|
رد: فضيحة جديدة للشرطة المصرية - 20 / 4 / 2011
لو حاجة اتسرقت منك و رحت عملت محضر - عمر المباحث هزوا وسطهم و كلفوا خاطرهم بالبحث؟
انت عارف ان اي موبايل يتسرق ممكن يرجع؟ لان الموبايلات الحديثة كلها فيها شرائح تتبع عن طريق الارسال حتى لو اتشالت الشريحة و ان في البداية كان اللي بيتسرق موبايله بيجيب الرقم المسلسل و فعلا بيجيبوا الموبايل و اللي سرق؟ اتلغى النظام ده لان لقوا الشكاوى كتيره و البهاوات مش فاضيين يتعبوا نفسهم و يقضوا على نشاط اجرامي زي السرقة اللي بيعتبروها شطارة و اكل عيش بالحلال و باقى تتبع الموبايل يتم في حالة جرائم القتل فقط!!!! كام مرة انا او غيري لو شوفنا خناقة او حالة تعدي نتصل برقم النجدة متخيلين اننا في دولة متحضرة فيها شرطة و امن الشرطة تصل في خلال من ساعة الى ساعة و نصف ( دا على اساس ان في خناقة بتقعد يوم و نصف ) و سبحان الله لو خناقة فعلا طولت و مسلحة بمطاوي و سيوف و الشرطة وصلت ( بعد 20 تليفون ) تلاقيهم واقفين من بعيد مستنيين الخناقة تخلص!!!!! و بعدين يدخلوا زي سبع البرمبة هوا فيه ايه - مين ضرب مين يا ولاد التييييييييييييييييييت... كام مرة سيارتي اتخبطت و انا مظلوم و اتصل بالنجدة علشان تيجي تعمل محضر اثبات حالة لضمان حقي اول ما يعرفوا انها حادثة يقولك ابعت اسعاف؟ اقوله لأ دي تصادم مفيش اصابات يقولك امال عايز ايه؟ الشرطة تيجي علشان محضر تصادم - طيب حنبلغ و مفيش حس ولا خبر مرة استنيتهم بتاع 3 ساعات ولا جم مع اني كلمتهم 3 مرات و القسم 5 دقائق مني!!!!!!!!!!!!!!!!!!! و في الاخر اتصالحنا و مشينا لان لقيت مفيش فايدة كام مرة شوية عربجية يعملوا فرح يبتدي الساعة 11 بالليل و يستمر حتى 5 صباحا بالضبط تحت شباك اوضة النوم؟ و تتصل بالنجدة يجولك بعد ساعتين و الصوت يوطى و تلاقي الامناء البهاوات بيشربوا الساقع و يتعرقوا و يمشوا مفيش دقيقة و الصوت يعلى اكتر من الاول؟؟؟؟؟؟؟ - اللي بيقول نعذرهم انهم مش عارفين يشوفوا شغلهم بعد الثورة اقوله هما يعني كانوا مقطعين الدنيا امن و امان (زي سوبر مان ) لو حد احتاجهم بيظهروا علطول!!! دول كانوا زي خيالات الماتة بعد الثورة بقى اتشالت حتى خيالات الماتة يبقى نفضها سرة فعلا و نعمل لجان امنية من المدنيين المسلحين تجوب الشوارع لفرض الامن و الحمدلله في شباب مثقفة و محترمة كتير عاطلة عن العمل و عندهم استعداد يقوموا بعمل انساني زي ده في مقابل معقول بدل القعدة في البيت بس يلغوا الشرطة انا اطالب فعلا بالغاء الشرطة كلها بعد الفيديو ده اللي اثبت ان سلبية الداخلية زي ديل الكلب عمره ما حيتعدل سواءا بثورة او بيوم القيامة نفسه |
رد: فضيحة جديدة للشرطة المصرية - 20 / 4 / 2011
اقتباس:
وكأنك عايش معايا وعارف اخبار سيناء . من وجهه نظرى اتضح ان العيب فينا مش فى الشرطه وسأعطى لك بعض الامثله من الواقع المرير الذى نعيشه هنا من اسبوع قامت خناقه بين عائلتين استخدمت فيها الاسلحه الناريه طوال الليل واسفرت عن مقتل 2 واصابه 12 معظمهم اصابات خطيره ... كميه الاسلحه الناريه التى استخدمت فى هذه الليله تكفى لأحتلال اسرائيل . الجيش لم يتدخل فى هذه الليله وترك الامور لتانى يوم وفرض حظر تجول . كل يوم يتم اطلاق نار بين البدو واهالى العريش بسبب خلاف على اراضى او مسائل ماديه او سرقه سيارات ( وانت سائر بسيارتك تقطع عليك سياره الطريق ويخرج منها مسلحين بالرشاشات يإما تعطيهم السياره او طلقه قاتله او طلقه فى تانك البنزين وتولع العربيه ) وبعد ذلك يساوموك ب40 الف او 50 الف لتعود سيارتك . واصبح الموضوع ثأر بين البدو وأهالى العريش .....البدو ياخذون سيارات من اهالى العريش واهالى العريش ياخذون سيارات من البدو لتعود سياراتهم المسروقه والكل اشترى سلاح والكل أصبح عنده سلاح ألى لما كل يوم بنام على صوت السلاح واطلاق النار . قوللى بالله عليك ماذا ستفعل الشرطه وسط هذه المعمعه لو كانت موجوده أصلا . بصراحه إحنا شعب عايز دكتاتور فى هذه المرحله ومن غير كده لاتقوللى شرطه ولا جيش ولا يحزنون . |
رد: فضيحة جديدة للشرطة المصرية - 20 / 4 / 2011
مش محتاجة ولا ديكتاتور ولا تور
امريكا مسموح فيها بشراء و حيازة جميع انواع الاسلحة للجميع يعني الصغير قبل الكبير معاه سلاح اللي منظمهم وجود قوة شرطة حازمة - محترفة - جادة - شجاعة - عادلة - متعاونة حازمة مع المجرمين المسلحين و قطاع الطرق محترفة في التعامل مع الخارجين على القانون - يعني مش يكلم واحد مسلح بالهداوة و ييجي يعيش في دور البطل مع واحد اعزل جادة في التعامل مع المعطيات و البلاغات جدية لا مجال فيها للمحاباه و المهاترة شجاعة في التعامل مع المواقف الصعبة - لا يتوارون عن الانظار اذا اطلقت رصاصة في الهواء و لا يفرون كالفئران المذعودة اذا رأوا سلاحا ابيض او ناري عادلة في تعاملها مع الجميع لان الكل عندهم سواسية لا فرق عندهم بين ابن وزير و ابن ساعي بريد و اذكر انه تم القاء القبض على عمدة نيويورك نفسه منذ يومين لانه كان يسير في مظاهرة غير مصرح لها متعاونة مع الشعب و المدنيين - تساعد المحتاج مهما كانت تفاهة حاجته و تهتم بصورتها الانسانية امام الجميع |
رد: فضيحة جديدة للشرطة المصرية - 20 / 4 / 2011
http://www.almasryalyoum.com/node/409644?section
اغلاق طواريء و باطنة القصر العيني بسبب البلطجية و تهاون رجال الشرطة المكلفين بالحراسة |
رد: فضيحة جديدة للشرطة المصرية - 20 / 4 / 2011
في هذه الظروف لابد أن يكون تعامل الشرطة بحكمة شديدة ولا يجوز الإندفاع إلى أي معركة وبعض الأحداث مثل حادثة مستشفى المطرية كان من الصعب التعامل معها بطريقى تصادمية ومن يده في الماء ليس كمن يده في الشاي السخن بالتأكيد توجد خيانات داخل الشرطة الآن ولكن ليست كل المشاكل بسبب تلك الخيانات فقد تمتنع الشرطة عن التدخل في أمر حتى لا تشتبك مع المواطنين في هذا الوقت الذي فيه الكثير من الشحن السلبي ضد الشرطة إصلاح أحوال الشرطة يجري الآن على كل المستويات وليس كل ما يتم يعلن عنه لأننا نتحدث عن إصلاح جهاز أمني يلزمه السرية لكن الإصلاح جارى والنتائج ستكون على المدى المتوسط والطويل |
رد: فضيحة جديدة للشرطة المصرية - 20 / 4 / 2011
اقتباس:
افحمتني حكمة شديدة و عدم الاندفاع الى معركة انت بتتكلم ان الشرطة تتعامل بحكمة و عدم معاركة (محاربة - مقاتلة ) البلطجية عدم مقاتلة القتلة و المجرمين؟ المجرمين اللي بيقتلوا الناس؟ طب ما يروحوا و يقعدوا في بيوتهم و يناموا احسن بس يستغطوا كويس و اقرأ مواصفات الشرطة الامريكية اللي كتبته فوق |
رد: فضيحة جديدة للشرطة المصرية - 20 / 4 / 2011
اقتباس:
مواصفات الشرطة الأمريكية لا تصلح في مصر الشرطة المصرية تتعامل الآن بحذر شديد لأسباب كثيرة وفي بعض الحالات يحدث إهمال متوقع وخيانة في بعض الأحيان الأخرى لكن في جميع الحالات الشرطة الآن لابد أن تكون حذرة في كل معاملاتها ولابد أن نعذرها بعض الوقت لحين إتمام إصلاحها |
| الساعة الآن 03:44 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017