مصر موتورز مجتمع السيارات - اختبار قيادة : تويوتا كورولا 2008 المزودة بعلبة التروس الذكية

مصر موتورز مجتمع السيارات (https://www.masrmotors.com/vb/index.php)

- Corolla (https://www.masrmotors.com/vb/forumdisplay.php?f=227)

رد: اختبار قيادة : تويوتا كورولا 2008 المزودة بعلبة التروس الذكية

تسلم ايدك على الموضوع المفيد جداااااااااااااا دة

رد: اختبار قيادة : تويوتا كورولا 2008 المزودة بعلبة التروس الذكية

سيدي الفاضل انت اتكلمت عن الكورولا الجديدة وكأنها عفوا في التعبير كنبة مش عربية فيها من القوة والتكنولوجيا اللي مش موجود في اي من العربيات اللي من نفس الفئة وده كله علشان انت سوقتها بالفتيس الmmt للأسف طيب ليه ما جربتش اللوتوماتيك او حتى المانيوال وانا حرد عليك لأني انا اشتريت الكورولا ال 2008 الMMT وسوقتها لمدة 10 شهور في البداية كنت بتعامل معاها على أساس انها اتوماتيك وده للأسف اللي انت حطيته في دماغك وانت بتسوقها وده غلط العربية جير مانيوال عادي جداً على تروس لكن بدون كلاتش او دبرياج وده اللي بيقوله لك في التوكيل لما تيجي تشتريها وبيخلليك تتطلع تجربها كمان علشان تبقى فاهم بتسوق ايه اما العربية في السحب والشد مش عادية ابداً العربية قوية جداً وبتروح لسرعات عالية والله لل 180 كم وانا مش حاسس اني مسرع او بأي اهتزازات وممكن اكتر من كده لكن انا بخاف طبعاً وعلى فكرة انا معايه دلوقتي الجير الأتوماتيك منها نفس العربية برده بس 2010 ومش حقولك على السحب والنعومة والثبات لأ انت روح أجر واحدة يومين وبعدين احكم عليها مش تسوقها 20 دقيقة وبعدين تشوهها كده ,وبرده عاوزك تركب الأوكتافيا علشان تعرف الفرق في الراحة والنعومة وبرده في الطلعة بتاعتها ، وعلى فكرة انا غيرت للراحة مش اكتر لأن الجير الMMT ده بتاع تفحيط وغرز وسرعة وبرده جيبت نفس العربية يعني لو فيها حاجة من العيوب اللي انت قولتها او انا لقيت فيها اي عيب خلال المدة دية كلها كنت غيرت جيبت اي شئ تاني وشكرررررررررررر

رد: اختبار قيادة : تويوتا كورولا 2008 المزودة بعلبة التروس الذكية

المهندس فادى شكراً على التقرير الممتاز ولكن هل جربت ركوب نسخة جنوب أفريقيا 2009 mmt أنا سيارتى تحت أمرك لتجربها كما تشاء وتعطينا تقرير عنها

رد: اختبار قيادة : تويوتا كورولا 2008 المزودة بعلبة التروس الذكية

اقتباس:

المشاركة الأصلية كتبت بواسطة vortec (المشاركة 59879)

أولا أتمني ان الأخ فادي مايطردنيش بعد الكلام ده

انت بتأول انك جربت العربية ذات الجير(الفتيس ) الجديد مسافة 20 كم\س لو انت بالفعل خبير وسايق عربيات فيها نفس نوع الجير ده أبل كدة تبأة فعلا العربية دي زبالة ,بالنسبة لي أنا متواضع وبألك اني بدأت أتعود علي الجير بعد أسبوع من شرائي للسيارة وعلي العكس من كل اللي اتفضلت وألته ما لاقيتش فيها أي حاجة من الكلام اللي ألته ده خالص صحيح لأني بروح كل يوم مشوار من الاسماعيلية للزقازيق عشان جامعتي رايح جاي يوميا علي سرعات تتجاوز ال 180كم\س بل تصل الي 200كم \س في معظم أجزاء الطريق وذلك لمدة عام كامل وليس لمدة 20 كم \س من القيادة بدون التدرب علي استخدام الجير الذي تفضلت ووصفته بالكارثي , الأهم اني لم ألحظ أي مشاكل في الموتور أو الجير وذلك مع العلم ان التكييف مابينطفيش مشكلة العربية الوحيدة انها بتسحب بنزين كتير مع السرعات العالية ومع الشد أدام الناس علي الطريق في وجود التكييف وأعتقد ان ده ما يبقاش مشكلة العربية دي تبقي مشكلتي أنا لأني من هواة السرعة , وبالنسبة للحاجة اللي وصفتها بالماتور الكسول وانه مش عصبي (ههههه) غريب جدا يعني ماتور عصبي أشتري بوجاتي ولا مازيراتي ولا أركب عربية فانتوم مش كورولا 1600 ولا شاهين 1400,بالنسبة لماتور بيوصل من 0 الي 100 كم\س في 10.2 ثانية بقوة 122حصان أتوقع انه يكون ممتاز بالنسبة لشخص متواضع زيي لا يطمح ان يمشي بسيارته أكتر من 200 كم\س . بالنسبة لموضوع الثبات والتوازن فهو أمر محسوم بحاجة بسيطة جدا اني باخد غرز بيها علي 180كم\س بدون أي مشاكل أو( تمايل غير محبب )زي ما حضرتك اتفضلت وألت وكذلك في الانعطافات مع أنظمة الفرامل اللي بتسهل عمليات الانعطاف بدون انزلاق أو تمايل علي العكس من الكورولا الخليجي التي لا تحتوي علي نظام abs حتي , بالنسبة للجير بوكس اللي حضرتك وصفته بالكارثي بنصحك تخلي حد فاهم كويس في الجير بتاع العربية دي يدربك عليه لأن ده المكتوب في دليل الجير بتاع العربية ان (يحق أي عميل أن يخرج في كورولا mmt برفقة أحد أفراد شركة تويوتا حتي يقوم بتدريبه علي كيفية استخدام الجير الجديد ) واما تعمل زي ما أنا عملت وتعد تتدرب عليها لمدة أسبوع عشان تقدر تشد بيها أدام الناس وتعرف امكانيتها الحقيقية وبالمناسبة بالنسبة للمازدا 3 اللي انت بتأول انها أفضل في الأداء من الكورولا شديت مع واحد صحبي علي طريق المطار بحيث ان أنا وصلت للدوران اللي في نهاية الطريق وهو لسة في بداية الطريق زي ما وعدته انه مش هيلحق يقرأ نمرة العربية بتاعتي. بس والنصيحة الأخيرة انك لازم تتسامح شوية مع التويوتا وأصحابها........وأعتذر ان كانت لغتي قاسية بعض الشئ بس دي وجهة نظر ولازم نحترم رأي الاخرين.

ENG.Mohamed Essam

اعتقد ان تويوتا لن تغامر باسمها وسمعتها
علشان كام غلطة في تقفيل الباب او جير بوكس مش بيأدي كويس

معنى كده بقى انها هتنزل جامد جدا في الاما والاعتمادية
لاني ممكن استخدم قوة العربية في الهروب من مواقف خطرة وغيره
يعني اكون محتاج ادوس على البنزين والاقي الموتور بيتكاسسل؟

امال المعلم بيشد بيها ازاي

اخوك محمد من كلية الصيدلة جامعة الزقازيق سنة تانية
اتمنى نتواصل لاني بفكر وبجدية اشتري 2010 ولو مش حصل نصيب يبقى 2011

عاوز اعرف هيا الكورولا اللي معاك هاي لاين؟ ولا لأ

ولو تسمحلي نبقى نتقابل 10 دقايق في الجامعة ومعاك العربية ابص عليها (ده لو هي هاي لاين) قصدي فيها كل الكماليات

اما بالنسبة للفتيس
عاوز اعرف منك حاجة
هو ايه الفرق بين الوضع E
والوضع Es
وبعدين بتفرك بيها ازاي (وان كان حرام عليك ياراجل غرز وفرك وشد بالمزة الامورة دي خخخ)

مستني ردك

رد: اختبار قيادة : تويوتا كورولا 2008 المزودة بعلبة التروس الذكية

اقتباس:

المشاركة الأصلية كتبت بواسطة فادى (المشاركة 59900)

لا يا سيدى نحن لا نطرد أحد هنا و لك كل الحرية فى التعبير عن رأيك كما تشاء.
و أهلا بك أخا لنا فى منتدى مصر موتورز.

بس مش فاهم هو كل واحد يقولى لازم تتعود و تتعلم على الفتيس؟ انا معايا رخصة قيادة صدقنى. و اللى بيسوق مانيوال يسوق اى حاجة يا بشمهندس و لا ايه؟ الاوتوماتيك بالنسبة لى لعبة, و بعدين هو المفروض اتعلم ايه بالضبط, الفتيس فيه وضعية اى و اى سبورت و مانيوال + و -, ايه اللى فاضل انى اتعلمه؟!!
على فكرة الفتيس اللى موجود فى اوبل و بى ام و فيات و الفاروميو و فولكس و اودى و و و هو من نفس النوع, مرسيدس هى الوحيدة التى تستخدم الأوتوماتيك.
بس ايه حكاية تدريب و الكلام الكبير ده؟ هى تويوتا فاكرة نفسها عملت اختراع لم يأتى احد بمثله؟ أحب ابشرك ان الاختراع الفضائى موجود فى معظم العربيات حاليا و من قبل ما تويوتا تفكر انها تصنع واحد مثله.
و لو كان الفتيس مفيهوش مشكلة و الناس هما اللى بهايم مش عارفين يستعملوه مكناش شفنا صفحة كاملة كل اسبوع فى ملحق السيارات تبشرنا أن الكورولا أصبحت متوفرة بفتيس مانيوال و أخر اوتوماتيك عادى و راسمينلك كل نوع فتيس, كأنه اعلان فتيس مش اعلان عربية.

بالنسبة للرخصة احنا مصدقين ههههههه

بس هيا مانيوال من غير ديربياج
وبعدين انا كنت قاري ان في وضعية فعلا بتخلي الموتور متكاسل وبينزل الRPM بتاعه وتقريبا ال Es
وده بتستخدمه في وضع معين علشان كده تلاقي الدورات مش مكملة ال3000 لفة وهي على الخامس مثلا
وبعدين من وجهة نظري
انا بحب المانيوال لانه بيحسسني اني سايق العربية مش زي عربيات السباق بتاعة دريم باك دايس بنزين وفرامل وخلاص
ودي التفاعل فيها اكتر كمان لانها جديدة عن المانيوال
ده يا اخي انا عمري ما ركبتها
بس حاولت اعمل النقلات على الهوا وانا قاعد على المكتب اتلخبطت
الفتيس ده في كل حاجة بتاعة المانيوال
امختلف بس الكونترول يونيت اللي بتقوم مقام الديبرياش ودي سعرها بالصلاة على الحبيب 20 باكو
ولكن اكيد اعتماديتها عالية والدليل الراجل بيفرك وبيشد بيغرز كمان ما شاء الله ومفيش حاجة
اما الجماعة اللي بيقولو الفوانيس بارزة وهتخبط منك ساعة الركن
فانت معاك سنسور ركن بيعمل ايه بيلعب ولا بينبهك لما بتقرب من اي جسم؟
انا حاولت بس اجرب شدة الريشة مع رفع الرجل عن البنزين لقيتها صعبة شوية (وكل ده في الهوا خخخخ)
بس اتعودت عليها خخخخخ

اما العربيات الستب ترونيك فدي بقة انا شوفتها
هو اتوماتيك عادي خالص
بس في خاصية انك تنقل ومش بتشيل رجل من البنزين انا صاحبي كان بينقل وخلاص ورجله دايسة على البنزين
لانها اوتوماتيك بمكوناتها العادية (شوف انت مكونات الفتيس الاتوماتيك ايه لاني مش عارف)
اما دي ففيها اسطوانة ديبرياش والديسك بتاعها وعلبة التروس الحاجات التانية ماعدا البدال بتاع الديبرياش حطو مكانه كنترول يونت وريشتين ورا الدريكسيون

بالراحة على كورولا شوية خخخ

هي بس ناقصها رفاهية الاوكتافيا والفكترا وبديها قول على الدنيا السلام
وعلى فكرة لو حطيت المواصفات دي عليها هتلاقيها فطت لل200 الف وهتون احسن كمان لانها واخدة 5 نجوم على عكس فكترا اوكتافيا 4 نجوم بس
غير ان الكورولا حمايتها للشخص المصدوم اعلى من المرسيدس ذات نفسها تخيل؟

مش كلامي
ده كلام موقع المنظمة بتاعة الامان في اوروبا NCAP
مش فاكر الاختصار قوي ولكن الموقع مشهور وتلاقيه موجود في جوجل

رد: اختبار قيادة : تويوتا كورولا 2008 المزودة بعلبة التروس الذكية

اقتباس:

المشاركة الأصلية كتبت بواسطة vortec (المشاركة 59879)

حاجة كمان
لو تعرف تجيبلي مصدر للكتالوجات بتاعة العربية يبقى الف شكر ليك

رد: اختبار قيادة : تويوتا كورولا 2008 المزودة بعلبة التروس الذكية

شكرا ياباشا
السيارة ثقيلة نسبا
هما ياباشا يعملو عربية تقيلة نقول دية تقيلة مبتجريش و لوعملولها ماتور كبير نقول بتاكل بنزين
يعملو عربية خفيفة نقول عربية مش ثبتة