مصر موتورز مجتمع السيارات - أدعو كافة الاعضاء للقراءة بعقلانية و دون هجوم بدون مبرر

مصر موتورز مجتمع السيارات (https://www.masrmotors.com/vb/index.php)

- الصينى العام (https://www.masrmotors.com/vb/forumdisplay.php?f=42)

رد: أدعو كافة الاعضاء للقراءة بعقلانية و دون هجوم بدون مبرر

يااااااه ... اخير اولدمان
الف حمد الله على السلامه ... المنتدى نور و الصيني زقطط

ومبروك استاذ حازم على اللقب .. وربنا يكون في عونك .. الشيله تقيله خصوصا مع زياده عدد الاعضاء و المشاركات
بس ادها و ادود يا ريس :)

رد: أدعو كافة الاعضاء للقراءة بعقلانية و دون هجوم بدون مبرر

دى اول مشاركة لى وحبيت بامانة ان اوضح اننى اتفق واشجع شراء الصينى مع ان سعره مرتفع بسبب جشع الوكلاء ذى جشع تجار اللحمة وغيره .. لان فعلا سعر السيارات اليابانية والاوروبية فى مصر فاق الحدود ونصب علنى فلقد كنت املك كورولا يابانى حديثة فى دبى وسعرها 55000 درهم كاملة الاوبشن يعنى 83000 جم وفى مصر نفس السيارة لاكن اقل جودة من الخليجى بسبب ارتفاع الحرارة هناك وبسعر غرييب جدا 155000 جم لماذا لا اعلم ..كل هذا الفرق من اين اتى ولمصلحة من؟
وعندما فكرت فقط فى احضار السيارة لمصر بعد استخدام 2 سنة وجمركتها قالو لى جبابرة الجمارك سوف تدفع 59000جم جمرك ولو مش عاجب سيادتك اشترى من مصر .. يعنى الراجل بيشجع اية بالضبط هو احنا بنصنع سيارات ولا هو بيشجع التجار الى ماصيين دم المصريين... وطبعا انا لا املك مبلغ كبير لشراء سيارة يابانية او اوروبية وقررت شراء صينى بالتقسيط ..واشتريت ليفان 620 والحق يقال من تجربتى لها حتى الان وبعد الصيانة الاولى ظهر عيوب بسيطة جدا واول شىء تيل الفرامل بيسفر وتم تغييره فى التوكيل ولاكن مستمر صوت الصفارة..ثانى شىء هناك عظ فى ذراع الفتيس والحمد لله تم علاجه فى التوكيل.. ثالثا واخيرا التكييف مستواه بالنسبة لتكييف التويوتا متوسط .
اما بالنسبة لمميزات السيارة اولا : السحب جيد ..وثانيا : العفشة جيدة .. ثالثا : التشطيب الداخلى : جيد .. الكماليات : جيدة جدا .. الامان :جيد .. الصاج : جيد جدا ..الشكل الخارجى مميز.. درجة حرارة الموتور فى الجو الحار الماضى 42 درجة لم يرتفع ولم يتأثر اداء الموتور فقط الاحساس بالتكييف اقل بشكل عالى نوعا ما من الايام التى درجة الحرارة 31 درجة .
لاكن احب ان اوضح ان سيارتى التويوتا فى دبى تم سماع صفارة فى تيل الفرامل وتكحيت عند 8000 كم رغم انى اشتريتها فى فصل الشتاء ولم يكن الجو حار .. والتوكيل رفض تغيير التيل واعتبره خارج الضمان.
من وجهت نظرى اجد ان الصينى ممتاز اذا الوكيل كان عنده ضمير واشترى السيارة بنفس الجودة الموجودة فى الصين وايضا يكون محترم فى الصيانة .. واكيد سوف تجد سوق وشهرة واسعة للصينى فى مصر مثل الهيونداى.
وشكرا

رد: أدعو كافة الاعضاء للقراءة بعقلانية و دون هجوم بدون مبرر

بصراحة الموضوع رائع و المشاركات مثمرة و أنا استفدت منه كثير
أنا عندي تعليق واحد و استفسار
التعليق : أنا لا يمكن أجيب عربية صيني ( الان ) لسببين :
سعر إعادة البيع ........ و دي طبعا في البالوظة:HAPPY_~211:
الاعتمادية .......... تحت الزيرو بشوية صغيرين :HAPPY_~211:
الاستفسار :
أنا عايز حد يكون جرب العربية البريليانس مدة طويلة و يكلمنا عن تعليقاته عليها : الجودة, الصيانة , قطع الغيار , ... إلخ
أنا شايف إنها أفضل سيارة صيني عل الساحة حاليا
مشكورين

رد: أدعو كافة الاعضاء للقراءة بعقلانية و دون هجوم بدون مبرر

والله كلام منطقى جداوانا فى طريقى انشاءالله لشراء سيارة وبعد الكلام ده احتمال افكر فى الصينى

رد: أدعو كافة الاعضاء للقراءة بعقلانية و دون هجوم بدون مبرر

اقتباس:

المشاركة الأصلية كتبت بواسطة drift (المشاركة 48305)

موضوع جميل جداا وياريت يوصل لكل واحد بيهاجم الصيني مثلا البي واي دي والجيلي mk والجيلي ck2 والاسبرانزا a516 والهايما الفاملي والبريميرا والبرليانس frv والبرليانس السبلندور كل العربيات دي 1600 سي سي ماعدا الجيلي ck2 هل في عربية من دول الفيرنا والانوس والافيو احسن منهم معتقدش نهائي مع ان السعر متقارب جدااا مثلا الانسر البومة دلوقتي السوبر اكشن ب106 الف والبرليانس اسبلندور ب106 الف طبعا اشتري البرليانس بدون كلام كفاية انها حاجة مختلفة وياريت اللي بيقول علي الصيني وحش يبص لسعرة وسعر اللي حوالية والفرق بينهم مش مهاجمة وخلاص

عزيزي drift

أحب بس اوضح حاجه لكل أصدقائنا الاعضاء لو حنقارن جيلي بلانوس أو فرنا
مع كامل احترامي لرأيك أنظر للمواصفات بعين العقل و العمر الافتراضي و احنا حنفهم كما قال احد الاعضاء الفرق بين سندويتش الفول من الحمبري
انا شخصيا أملك لانوس و جوليت و كيا سيراتوا بالترتيب موديلات 99 و 2000 و 2010 السياره الجوليت 380000كم و الانوس 160000 و السيراتو لسه عليها شويه و لي صديق عنده سياره جيلي و احب اوضح
واحد فقر الخامات واضح جدا و ارجوكوا محدش يقولي هي هي
اتنين أغلب المواتير الصينيه هي تكنولوجيا قديمه من اليابان أو غيرها و كل اللي بيعملوه بيحطو وش سلندر 2 كامه و 16 صباب و انجيكشن سيستم ده بيرفع القدره الحصانيه و لكنه للاسف لا يخدم عزم الموتور مثلا البريليانس اللى الناس بتقول عليها محترمه رغم ان معظم سياراتها أخفقت في اختبارات الامان ,موتور يقولون انه متسوبيشي و لكن!! 101 حصان لموتور 1600 سي سي و عزم 130 نيوتن متر فقط!!! لكي نفهم الفرق الانوس 1500 سي سي كامه واحده و8 صباب فقط و لمنها تولد 86 حصانا حقيقيا و عزم 130نيوتن !!! ايه ده للدرجه دي فرق التكنولوجيا مع العلم انا بقارن تكنولوجيا سنه 98 بتكنولوجيا 2005 ما علينا العمر الافتراضي مظنش محتاج اتكلم لان العداد اتكلم مع العلم لم أغير اي من القطع المعمره في السياره مثل الدينامو مقصات حتى اسطوانه الدبرياج لحد دلوقت 160000 و لسه الفبريقه ......بالنسبه بأه للبريليانس سبلندور 1600 سي سي أرجوك أشتريها عشان تعرف فرق السماء من الارض بالنسبه للانسر رغم اني لا افضل هذا الموديل من متسوبيشي بس انت بتتكلم في ايه؟؟ فرق الاداء اذا كان ده الفرق في الانوس مش محتاج اقول 121 حصان في الانسر غير العزم غير الفرق البشع في عمر قطع غيار السياره غير بأه أعتماديه التوكيل الزباله اللى يخليني اجيب رفرف بأكثر من 1000 جنيه لسياره تكلفتها مش أكثر من 40000 جنيه احب انبه الساده الاعضاء شركه بريليانس اصلا مش من الشركات الكبرى في الصين بالعكس عندما قورنت ال frv مع ال B-class jac مع ال byd و الm11 speranza or chery كان النتيجه كلاتي m11 احسن اداء من حيث التسارع و الثبات و الفرامل b-class ثم byd ثم frv مع العلم ان ال جاك التي جائت في المرتبه الثانيه هي 1500 سي سي فقط و وزنها اثقل من البريليانس المهم ما اريد ان أقوله ان مدرسه الجوده في الصين مازالت تحتاج الكثر اما بالنسبه لهيونداي فهي صحيح بدأت كتقليد و لكن انظروا اليه اليوم فهي تنافس بكل قوه المرسيدس و البي ام دبليوا و انظرو الفرق http://www.youtube.com/watch?v=J0FaJCn3QMU
فأرجوكم لا تقارنوا الصيني بالياباني و لا حتى كوريا التي اصبحت في المقدمه الان في مجالات كثيره يكفي ان سامسونج رقم واحد في العالم الان بعدما كانت سوني المهم انا لست ضد الصيني بس لسه محتاجين يتودكوا شويه

رد: أدعو كافة الاعضاء للقراءة بعقلانية و دون هجوم بدون مبرر

اللى مش عجبه الصينى يجيب يابانى بس يا اخوانا حاجة مهمة والله احنا اجدع ناس تحب الفشخرة كل واحد براحته واللى يجن فى الموضوع الكلام اللى يتقال صينى ايه الصينى زبالة انا نفسى اسمع ان فى مصر عملوا حتى اسكوتر وشكراا

رد: أدعو كافة الاعضاء للقراءة بعقلانية و دون هجوم بدون مبرر

اقتباس:

المشاركة الأصلية كتبت بواسطة ezzeldeen_005 (المشاركة 206181)

عندك حق يا زين كل واحد فينا يركب على اد ميزانيته و مش عيب انك تركب اي نوع او اى بلد طالما انت مستريح لكن النقطه لما يوجد وجه مقارنه في نفس الفئه السعريه و امكانيات او جوده احسن ساعتها لازم نتكلم مثل اللصوص اصحاب البافريه اجيب عربيه زي الجالينا بعد ما عدلوها خدت 3 نجوم امان و لا بنفس السعر اجيب هوندا مع العلم ان للأسف قطع غيارهم تقريبا نفس السعر مع تفوق جوده الهوندا لكن لما مثلا الاقي عربيه زي ال ام الفن الاسبرانزا ب 69900 و فيه كماليات و حجم اكبر و موتور مش بطال ليه ارطب ساعتها عربيه ياباني 1000 سي سي مهما كانت جودتها و انا اقدر اركب اسرتي في سياره افخم؟؟؟