|
طلبات فردية 2009
عايز سيارة لمدة 5 ايام فقط حسافر بيها مطروح لأن ال 128 بتاعتى مش حتستحمل المشوار ده, و مستعد ادفع500 ج للخمس ايام ,لو فى حد يقدر يساعد فى الموضوع ده يبقى خير و بركة
|
رد: عايز سيارة لمدة 5 ايام فقط
أعتقد إن السعر اللي عاوز تدفعه قليل وغير مناسب إطلاقاًptmnlo123per144
عربية كويسة تسافر بيها مرسى مطروح لمدة 5 أيام لن يقل إيجارها عن 200 جنيه في اليوم بأي حال من الأحوال. ده غير حوالي 500 كم زيادة عن المسموح لك لأن المسافة رايح جاي حوالي 1000 كم فتكون التكلفة كالتالي: إيجار عربية 5أيام حوالي ألف جنيه + 500 جنيه كيلومتر زائد فيكون الإجمالي 1500 جنيه |
رد: عايز سيارة لمدة 5 ايام فقط
فعلا صعب اوى الا اذا فيه معرض ممكن يديك اكسنت حالتها تعبانة ولا حاجة وبرضو هيحسب الكيلو متر الزيادة والعربية ممكن تقل باصلها معاك هناك وهتبقى مشكلة
لو عربيتك مفيهاش حاجة خطيرة انصحك تظبطها بال 500 جنية دول وتاخد المشوار على مهلك وتاخود ريست كل 100 - 200 كم تريح فيه الموتور انا كنت بسافر مطروح ببرايد 1100 سى سى وباخد رست كل 200 - 300 كم وراكب فيها خمس اشخاص بالغين بس طبعاً من غير قرص خالص |
رد: عايز سيارة لمدة 5 ايام فقط
السيارة موجودة و هذا رقم التليفون للأستفسار
0166676775 أ/ أيمن |
{وَأَمَّا بِنِعْمَةِ رَبِّكَ فَحَدِّثْ} - مشروع تأجير سيارات
بسم الله الرحمن الرحيم
انا اسمي محمد رجب شاب عمري 20 سنه في الحقيقه المجال ده لفت نظري من امبارح بالصدفه كنت قاعد مع اخويا الكبير وقلتله يا اسلام انا عايز اعمل مشروع فقلي عن مكتب تأجير سيارات الحقيقه هو كمان معندهوش خبره في المجال ده بس مجرد نظره من بعيد نمت امبارح وصحيت وقلت اروح لحبيبي جوجل وهو يقدر يفدني بصيت في مواقع كتير وقريت مواضضيع كتير مستريحتش غير في الموقع هنا من مواضيع الاعضاء والردود والـتمست فيكم انكم ناس محترمه جدا والواحد يقدر يستفاد من خبراتكم في هذا المجال فأطلب منكم توضيح اكتر لهذا المشروع من تكاليف ماديه واجرائات حكوميه واداره المشروع لأن اهم شيء الأدراه اذا كانت جيده بعد توفيق ربنا بتكون سبب من نجاح المشروع ولو كانت غير كوفء فالطبيع النتيجه الفشل فانا بستسمحكم اللي ممكن يفدني اتمني ميبخلش عليا او علي اي حد بعد كده ممكن يقرا الموضوع ويستفيد بس حقيقي انا اتشجعت اكتر لما قريت رأي أ/سيف الدين ان الواحد لو ماشي بما يرضي الله في المجال ده ربنا هيكرمه وانا مستعد لو ممكن اقابل حد يقدر يفدني في الموضوع ده اكون شاكر لأفضاله انا من القاهره بس مستعد اسافر لأي محافظه عشان استفيد منكم اخوكم الصغير محمد رجب |
رد: {وَأَمَّا بِنِعْمَةِ رَبِّكَ فَحَدِّثْ}
إن شاء الله ربنا يكرمك و بالتوفيق مقدما و إن شاء الله الأعضاء ذوي الخبرة يساعدوك |
رد: {وَأَمَّا بِنِعْمَةِ رَبِّكَ فَحَدِّثْ}
بص يا استاذ محمد موضوع تاجير العربيات بيعتمد علي العلاقات علي شويه اعلانات واللي انت تركز فيه انك تحاول تجيب عقود مع شركات وتكون عقود طويله علشان تضمن سداد الاقساط باذن الله اما بالنسبه لاعتمادك علي التاجير اليومي او للافراد ده انا مابنصحكش بيه لانه دايما بيكون وراه مشاكل كتير وكمان مابيبقاش فيه حفاظ علي العربيه وكمان لو عرفت تجيب عربيات زي الهيونداي الH1وتشوف لها شغل مع شركه وتديها لسواق محترم وتأجرها في الصيف بالسائق للخليجين لانهم بيحبو العربيات الواسعه هي كويسه وعائدها كويس وفي حاجات كتير بس انت اسأل علشان الموضوع كبير
بالنسبه للشق القانوني هو بيبقي ترخيص مكتب ايجار سيارات وخدمه رجال اعمال ولو عرفت تعمله سجل تجاري سياحه يبقي تمام بس ده بيحتاج عدد كراسي ركاب معين بس طبعا لو عندك واسطه انسي الكلام ده كله يارب اكون افدتك بشيء واي سؤال انا تحت امرك |
| الساعة الآن 11:19 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017