|
رد: خليك صفيق وانتخب شفيق !!
مبدأيا كده أنا بكره شفيق و بكره الاخوان بس بكرة الاخوان أكتر و عايز أقول لصاحب الموضوع خسارة فيك انى أتعصب عليك بسبب قلة الذوق اللى شغالة من أول الموضوع و خسارة فيك كل كلمة هقولها عشان أنا خسارة أخذ انذار بسبب شخصية ما تستهلش ، و عيب جدا جدا جدا لو أنت تعرف يعنى ايه عيب أصلا انك تتريق على مؤيدين شفيق (ولا يسخر قوم من قوم عسى أن يكونوا خيرا منهم) مهما أنت كنت متأكد من نفسك وبعدين فى الديمقراطية يا أستاذ اللى بطالبوا بيها هاه؟؟؟. والمشاركة ديه بتاعت سيادتك (كل خيار وانتخب الطيار ..هع هع هع هع هع هع (كلمة كل لها بديل آخر)ههههههههههههههههههههه ه هع) ميقولهاش واحد محترم أبدا و لا سبق أن دلل عليها شخص من الموقع ، و عموما لو أنت عايز الناس تتجه فى اتجاهك نحو الاخوان مفروض تتكلم بلباقة عشان ميقولوش الطيور على أشكالها تقع ، و عموما أى بنى أدم طبيعى عنده عقل هيرفض ان نفس الجماعة أو الحزب مهما كان يسيطروا على جميع أنحاء الدولة بما ان لو مرسى نجح رئيس الوزراء بيبقى من الأكثرية فى مجلس الشعب و اللى هم طبعا الاخوان زائد انهم متخذين القرار فى وضع دستور جديد على كيفهم و ده اللى هيفضل من بعد ما يمشوا ده فى حالة ان مشيوا ده كله كوم وان المرشد هو اللى هيتحكم فى الكيبورد بتاع البلد ده كوم(الكيبورد اللى هو مرسى) و أى حد ينكر هذا الكلام روح بيه على السرايا الصفرا بدون نقاش.
|
رد: خليك صفيق وانتخب شفيق !!
اقتباس:
اولا: انا مش هارد عليك بنفس اسلوبك لأنى راجل محترم .. ثانيا : موضوع الخيار كان رد على موضوع التبن..ولا التبن محترم وعاجبك ولم تعلق عليه ثالثا :كده ظهرت أخلاق اللى بيحبوا شفيق رابعا : انا ممكن ارد عليك بأسوا من كلامك ..لكن برضه خسارة فيك آخد علشانك انذار هع هع وكمان هع :Wkiss5::Wkiss5: |
رد: خليك صفيق وانتخب شفيق !!
تعجب البعض لماذا حصد الفريق أحمد شفيق كل هذه الاصوات
من اعطى لشفيق صوته ؟ اعطاه كل صاحب مصنع او شركه اغلقت بسبب الاعتصامات وقطع الطرق ! اعطاه كل مريض اوطالب لم يتمكن من الذهاب او تعثر في الرجوع بسبب المليونات الغير مبررة ! اعطاه كل صاحب محل اغلق لمجرد ان حظه سئ وكان يقطن بوسط البلد ! اعطاه كل ام لم تتمكن من زياره اهلها او قضاء طلباتها لان الاعتصامات لم تراعى حرمه شوارع او بيوت اعطاه كل من ازعجه حوار الشباب وتهكمهم على الكبار واستخفافهم و سبابهم باقذر الالفاظ لمن يخالفهم الرأي ! اعطاه كل من فقد الثقه في الشخصيات العامه من الاعلامين الذين كانوا يتقاضوا الملايين بسبب متاجرتهم بالام البسطاء ! اعطاه كل شاب كان امله في فرصه عمل وتعثرت بسبب خوف صاحب العمل مما ستؤل اليه الامور ! اعطاه كل من يعرف جيدا تاريخ الاخوان الدموي وحاضرهم الكاذب في مجلسي الشعب والشورى ! اعطاه كل من يعرف ان الخبرة والدراما السياسيه والوقوف في المظاهرات ربما تصنع زعيما ولكن لا تصنع رئيسا ! اعطاه كل من يفرق بين القادر على تحقيق البرنامج وبين من يتفوه بالاحلام دون سابق انجاز ! اعطاه كل اب وكل ام يريدون الاستقرار للبلد ! اعطاه كل من ايقن ان الرئيس القادم يجب ان يشبه الكثيرين من الوسطيين في الدين دون مغالاه ! اعطاه الاقباط الذين احبو الحياه المدنيه ويسعون للديموقراطيه بعدما هرعو من الفكر المتطرف ومن احلو دمائهم وسرقه محلاتهم وممن يريدونهم دافعين جزيه ! أعطاه كل من اهينوا لعدم مشاركتهم في التحرير لا نشغالهم بايام اللجان الشعبيه وبعدها اصبح يتساوى الشهيد بالبلطجي ! اعطاه كل من لم يهين الجيش والمؤسسه العسكريه التى ظهرت في ايام الثورة وانتشرت لتطمئن الناس على بيوتهم وارواحهم ! اعطاه من لم يجدوا مبرر للهجوم على الداخليه وحرق امن الدوله والتعدي على رجال الشرطه والاقسام ! اعطاه من وجدوا الاستهتار بهيبه الدوله الى ان وصل الهجوم على وزارة الدفاع ! اعطاه كل من عرف من سيحقق له ما يطمح من استقرار وعمل وحياه ! |
رد: خليك صفيق وانتخب شفيق !!
اقتباس:
ثانيا :احييك برضه على كلام توقيعك لأنه من وجهه نظرى صحيح (حريه ابداء الرأى) ثالثا :استسمحك فى الرد عليك لاحقا لأنشغالى دلوقت.. وشكرا مقدما :CONGRA~238: |
رد: خليك صفيق وانتخب شفيق !!
اقتباس:
ثانيا: موضوع التبن ده أنا مش فاهمه أساسا عشان كده معلقتش عليه بس ده مش مبرر لردك !! ثالثا: أنا مبحبش شفيق ولا عمرى حبيته ولا هحبه رابعا:متقدرش ترد عليا بسوء والسبب الرئيسى انى مغلطش فيك ده كان توضيح . |
رد: خليك صفيق وانتخب شفيق !!
ثانيا: موضوع التبن ده أنا مش فاهمه أساسا عشان كده معلقتش عليه بس ده مش مبرر لردك !!
أوضحلك موضوع التبن(على رأى بتوع شفيق) ..ان اللى هينتخب مرسى يبقى حمار بياكل تبن ..وانا اللى يشتمنى لازم ارد عليه (من باب حق الرد)..... ثالثا: أنا مبحبش شفيق ولا عمرى حبيته ولا هحبه وأنا كمان ..بس انا مش هنتخبه ..وانت هتنتخب مين؟؟ ..(مجرد سؤال ..وحضرتك طبعا حر) أنا شخصيا هنتخب مرسى كرها فى شفيق رابعا:متقدرش ترد عليا بسوء والسبب الرئيسى انى مغلطش فيك ده كان توضيح . موضوع متقدرش مفيش داعى منها(وانت عارف ليه) ..اما انك مغلطتش فيى ..ارجو منك ان تعود لتعليقك وانت تعرف انت قلت ايه ودى بعض كلماتك (عايز أقول لصاحب الموضوع خسارة فيك انى أتعصب عليك بسبب قلة الذوق - ميقولهاش واحد محترم أبد - و خسارة فيك كل كلمة هقولها عشان أنا خسارة أخذ انذار بسبب شخصية ما تستهلش- و عيب جدا جدا جدا لو أنت تعرف يعنى ايه عيب أصلا ) بقى بعد ده كله انت مغلطش !!!!!! |
رد: خليك صفيق وانتخب شفيق !!
اقتباس:
|
| الساعة الآن 12:59 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017