|
رد: كل ما يخص بيجو 405
العربية من الخلف حنينة فى المطبات و بتاخد المطب و تثبت على طول
المشكلة لما حد بيقعد فى الكنبة الخلفية ... العربية بتنزل ما بتطلعش ... لكن بالرغم من نزولها .... بتبقى حنينة فى المطبات و اللى بيقعد ورا ما بيشتكيش اطلاقا علشان كدة انا شايف ان العيب فى السوستة ممكن تقولى ايه رأيك فى الكلام ده؟ و لو سمحت تقولى ... هل الدنجل بيبقى بعرض العربية؟ و لا بيبقى سوستين .. واحدة فى كل ناحية يعنى؟ بالنسبة للمساعدين الأمامى .... العربية ناشفة فى شوية فى المطبات .... و انا هاغيرهم لكن عاوز أعرف سعر السوست بالمرة و شكرا لسعة صدرك |
رد: كل ما يخص بيجو 405
بص يا سيدي الدنج ل مفهوش سوست
و بالنسبه للمساعدين الامامي مش هتقل عن 1400 جنيه الاصلي و المونرو محترم جدا جدا و ب 800 جنيه و السوست معرفش ثمانها كام بصراحه |
رد: كل ما يخص بيجو 405
دى بقى جديدة
لاحظت من يومين وجود نشع فى اسفل حوض الموتور مستوى زيت الموتور تمام و زيت الفتيس تمام و الفرامل تمام و مفيش تنقيط يعنى نشع فقط .... القاعدة عليها زيت ربنا يستر .... دى ممكن تبقى من ايه بقى؟؟؟؟؟ |
رد: كل ما يخص بيجو 405
1 - دى بقى جديدة
لاحظت من يومين وجود نشع فى اسفل حوض الموتور مستوى زيت الموتور تمام و زيت الفتيس تمام و الفرامل تمام و مفيش تنقيط يعنى نشع فقط .... القاعدة عليها زيت ربنا يستر .... دى ممكن تبقى من ايه بقى؟؟؟؟؟ 2- عاوز من حضرتك عنوان عفشجى أصيل و محل قطع غيار ابن حلال 3- انا عندى جنط سبور اتسرق و عاوز اشترى بداله عشان شكل العربية .... هل ممكن اشترى واحد لوحده و لا لازم الأربعة و منين بقى؟ 4- لو زهقت منى ... يا ريت بلاش تدعى على فى رمضان ... و كمان الشتيمة بتفطر مع خالص تحياتى <!-- / message --> |
رد: كل ما يخص بيجو 405
ههههههههههههههههههههههههه هههههههههههههه
مينفعش كل حبايب البيجو حبيبي بص يا سيدي كلمني علي الموبيل اسهل و هشرحلك مكان عفشجي كويس و ميكانيكي و مكان بتاع قطع غيار محترم ان شاء الله و النشع ده اسمه تعريق و ده سببه ممكن يكون فيه اولسيه بتاع الكوبلن ضرب او فيه اي اولسيه تاني ضارب ان شاء الله تبقي بسيطه |
رد: كل ما يخص بيجو 405
شكرا على زوقك و كل سنة و انت طيب
ان شاء الله هاكلمك بالنهار .... ممكن؟ سلام |
رد: كل ما يخص بيجو 405
موضوع رائع جدا
أنا أحب أشكر الأخ( نور بيجو ) على المجهود الرائع اللى عامله فى قسم البيجو وأنا بجد برشحو لفترة تانية كمشرف على القسم دة وتقبل مرورى |
| الساعة الآن 07:16 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017