقافه العامه للشعب المصرى

طبعا بعد سنين النوم فى العسل التلاتين إللى فاتو و قبلهم سنين عبادة الفرد أصبح عندنا شعب معدوم الثقافة بوجه عام فإذا قولنا إن نسبة المتعلمين 60 % فنسبة المثقفين لن تتجاوز 10 % بأى حال و دول إللى لم يستسلموا للنظام التعليمى و الإعلامى البائد و حاولوا يبحثوا خارج الصندوق أو ظروفهم سمحتلهم بكده

9- هل أنت مع أو ضد ....الحد الأدنى والحد الأقصى للأجور...ولماذا

أنا مع الحد الأدنى للأجور طبعا شرط إن يقابله إنتاج (مش بلطجة و تزويغ) لكنى متحفظ على الحد الأقصى لإن الموهبة يجب أن تميز

10- ماهو رأيك فيا أنا شخصيا ....بشكل عام

بشكل عام إنسان يعشق التواصل مع الأخرين و معطاء مع قليل من الدهاء و كثير من الكبرياء

11- ماهو رأيك فى قرارات باقى أعضاء مجلس إدارة المنتدى

( أبو نورا ------------- الأستاذ / سيف )

فى الحقيقة إحنا بينا تفاهم بنسبة 80 % تقريبا إن ما كانش أكتر و بالتالى أنا بكون راض غالبا عن القرارات الفردية ليهم

بمعنى أخر أحيانا بلاقى سيف أو أبو نورا فكر و إتصرف زى ما أنا كنت هعمل بالظبط و الموضوع ده بيزيد مع الوقت

وتفاعلاتهم معنا كأعضاء بشكل عام

فيما عدا الحساسية الخاصة لأبونورا تجاه الشهداء و الثورة و اللى بتخليه يتوتر أسرع مننا فانا شايف إن التفاعل مع الأعضاء جيد و مرضى بشكل كبير

----------------------------------

كفايه كده حاليا على ما أخدلى ...كمان واحد آيس كريم

شكرا يا باشمهندس على أسئلتك و أتمنى تكون إجباتى خفيفة على القارئين

رد: فى ضيافة المهندسة همت..

سؤال واحد بس

لو أصبحت رئيساً لجمهورية مصر العربية

إيه القرارات الفورية ؟ والخطط المستقبلية ؟ وبمن ستستعين فى إدارة البلاد ؟

رد: فى ضيافة المهندسة همت..

اقتباس:

بشكل عام إنسان يعشق التواصل مع الأخرين و معطاء مع قليل من الدهاء و كثير من الكبرياء

بالنسبه لديه

ممكن أكون قليل الدهاء أحيانا

لأننى بأحسن الظن أولا فى الآخرين

إلى أن يثبت العكس

وهنا بأه

بأبدأ فى تسخير كل إمكانياتى

لرد أى مكر يحاك ضدى من الآخرين

------------------------

ويمكن يكون ده السبب إللى خلاك تعتقد أننى كثير الكبرياء

فأنا لست كذلك ولله الحمد

وأعوذ بالله

أن أكون من هؤلاء

اللذين يبغضهم الله

جل فى علاه

رد: فى ضيافة المهندسة همت..

http://im28.gulfup.com/2012-06-22/1340374398881.jpg

بالهنا والشفا..اتفضلوا ياجماعة

رد: فى ضيافة المهندسة همت..

اقتباس:

المشاركة الأصلية كتبت بواسطة m.genedy (المشاركة 700328)

اخى وصديقى/ حازم
هناك بعض الأسئلة اثق ان اجابتك عليها سوف تكون
انعكاس لنقاء سريرتك وصراحتك المعهودة.....

1- مالذي وجدتة فى مصر موتورز ولم تجدة فى اسبيرانزا كلوب؟

الإنفتاح و الإنتشار و وضوح الرؤية (بس دى عرفتها بعد فترة)

ج-
2-هل مازال لك صداقات فى اسبيرانزا كلوب؟

للأسف لا لكن علاقتى طيبة بالمهندس مروان و المهندس عبد الرحمن على الفيس بوك و للأسف حاسس إنى فقدت الأستاذ أحمد فاروق

ج-
3-مالذى يزعجك وما الذى يعجبك فى شخصية مهندس وائل مجدى؟

إندفاعه عند الغضب من أكثر ما يزعجنى

أكثر ما يعجبنى إنه صاحب رؤية متكاملة (سواء كان مصيب أو مخطئ)

ج-
4-من هو الزميل العضو الذى تتمنى عودتة لمصر موتورز؟

مجموعة كبيرة

سامح رمزى
أحمد بدر
أحمد فاروق
أحمد أنور
بدر بسيونى
شريف منسى (حورس)
محمد كمال (bmk)
هانى عطية (بايو)
إسلام جلال

ج-
5-ماهو الانطباع الاول عن احداث بورسعيد وهل تبدلت الأن؟

تواطوء من الأمن و إجرام من بعض المتعصبين و لم تتبدل إنطباعاتى حتى الأن

ج-
6-هل تشعر كمواطن بورسعيدى بتغيير قبل وبعد؟

طبعا بأشعر بالأسى و الخجل و لفترة طويلة مضت بالخوف كمان

ج-
7-ماذا تعنى لك هذة الكلمات....... مع اختلاف اتجاهتها؟

-الحب؟

إحساس داخلى يحقق التجاذب و التقارب و الإرتياح و السرور

-
-الصداقة؟

صعب التعبير عنها فى كلمات قليلة لكنها حب خالى من المصالح

-
-الزواج العرفى؟

مليش فيه

-
- الانترنت؟

العالم بين يديك

-
-السوق الحرة؟

خدعوك فقالوا أن شعب بورسعيد يعتمد عليها كمصدر رزق

-
-المجلس العسكري؟

لا سامحهم الله على ما فعلوه بنا و بالثورة

-
-الجيش المصري؟

ننام مطمئنين لوجوده قويا فى الجبهات و نصاب بالكوابيس لوجود مجلسه الأعلى فى الحكم

-
-اللهو الخفي؟ ومن هو من وجهه نظرك؟

هو كل صاحب إمتيازات ستزول بنجاح الثورة

-
-دكتور ابو الفتوح؟

صاحب محاولة مرتعشة و متأخرة للم الشمل و توحيد الصفوف

-
-السيد حمدين صباحى؟

أحترمه و لكنى غير معجب به

-
-دكتور العوا؟

سامحه الله إذا كان هو من أشار على المجلس العسكرى بخارطة الطريق للمرحلة الإنتقالية الفاشلة

-
-توفيق عكاشة؟

«الرجل التافه يتكلم في أمر العامة» صدق رسول الله صلى الله عليه و سلم

-
8- هل انت مع العفو عن مبارك؟

لست مع العفو عن مبارك و لكنى مع بقاءه فى المستشفى بدلا من السجن

ج-
9-هل تعرض اهالينا فى بورسعيد للظلم؟

طبعا الكراهية و الغضب طال أغلبية كانت قاعدة فى بيوتها أو أعمالها و ليس لها علاقة بالأحداث خالص

ج-
10- من هو الرئيس القادم؟

محمد مرسى إن شاء الله

ج-

:Bravo:

تحياتى يا أستاذ جنيدى

رد: فى ضيافة المهندسة همت..

اقتباس:

المشاركة الأصلية كتبت بواسطة mhamdy75 (المشاركة 700334)

سؤال صعب محتاج تفكير كتير و أنا لسه ما تغديتش

إدينى فرصة لبليل يا هندسة

رد: فى ضيافة المهندسة همت..

اقتباس:

بشكل عام إنسان يعشق التواصل مع الأخرين و معطاء مع قليل من الدهاء و كثير من الكبرياء

أحب برضه أوضح للأخ / حازم

شىء بسيط

بما أنه بيقر أن مشورة الآخرين ....عامل مهم للواحد منا

قبل إتخاذ قرار مشكوك فى صحته

-----------------------

دايما بصفتى مهندس متواضع

بأحب أحسب كل شىء بالورقه والقلم

ودقيق جدا ....فى الحسابات

ووارد أخطىء ....ومش عيب أن أراجع نفسى

وأستدرك أى خطأ وقع منى سهوا

نقول ....بعد بسم الله ....مع الإختصار الشديد

1- الواضح منى لكم جميعا ...من كلامك

أننى ...أحب التواصل ومعطاء

2- حضرتك ذكرت بأننى ...قليل الدهاء ....

أى مش مكار ولا خبيث أوى

3- حضرتك ذكرت ....بأننى كثير الكبرياء

--------------------------------

مستحيل تلاقى واحد مش مكار

( أى قليل الدهاء )

وعنده كبر كتير

ويكون فى نفس الوقت

( بيحب التواصل مع الغير ومعطاء )

فدايما المكار والمتكبر ضنين فى عطاءه

قليل فى حبه للتواصل مع الغير

حبا فى الأخوه فى الله

---------------------------------------

أظن الأمور كده واضحه جدا

بأن رؤيتك لى بصفه عامه

من جهة الدهاء والكبر

( غير دقيقه )

----------------------

عذرا وجب الإستدراك مره ثانيه

لأن كلامك هذا ....آلمنى كثيرا

ورأيت بأنه

لابد لى من نفى كلامك هذا

من جهة تواجده عندى