مصر موتورز مجتمع السيارات - ما هو اسوأ مرور ممكن تتعامل معاه فى مصر؟

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - ما هو اسوأ مرور ممكن تتعامل معاه فى مصر؟ (https://www.masrmotors.com/vb/showthread.php?t=82215)

رد: ما هو اسوأ مرور ممكن تتعامل معاه فى مصر؟

:017165~155:

كل واحد هايقول المرور بتاعه

للأسف كل المرور زفت

رد: ما هو اسوأ مرور ممكن تتعامل معاه فى مصر؟

اولا: شكرا لصاحب الموضوع
ثانيا هى دى تجربتى مع مرور السلام والعياذ بالله انا رخصت على 3 ايام.
واليكم التفاصيل:
اول يوم لازم تعمل مخالفات على النمر القديمة اللى سلمتها سنة 2009 وما حدش يقولك حاجه المواطنين هم اللى بيقولولك تروح كشك التصوير وتجيب ورقة مخالفات على النمر القديمة وتكتب النمر القديمة والجديدة وتقف ف طابور طويل طبعا ده للناس العاديين اللى زينا.... لكن البلطجية بتدخل على الشباك على طول والموظف عارفهم بياخد منهم الورق على طول بعد ما يزعق شوية لزوم الشغل وبينادو بصوت عالى داخل المرور "حد يدفع 10 جنية واجيبلة الورقة" يعنى قائد المرور سامع ..مافيش مشكلة .... وانتظر تحت المظلة ساعة اتنين تلاتة انت وحظك( والجو تحت المظلة نار وفيه مروحة واحدة فقط الكل يتسابق للجلوس تحتها وكأنك قاعد على محطة اتوبيس ف الشارع... شاى.. حاجة ساقعة.. كروت شحن.. محافظ جلد وبلاستيك) ومنتظر تسمع اسمك وتستلم الورقة اللى هى مكتوب فيها ان النمر دى هى هى نفس نمر العربية اللى فيها النمر الجديدة دى يعنى انت لسة ما ابتديتش اجرآت الترخيص وطبعا اليوم باظ الخزنة بتقفل من الساعة 11 ونصف..... تروح تانى يوم تخش على شباك المخالفات وما ادراك ما المخالفات تقف على الشباك وتعافر وانت وحظك توصل للشباك امتى وطبعا البلطجية شغالين الله ينور وبعد ما تسلم الرخصة والورقة بتاعت امبارح يكون فات ما يقرب من ساعتين وتنتظر تسمع اسمك وبعد ييجى ساعة وشوية ينده على اسمك ويقولك قيمة الغرامة او5 جنية لو مافيش مخالفات تدفع ويقولك استنى شوية وتستنى الشوية الله اعلم قد اية وينده على اسمك ويسلمك الايصال وبرأة الذمة للمخالفات كل ده انت لسة ما بدأتش اجرآت الترخيص تجرى على الشبابيك تلاقى عليها كوم من البشر لو انت جدع توصل للشباك المهم وبعد عناء شديد من الزحمة والتدخين ف الحر ده وصلت الشباك قلى هات ورق دفع الضريبة من كشك التصوير جريت على كشك التصوير وجبت الورق ورجعت تانى للشباك..... "خلاص ياخونا الخزنة قفلت تعالو بكرة" قلت اعمل حاجة بدل ما اليوم يروح كدةعلى الفاضى عملت التأمين الاجبارى وروّحت ع البيت... تالت يوم روحت كنت امام الشباك الساعة 8 صباحا لقيت ناس كتير (جم امتى دول ولا بايتين من امبارح الله اعلم) الشباك فتح الساعة 9 وربع واول ما فتح "نظام ياجدعان طابور" بعد شوية الطابور اتبعكك والبلطجية اشتغلوا وده بيسأل على حاجة " انا مش ح اعمل حاجة انا ح اسألو بس" شوية والزعيق اشتغل وبقى على الشباك كوم بشر والجدع اللى يوصل المهم وصلت كتب رقم الرخصة واداها للعسكرى علشان يجيب الملف وقالى استنى شوية بعد نصف ساعة جه الملف واخد منى ورق الضريبة اللى اشتريته امبارح وكتب وروحت الخزنة طابور طويل ما فيش غير شباك واحد لتحصيل الرسوم وشباك تانى لشراء استمارة التجديد .. خلصت الطابورين ورجعت للشباك تانى لسة عليه نفس الكوم من البشر عافرت ووصلت "استنى شوية انت مش شايفنى باشتغل" ماشى وبعد شوية اخد الورق "انت جايبلى الورق ف يدك.... هات ملف"حاضر... جريت جبت ملف ورجعتله تانى الحمد لله اخد الورق وكتب وقالى انتظر تحت المظلة.
الساعة 2 ونصف نده على اسمى واستلمت الرخصة اخيرا الحمد لله.
ملحوظة هامة : ميعاد ترخيصى 5 مارس وكل يوم اقول بكرة لغاية شهر مايو علشان العذاب اللى بنشوفه زى ما شرحت لحضراتكم.
انا اسف طولت عليكم هى دى تجربتى مع مرور السلام كل سنة علشان ما حدش يقول اننا بنتجنى عليه.

رد: ما هو اسوأ مرور ممكن تتعامل معاه فى مصر؟

السلام عليكم ورحمة الله وبركاتة
انا شاب ساكن في مدينة الآلام ( السلام)
وحبيت اعلق على كل الى قالوه الاعضاء على المرور الجميل دة هههههههههه ش

اقتباس:

المشاركة الأصلية كتبت بواسطة herlom (المشاركة 637215)

انا عن نفسى اسوأ مرور هو مرور السلام وما ادراك مرور السلام
فى شهر يناير السنة ده روحت مع والدى علشان يجدد رخصة العربية وطبعا من اول ما دخلنا وعدد كتير جدا من البلطجية والحشاشين بيعرضوا عليك انهم يخلصولك الورق كله وانت تقعد على القهوة وتشرب كوباية شاى وطبعا كل حاجة ليها تمنها .. طبعا رفضنا فلقيت واحد منهم بيقولنا خلاص انت حر تبقى تقابلنى لو خلصت حاجة النهاردة وخليك واقف فى الطوابير .. طبعا طنشنا الكلام ده لانى كنت واثق ان الامور بعد ثورة 25 يناير اتغيرت والموظفين بقه عندهم ضمير اكتر من الاول وحيمشوا مصالح الناس بسرعة بس اتصدمت لما لقيت فى مرور السلام مفيش حاجة اتغيرت ولا كأن حصلت ثورة من الاساس وكان الى حيجننى اكتر ان الموظفين بتتعامل مع البلطجية ده وبياخدوا نسبة من الفلوس الى بياخدوها من الزبون طبعا .. طبعا مش كل الموظفين الا من رحم ربى لان فى ناس اشراف بينهم وميقبلوش على نفسهم قرش حرام .. ده حتى مهندس الفحص ما بيطلعش يفحص بنفسه ويخلى بلطجى هو الى يا خد منك العربية ويخلصهالك وبعد كده يقولك الحلاوة وما ادراك ما الحلاوة طبعا يضربلك مبلغ عالى 300 جنيه ولو قلتله انا حخلصها بنفسى يقولك انت فاكر ان المبلغ ده حاجة ده انا حاخده منك واوزعه والمهندس حياخد نسبة منه ولما تروح تفحص تلاقى فعلا كلامه صح والمهندس بيسيب البلطجية هما الى يخلصوا للناس فحصهم والباقى معروف .. المهم بعد طول عذاب ووقوف فى جميع الطوابير والانتظار الطويل جدا والعروض الى كل شوية تجيلك تحب اخلصلك الورق .. الرخصة طلعت بسلام وطبعا ده بفضل ربنا فى الاول ثم علشان كنا بنقسم نفسنا انا ووالدى على الطوابير علشان نخلص ونطلع الرخصة فى نفس اليوم
الخلاصة الواحد بيتمنى ان تكون الامور اتغيرت فى مرور السلام دلوقتى برغم ما عدش غير شهرين من يناير لمارس .. وان البلطجية دول الشرطة تمحيهم من على الوجود لان لولا تعامل الموظفين وامناء الشرطة مع البلطجية دول مكنش حيكون ليهم اى اثر .. لان الموظف بيعطل مصالح الناس علشان يجبرك انك تتعامل معاهم فى الاخر علشان يطلعله فلوس حرام فى الاخر يأكل بيها نفسه وعياله .. وربنا يهدينا جميعا

ياريت الكل يشارك ويحكيلنا المواقف الى حصلت معاه داخل المرور يمكن مع مرور الوقت نعمل موضوع احسن مرور فى مصر ونقارن بينهم جميعا

كلامك سليم مية في المية ونفس الكلام دة انا شوفتة اول مرة دحلت فيها المرور الزبالة دة

اقتباس:

المشاركة الأصلية كتبت بواسطة zamanan2000 (المشاركة 637217)

اولا احب اقدم تحياتى على الفكرة الحلوة

بص يا سيدى اسواء مرور اتعاملت معاه مرور السلام فعلا مالوش حل عدد الناس كتير جدا لانه شامل اجرة وملاكى ونقل وفى نفس الوقت اللى بيقدم الخدمة عدد قليل م الموظفين انا وقفت من 8 ونص الصبح لواحدة الضهر بس علشان اجيب براءة ذمة فتخيل بقى بقيت الاجراءات بتبقى ازاى

ده غير العدد المهول من النصابين اللى واقفين هناك اكتر من الناس

ولا الشمس تحس انها ملمومة كلها فى المرور ده لما كنت هفطس

صح كلامك وبتوع الشاي الى بيرغوا في ودنك وطوابير المخالفات الي جنبك ويخرجك تجيب بيان صرف لوحات بعد ما تكون وصلت للشباك وترجع تقف الطابور من الاول

اقتباس:

المشاركة الأصلية كتبت بواسطة AboNoRa (المشاركة 637412)

مرور السلام هتكره اليوم اللى اشتريت فيه عربيه اصلا

انا كرهت العربية لمده شهرين لاني كنت مغير موتور ولفيت لفة محترمة هههههه

اقتباس:

المشاركة الأصلية كتبت بواسطة herlom (المشاركة 637443)

انت حتقولى على مرور السلام ده اكتر مرور يكرهك انك تشترى عربية ولو اشترتها يندمك انك اشترتها ويكرهك فى حياتك اعوذ بالله

والله لو هتمشي بالطوابير والنظام يبقا عادي انما هما البلطجية بيشربوا حشيش عيني عينك والظابط الى هناك مش عارف يعمل معاهم حاجة ولا كمان العربيات الى بيأجروها عشان تعمل الرخص الخاصة
فعلا ازبل مرور على مستوى الجمهورية والىي يقول غير كدة يبقا ميعرفش يعني اية مرور السلام

اقتباس:

المشاركة الأصلية كتبت بواسطة mr_astra (المشاركة 637450)

اسوا مرور بالنسبة لى مرور طنطا شوفت فية الويل الويل الويل الويل من هنا لغاية بعد بكرة بعدة مرور السنبلاوين ملحوظة انا اتعاملت مع مرور السلام كتير جدا جدا جدا واخرها فى شهر فبراير اللى عدى ......اقول اية دة حتة بسبوسة دة ولا اكنى فى امريكا بالنسبة لمرور طنطا على النقيد من احسن ادارات المرور اللى اتعاملت معاها مرور رابعة جددت ونقلت ملكية فى اقل من ساعة وبالمثل مرور الوايلى بجد ممكن تستاذن من شغلك تروح تجدد رخصة عربيتك وترجع شغلك تانى

على فكرة باين على حضرتك دخلت مرور السلام سنيما هههههههههه

ومرور رابعة مرور محترم ايوة يببقا زحمة انما بيخلص الناس علطول

وبالنسبة للوايلي مفيش وايلي بقا في مصر الجديدة لعلمك الخاص وبردة مرور محترم ومافيبهوش رشاوي غير بمزاجك

وشكر خاص لصاحب الفكرة وللمنتدي الرائع

رد: ما هو اسوأ مرور ممكن تتعامل معاه فى مصر؟

اقتباس:

المشاركة الأصلية كتبت بواسطة ahmed2801 (المشاركة 674616)

فعلا كل دة واكتر بيحصل في المرور الزبالة وانا كلي اسف على استخدامي لهذا اللفظ بس فعلا الى يعيش في مدينة السلام هيعرف ان الثورة موصلتش المرور دة ههههههههه

وفي واحدة بتقعل تلف بكروت شحن كارت شحن 10.5 كارت شحن
وواحد تاني شاي مية مغلية في ترمس والواد الى ماسكة يعني حاجة تفقر
والساندويتشات جبنة رومي وبيض مسلوق ومعرض للهوا وحتى لو حط عليهم كيس هتلاقي الكيش محطوط عشان يبين النظافة مش عشان الذباب والامراض
وزي ما الاخ قال تحس انك قاعد في قطر وكل شويبة يجي عيل متسول يقول اجددلك ب 25 جنية وانتا قاعد على القهوة
اجيبلك مخالفات ل 50 جنية وانت قاعد على القهوة

وكلها بتشغل بعضها
بيعملوا رخص شمال وبيأجروا عربيات بتسقط الى رايح يمتحن بالجهود الذاتية
مش بتسقط بمعنى الكلمة
لا العربية بتدخل 3 امتحانات مرة تنجح ومرتين تسقط
لان البلطجية الى برة بياجروها للناس الاختبار ب 70 جنية عبد التواب واولادة
والظابط مش عارف اسمة محمد راسخ باين
وهو داخل العيال بيستخبوا وهو خارج بيستخبوا دة عشان خاطر منظرة قدام الناس بس هو على علم بكل شيئ بيحصل بس للاسف لاحياه لمن تنادي

رد: ما هو اسوأ مرور ممكن تتعامل معاه فى مصر؟

مرور المنصورة يا جماعه متنسهوش من اسوا الوحدات الموجودة على مستوى الجمهوريه انا كنت هنزل اولع فى العربيه و لما هديت شويه قولت ابيعها بخسارة تصل الى 5 الاف و اللى ياخدها يجددها حاولت ابيعها و معرفتش مع انى كنت منزل فى السعر فقلت هحتسبها عند الله و امشى بيها من غير نمر لحد ما اتمسك و الحكومه تاخدها ..... وقوف فى طابور اربع ايام عشان اسال ايه المطلوب ..... طبعا مهزله و الله المشكله انى مش حرك و بقف فى الطابور باحترام معرفش اجى قدام واحد و اخد مكانه و كد\ة .... المهم عرفت طريق الرشوة و العياذ بالله و عملت موقف كوميدى كل اما افتكرو اضحك عليه لحد النهاردة ..... من كتر الغل اللى فيا كان معايا 1000 جنيه عشرات دخلت عند الموظف ووقفت فى اخر الطابور كان رقمى 25 تقريبا لاقيت عسكرى الوحدة رايح جاى ورا الموظف و شايل ملفات طالع نازل بيها قمت مطلع الباكو و قعدت اهزلو ايدى و اجبهم يمين و شمال عشان يبان كتر الفلوس ..... قام رامى الملفات على الارض و اتدور من باب الموظفين و طلعلى و قالى باشا قلتلو انتا اللى باشا و كنت هبوس جزمتو المعفنه و هعيطلو كمان حكيتلو القصه قالى بس كدة قلتلو بس ....قلتلو كام يا باشا قالىى هناخد 200 جنيه انا و الموظف قلتلو بس لا و الله لسه كمان دا فى قدهم مرتين بس انجزنى فى ربع ساعه بس هوا مين تانى يوم خلصت ..... و خد ال 200 بس و الحمد لله و من يوميها حلفت منا جايب عربيه الا لما تكون نفس المرور بتاعى ورخصه 3 سنين

رد: ما هو اسوأ مرور ممكن تتعامل معاه فى مصر؟

أسوء مرور من وجهة نظري هو مرور السلام
وتوضيح رأيي موجود من قبل في موضوع منفصل:

http://masrmotors.com/vb/showthread.php?t=13578

رد: ما هو اسوأ مرور ممكن تتعامل معاه فى مصر؟

يلهوى على مرور الوراق زباله