مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- ستروين Citroën (https://www.masrmotors.com/vb/forumdisplay.php?f=18)

- - سيتروين AX كلوب (https://www.masrmotors.com/vb/showthread.php?t=59230)

رد: سيتروين AX كلوب

فعلا موضوع جامد وشامل بس انا مكنتش شفته وهنتابع مع بعض ان شاء الله اخر التطورات بس هو كان فى سؤال شخصى كده .... ان شفت الموضوع بتاع يوميات سيتروين وكان فعلا موضوع جبار ومممتاز لابعد الحدود وانا بسبب الموضوع ده ولما شفت عربيات فى مواقع اجنبية متظبته حبيتها بجد .. نيجى بقى للسؤال انا شفت انك عرضت العربيه للبيع بعد ما شدتها على طول مع انى لو مكاناك وتعبت فيها بنفسى كده مش هفرط فيها ومعلش سؤال تانى انت لوحبيت تشترى عربية تانى مكنش معاك غير برده 20000 الف هتفكر تشترى الستروين تانى ولا هتصبر شوية وتكمل وتجيب عربية اشد ولو فى حاجه بتفكر فيها ممكن نتشارك فى الاراء مقارنه يعنى ومعلش طولت عليك ايه رأيك فى الماروتى ... وكنت سمعت اخبار ان المازدا 323 نزلو ليها مواتير موديل 1990 واعلى علشان كده العربيه سعرها رفع مش عارف ده كلام مظبوط ولا لاء لو عندك اخبار ابقى رسينا ....

رد: سيتروين AX كلوب

اهلا مصطفى باشا .. معلش اعذرنى على التأخير فى الرد نظرا لظروف مرض والديا "الاثنين" ارجو الدعاء لهم بظهر الغيب....
بالنسبة لبيع عربيتى انا صرفت عليها حوالى 13 الف من ساعة ما جبتها وكل اللى اتصرف فى تجديدات شاملة على مدار سنة عشان اوصل بيها للهدف اللى حطيته فى دماغى وتبقى عربية نضيفة وركوبة مريحة وما استخسرتش فيها جنية والحمد لله كله كان فى محله وبيعت لظروف نقل السكن وماكنش معايا فلوس غير ثمن العربية ويمكن انا ذكرت ده فى اخر موضوع اليوميات "يعنى البيع لظروف قهرية مش استغناء عن عربيتى وطبعا خسرت كتير -قيمة معنوية-قبل القيمة المادية" وفى النهاية الحمد لله
وقررت اجدد واصرف بالشكل اللى شوفته ده لانى ماكنتش ناوى ابيع لانى عارف انى لو صرفت قد ثمنها 10مرات مش هاعوض اللى اتصرف ودى نقطة خليها فى بالك دايما مع اى عربية هاتشتريها ان شاء الله
اصرف زى مانت عايز لو مش ناوى تبع او تغير او تجدد لكن لو فكرت فى حاجه من الثلاثة دول يبقى ماتصرفش غير فى الاساسيات اللى تخليك تمشى بالعربية وبس عشان ماتخسرش
اما بقى لو حبيت اشترى تانى ومش معايا غير 20 الف يبقى قدامى خيارين " خيار اخضر وخيار وخلل هههههه"
الخيار الاول : لو مش ناوى ابيع خلال فترة قريبة يبقى مش هافكر غير فى ax ولو ميزانية اكتر الفين ولا ثلاثة يبقى ZX مافيش احسن من كمالياتهم الاساسية بالسعر ده 18:24 تقريبا
الخيار الثانى: اجيب حاجه ليها سوق زى الماروتى ممتازة جدا وشغالة فى السوق حلو ومناسبة جدا لجو المدينة الزحمة ---- او كيا برايد العصفورة ودى برضه حلوة "عامة انا بحب الهاتشباك قوى" وكل ده فى موديلات التسعينات ولو نزلت للتمانينات هتلاقى 127 و127توب و128 والفيات عامة لكن تنسى الكماليات ---لذلك لو عايز كماليات يبقى تفكر فى الفئات اللى قولتلك عليها على فكرة الماروتى بيركب لها تكييف برضه وكان فى عضو محترم عمل موضوع كامل عن تكييف الماروتى والانذار والسنتر والكماليات دى امرها سهل ومتوفرة
قصة المواتير دى بقى كبيرة شوية ومافيش عربية مايركبلهاش مواتير بشرط الموتور المناسب ولو مش بتاعها يبقى تركب موتور باقل التعديلات الممكنة عشان الاداء العام الصحيح ولو انى مش بفضل موضوع تعديل المواتير ده وافضل ان الموتور اللى يركب يكون مشابة للاصلى بنسبة 90% على الاقل عشان ماتلعبش فى الحوض
وعلى حد علمى "اعتقد"ان المازدا موديل تمانينات ولو فى مواتير مويل تسعينات يبقى حاجه متوافقة مع المازادا مش اكتر لكن مش زى ماحضرتك فاكر ان 323 موديل 84 مثلا ليها موتور زى اللى فيها بالظبط بس موديل 90 من باب اولى بقى انك تلاقى العربية نفسها مازدا 323 موديل 90 وده اللى ماعتقدهوش
عموما احنا مع بعض ولو جد قدامى معلومة جديدة هابقى على تواصل معاك
واعذرنى على التأخير فى الرد نظرا للظروف الحالية اللى انا فيها
دعواتك يا بطل:CHUBBY~36:

رد: سيتروين AX كلوب

اللهم اشفى مرضانا ومرضى المسلمين آمين وعجل لهم بالشفاء يارب العالمين
والله انا مش عارف اقولك ايه يا استاذ ايمن على الاستفاضه فى الرد ودمك الخفيف اللى مش عاوزين نتحرم منه :ROFL_C~118: ان شاء الله وان شاء الله انا نويت خلاص على الستروين FLASHCarلانها بجد عجبتنى وخصوصا لما شفتها مع واحد معرفة وجربتها منه وانا كنت متردد علشان انا مركبتهاش قبل كده بس لما ركبتها حاجة فعلا ما شاء الله وانا عند كلمتى ان شاء الله اول ما هجيب العربية هنزلك بيها اول حاجة ..:joy23::joy23::joy23::j oy23::joy23:
وربنا يشفى والديك وابقى طمنا عليهم يا جدع

رد: سيتروين AX كلوب

اخبار التكييف ايه بتاعها

رد: سيتروين AX كلوب

اقتباس:

المشاركة الأصلية كتبت بواسطة hamada20008 (المشاركة 704118)

اخبار التكييف ايه بتاعها

عربيتى ماكنش فيها تكييف لكن بناءا على تجربة احد اصدقائى لتكييف العربية دى قال: التبريد ممتاز لان قوة الموتور عالية والصالون مساحته صغير فا بالتالى الصالون بيبرد بسرعة وكل ما كان فى اهتمام بالتكييف واستخدامة بطريقة صحيحة كل ما كان اداؤه افضل

رد: سيتروين AX كلوب

قرات مواضيعك يا استاذ ايمن بجد انت اسطورة فى المنتدى ده ...وعلى فكرة ان من دمياط وفيه زبون اسمعلاوى معاه سترون ايه اكس وبفكر اشتريها منه بس خايف من قطع الغيار وده اللى مخلينى متردد ..مع العلم انه بيقول قطع غيارها موجودة فى بورسعيد التى تبعد عنى 45 ك فقط فانا محتاج اسال اول على قطع غيارها قبل الشراء ........ وبصراحة المفروض شركة سترون ومقرها بباريس تعطيك جائزة على حبك لسترون ايه اكس هههههههههههه

رد: سيتروين AX كلوب

اقتباس:

المشاركة الأصلية كتبت بواسطة احمد تيفا (المشاركة 928619)

اهلا بيك تيفا باشا ... واشكرك جدا على ذوقك وكلامك الطيب .... حلوة حكاية مقر الشركة بباريس دى .. ههههههههههههههههههههه
على الرغم من انى بيعت العربية من فترة طويلة الا انى مازلت عاشق للعربية دى لان الانطباعات الاولى تدوم والحمد لله ان ربنا وفقنى وكانت اول تجربة ليا مع العربيات فى ستروين AX بالنسبة لنقطة قطع الغيار دى هى فعلا متوفرة لان فى ناس كتير مستوردين مازالوا بيشتغلوا فيها وعندنا فى القاهرة فى اكتر من مكان التوفيقية والحرفيين وعزبة شلبى والوكالة وجسر السويس .. بالاضافة الى ان تقريبا 90% من قطع الغيار تتوافق مع بيجو 205 وطبعا تجار البيجو والفرنساوى عموما موجودين والحمد لله
ماتقلقش من قطع الغيار ولو قفلت قوى عليك ببور سعيد معقل قطع الغيار فى مصر
ربنا يوفقك للى فيه الخير ليك ان شاء الله