المشاركة الأصلية كتبت بواسطة ahmedelbannan (المشاركة 692180)

احب اشكر المنتدى و كل اعضائه على المساعده الكبيره فى اختيارى الى انا باعتبره موفق للهيونداى. ده اول مشاركه ليا فاعزرونى لو افكارى مش مرتبه.

انا اشتريت العربيه شهر 3 الى فات من اوتو سمير ريان "خليجى" ب 133 الف الكماليات الأساسيه (اوتوماتيك 6 نقلات + ستيبترونيك + 4 زجاج كهرباء + 1 زجاج اوتوماتيك للسائق - كاست (CD MP3+ AUX+ USB) الكماليات الأضافيه (كاست بلو توث - جنوط 16 - فتحه سقف - طاره و مقبض فتيس جلد + اضافات نيكل فى الشبكه الأماميه و مقبض الفتيس + غطاء للحت الى تحت التكييف ده ملقتهاش فى الوكيل)

دفعت 1100 جنيه تأمين 3 سنين ضد عيوب الصناعه من عند شركه AAA

سافرت بالعربيه اول مجبتها شرم الشيخ و رجعت من ساعتها باسوقها فى القاهره

و كانت ديه ملاحظاتى الايجابيه الأول

* العربيه واسعه جدا و عريضه انا 180 سم و 110 كج و من النوع الى بحب ارجع الكرسى, الى كان قاعد فى الكنبه الخلفه واحد صحبى و كان مستريح و هو حوالى 170 سم .
* الشنطه الخلفيه واسعه و مسطحه و ديه ميزه لما تحب تحط امتر من شنطه.
* بالنسبه للعربيات الموجود فى السوق اعتقد (الموضوع ده اذواق) ان تصميم العربيه الخارجى جديد جدا و متقدم و هيفضل شويه لحد ميقدم.
* بالنسبه للتابلوه شكله جديد و جميل و بصراحه انا شايف ان شضافه الكاست ال DVD الى موجود فى شارع دمشق ب 3000 جنيه بيخلى التابلوه اكنه فى عربيه اعلى و اغلى كتير
* الجنط ال 16 بيجمع بين الشكل و العمليه العفشه كويسه انشف من الانترا القديمه بس اثبت منها على الطريق. الجنط ال 15 اعتقد انه هينعم العربيه فى المطبات و ال 17 هيخلى شكل العربيه احلى.
* الباور انعم من كل العربيات الى سقتها (انا سقت عدد مش بطال) بس ده فى عيب هقوله تحت.
*العربيه كويسه فى استهلاكها للبنزين انا بعمل حوالى 9 لتر فى ال 100 كم لما اكون ماشى بأدب.
*العربيه جبت بيها 200 بس مكنتش مستريح و على السرعه ديه العربيه خفيفه جدا السرعه الى حسيت انها مناسبه للعربيه 150-160 لازم مننساش ان ديه عربيه كورى.
*فى صيانه الألف رحت الأقصى مركز نضيف و الناس محترمه.

السلبيات
* الجير بوكس ال 6 نقلات موفر للبنزين بس بصراحه ميت جدا التسارع مش كويس و الكيك دون بيعلى صوت الموتور جدا لو عايز تجرى لازم تقلب ستيبترونيك.
* الباور الكهربائى خفيف جدا لدرجه اوفر و مش بيتقل مع السرعه العاليه و مش بيخليك متفاعل مع الطريق و الغرز بتبقى مقلقه عشان الباور حساس جدا.
* العربيه الى معايا مش ABS و الفرامل الى ورا تيل مش دسك مش مبسوط من ثبات العربيه مه الفرامل الجامده.


عموما
* انا مبسوط من العربيه و قادر اتعايش مع عيوبها مريحه و هاديه تاخدك من نقطه لنقطه بشياكه و راحه.
* ديه مش عربيه المانى متتوقعش منها اداء عالى بعد ال 140 من ناحيه الثبات العربيه مخففين وزنها عشان توفر فى البنزين و خلو الباور كهربا مش طرمبه زيت عشان طرمبه الزيت برده بنحمل على الموتور فبتستهلك بنزين.
العربيه ديه اخدت جوايز بالهبل لدرجه ان مسئولين من فولكس انبهروا من روعه و جوده تصميم خامات الصالون و طلبه من مصممين الجولف يتعلموا منها.

عربيات سابقه و حاليه
1995 هيونداى اكسل 1500 GLS
1999 سيات ابيزا 1000 CC تعديل موتور و عفشه 1600 CC
2000 دايو ليجنزا 2000 CC
1998 BMW 1600 CC كوبيه تعديل موتور و عفشه 2800 CC
2004 كيا سيكترا 1600
2010 كيا كارنز 1600 وكيل
2012 هيونداى الانترا 1600 خليجى

اى سؤال او استفسار انا تحت امر اعضاء المنتدى

المشاركة الأصلية كتبت بواسطة ahmedelbannan (المشاركة 692180)

احب اشكر المنتدى و كل اعضائه على المساعده الكبيره فى اختيارى الى انا باعتبره موفق للهيونداى. ده اول مشاركه ليا فاعزرونى لو افكارى مش مرتبه.

انا اشتريت العربيه شهر 3 الى فات من اوتو سمير ريان "خليجى" ب 133 الف الكماليات الأساسيه (اوتوماتيك 6 نقلات + ستيبترونيك + 4 زجاج كهرباء + 1 زجاج اوتوماتيك للسائق - كاست (CD MP3+ AUX+ USB) الكماليات الأضافيه (كاست بلو توث - جنوط 16 - فتحه سقف - طاره و مقبض فتيس جلد + اضافات نيكل فى الشبكه الأماميه و مقبض الفتيس + غطاء للحت الى تحت التكييف ده ملقتهاش فى الوكيل)

دفعت 1100 جنيه تأمين 3 سنين ضد عيوب الصناعه من عند شركه AAA

سافرت بالعربيه اول مجبتها شرم الشيخ و رجعت من ساعتها باسوقها فى القاهره

و كانت ديه ملاحظاتى الايجابيه الأول

* العربيه واسعه جدا و عريضه انا 180 سم و 110 كج و من النوع الى بحب ارجع الكرسى, الى كان قاعد فى الكنبه الخلفه واحد صحبى و كان مستريح و هو حوالى 170 سم .
* الشنطه الخلفيه واسعه و مسطحه و ديه ميزه لما تحب تحط امتر من شنطه.
* بالنسبه للعربيات الموجود فى السوق اعتقد (الموضوع ده اذواق) ان تصميم العربيه الخارجى جديد جدا و متقدم و هيفضل شويه لحد ميقدم.
* بالنسبه للتابلوه شكله جديد و جميل و بصراحه انا شايف ان شضافه الكاست ال DVD الى موجود فى شارع دمشق ب 3000 جنيه بيخلى التابلوه اكنه فى عربيه اعلى و اغلى كتير
* الجنط ال 16 بيجمع بين الشكل و العمليه العفشه كويسه انشف من الانترا القديمه بس اثبت منها على الطريق. الجنط ال 15 اعتقد انه هينعم العربيه فى المطبات و ال 17 هيخلى شكل العربيه احلى.
* الباور انعم من كل العربيات الى سقتها (انا سقت عدد مش بطال) بس ده فى عيب هقوله تحت.
*العربيه كويسه فى استهلاكها للبنزين انا بعمل حوالى 9 لتر فى ال 100 كم لما اكون ماشى بأدب.
*العربيه جبت بيها 200 بس مكنتش مستريح و على السرعه ديه العربيه خفيفه جدا السرعه الى حسيت انها مناسبه للعربيه 150-160 لازم مننساش ان ديه عربيه كورى.
*فى صيانه الألف رحت الأقصى مركز نضيف و الناس محترمه.

السلبيات
* الجير بوكس ال 6 نقلات موفر للبنزين بس بصراحه ميت جدا التسارع مش كويس و الكيك دون بيعلى صوت الموتور جدا لو عايز تجرى لازم تقلب ستيبترونيك.
* الباور الكهربائى خفيف جدا لدرجه اوفر و مش بيتقل مع السرعه العاليه و مش بيخليك متفاعل مع الطريق و الغرز بتبقى مقلقه عشان الباور حساس جدا.
* العربيه الى معايا مش ABS و الفرامل الى ورا تيل مش دسك مش مبسوط من ثبات العربيه مه الفرامل الجامده.


عموما
* انا مبسوط من العربيه و قادر اتعايش مع عيوبها مريحه و هاديه تاخدك من نقطه لنقطه بشياكه و راحه.
* ديه مش عربيه المانى متتوقعش منها اداء عالى بعد ال 140 من ناحيه الثبات العربيه مخففين وزنها عشان توفر فى البنزين و خلو الباور كهربا مش طرمبه زيت عشان طرمبه الزيت برده بنحمل على الموتور فبتستهلك بنزين.
العربيه ديه اخدت جوايز بالهبل لدرجه ان مسئولين من فولكس انبهروا من روعه و جوده تصميم خامات الصالون و طلبه من مصممين الجولف يتعلموا منها.

عربيات سابقه و حاليه
1995 هيونداى اكسل 1500 GLS
1999 سيات ابيزا 1000 CC تعديل موتور و عفشه 1600 CC
2000 دايو ليجنزا 2000 CC
1998 BMW 1600 CC كوبيه تعديل موتور و عفشه 2800 CC
2004 كيا سيكترا 1600
2010 كيا كارنز 1600 وكيل
2012 هيونداى الانترا 1600 خليجى

اى سؤال او استفسار انا تحت امر اعضاء المنتدى

المشاركة الأصلية كتبت بواسطة ph.mohamedsaed (المشاركة 692394)

مشكور و ملحظاتك مفيده جدا جدا


بس عايز اعرف هي سعر الخليجي منها كام دلوقتي و ايه فئات الخليجي
و بيختلف عن المصري في ايه ؟؟

و شكرا

المشاركة الأصلية كتبت بواسطة ahmedelbannan (المشاركة 695026)

مش هقدر افيدك قوى فى سعر و فئات الخليجى لأنهم كتير احسنلك تخطف رجلك لأى معرض كبير و تعرف الأسعار و الكماليات (انا اتعاملت مع اوتو سمير عشان عندهم كل الوكيل و الخليجى بضاعه حاضره و سعرهم كويس) و لو مكسل كلمهم فى التليفون هيجابوا على كل استفساراتك . اما بالنسبه لسؤال الفرق بين الخليجى و الوكيل
1- فى فرق فى السعر من 3000 - 4000 جنيه بعد الخصم الى بيتعمل على المحلى و اضافه الضمان ال 3 سنين الى عملته عند شركه تريبل ايه (رأى شخصى ان الوكيل مش هايدينى اى حاجه ذياده).
2- فروق بسيطه فى وش العربيه الخليجى الحليات الى فيها كروم فى الوكيل بلاستيك مرشوش فضى
3- حليه كروم فو مقبض الفتيس ده مش موجود فى الوكيل
4- طراره دركسيوم و مقبض فتيس جلد طبيعى غو الوكيل عادى
5-الكاست بلوتوث
6- غطاء للكنسول و ده مش موجود فى الوكيل

* فى ناس بتقول ان العربيات الخليجى بتبقى البويه بتاعتها اقوى و تكيفها اشد بس انا مش مقتنع بالكلام ده و بعدين العربيات الهيونداى ديه كلها من الأردن

اتمنى انى اكون رديت على سؤالك و لو فى اى سؤال تانى انا تحت امرك

المشاركة الأصلية كتبت بواسطة asyl84 (المشاركة 696182)

انا بدور على خليجى بس اول فئة اتوماتيك لان الصراحة يهمنى انى اجيب اقل سعر حاليا محدش يعرف مكان بيبيع خليجى اول كاتيجرى اتوماتيك وسعرها كام

المشاركة الأصلية كتبت بواسطة 3bdo (المشاركة 696315)

عليك وعلى اوتو سمير ريان احسن معرض خليجى فى مصر