المشاركة الأصلية كتبت بواسطة الكشفى (المشاركة 585718)

يعيش الحج ويخبط وتعيش وتصلح ويعيش ويجبلك وياعم هدى نفسك يمكن ربنا مبعدك بالحكتين دول عن حوادث كبيرة

المشاركة الأصلية كتبت بواسطة غريبو99 (المشاركة 585744)

معلش دة الحاج مينفعش تتكلم

المشاركة الأصلية كتبت بواسطة mesho70 (المشاركة 385848)

- احنا اتعودنا على العكس
- يعنى الاب يشتكى من ابنة لما يخبط العربية
- اما الابن هو اللى يشتكى وكمان العربية بتاعة الحاج فدى جديدة
- انت تروح تبوس ايد الحاج وش وظهرمن 5 مرات يوميا ً الى ما شاء الله
- وكمان حقة عليك انة يركب ورا وانت تنزل تفتحلة الباب لما يركب ولما ينزل
- انا شخصيا ً كنت بعمل مع ابى حاجة قريبة من كدة
- وياريت كنت عملت اكثر من كدة ولا اقدر دلوقتى اعمل حاجة اكثر من الدعاء لله بالرحمة
- فهو فى ذمة الله
- فإغتم فرصة وجود والدك فى طاعة ربك ادام الله علية الصحة والعافية

المشاركة الأصلية كتبت بواسطة 3bd0 (المشاركة 385816)

السلام عليكم

أنا بكتب الموضوع ده كطريقة للتنفيس عن الشياط اللي جوايا
لأني بصراحة اتخنقت من الحكاية دي

أنا عارف اني مش المفروض أقول كده، لأنها في الأول وفي الاخر عربيتو و فلوسو وهو حر فيهم
بس انا برضو اللي بضطر اعاني مع العربية بعد كده، وانا اللي بمشي بيها والناس لما بتشوف الخبطة مش هاتقول ده والدي اللي عمل كده!.

الموضوع ببساطة، ان والدي مش متعود على ابعاد العربية نهائيا، وإليكم قصص ال3 حكات او خبطات:

أول واحدة كانت بعد يومين من تطليع العربية من الوكالة:

http://farm6.static.flickr.com/5015/...46d2d3fb5f.jpg

بالإشتراك مع حديدة ساقطة من سقف أحد الجراجات

ما علينا، قولت يلا اهي تبعد العين برضو



تاني واحدة كانت في الزحمة بتاعة رابعة العدوية في مدينة نصر، واحد الله يسامحو قاعد يزنق يزنق على العربية، فالحج اخر ما زهق راح معلم عليه ومشي، العربية خدت خط خربشة محترم و طلع الحمدلله بالتلميع وده اللي فضل من اثار الخبطة:

http://farm6.static.flickr.com/5145/...16fa3dc71f.jpg
الحج تعليقا على الحكة : "ياخي ده طهقني في عشتي، قلت لازم أعلمو الأدب، يستاهل المرايا اللي طيرتهالو"

طبعا مش عاوز أقولكو انا تعبت قد ايه عشان اوصلها للحالة دي، الموضوع كان اسوء من كده بكتير




التالتة بقى لسة طازة، يدوب لسة امبارح. الوالد رجع على عربية جارنا الغلبانة وهي وقفة في حالها، هيا خبطة خفيفة صحيح، بس برضو هاتخد مني شوية شغل:

http://farm6.static.flickr.com/5062/...0c68cc85d0.jpg



وفي الاخر بعد ما شحنة الغضب طلعت أحب أقول

انا أبوس ايدي وش و ضهر وأصلي ركعتين شكر كمان اني معايا عربية أصلا :biggrin:

المشاركة الأصلية كتبت بواسطة mr_astra (المشاركة 585786)

:THUMB_~112::THUMB_~112:: THUMB_~112:
اتعدل

المشاركة الأصلية كتبت بواسطة fares tany (المشاركة 585813)

احنا فدا الحاج يا باشا:danceW7:

المشاركة الأصلية كتبت بواسطة mar mar (المشاركة 585816)

هههههههههههههههههههه
دي بركه الحج علي العربيه

المشاركة الأصلية كتبت بواسطة epnmasr (المشاركة 585958)

الحمد لله اللي جت على أد كده ربنا يخليهولك ويديلوا الصحه