|
رد: هل شراء الأوبل المستعمل في هذا الزمان جــــــــــــــــنـــــــ ـون
الأوبل عربية محترمة جدآ بس أهم حاجة تكون سليمة وتكون حضرتك على أتم استعداد للصرف عليها اذا احتاجةأى مصاريف والألمانى عمومآ كده ان صنته صانك وأنا معى اوبل فيكترا2002cdx
|
رد: هل شراء الأوبل المستعمل في هذا الزمان جــــــــــــــــنـــــــ ـون
بمناسبة ارتفاع سعر قطع غيار الأوبل
واحد صا حبنا اشترى M11 اسبرانزا صييييييييييييني الشنطة اتخبطت .. بعد 3 شهور غيرالشنطة كلهاورشها كلفته 3000 جنيه مصرى جنيه ينطح جنيه ياترى دي لو اوبل تكلف b 2002 مثلا تكلف كام؟؟؟؟؟؟؟ |
رد: هل شراء الأوبل المستعمل في هذا الزمان جــــــــــــــــنـــــــ ـون
بص ياباشا اتكل على الله انا معايا اوبل استرا 2000 انا اه بكع فلوس بس يكفى ان مابين كل كعة و كعة بعد فيها سنة او اكثر و متسمعش كلام حد
|
رد: هل شراء الأوبل المستعمل في هذا الزمان جــــــــــــــــنـــــــ ـون
بص يابااشا انا سجلت مخصوص عشان تقريبا واقع في نفس الحيره بتاعتك انا عيني هاتطلع علي الفيكترا ومعايا نفس رنج الفلوس .
وناس كتير بتقولي يابني ابعد وريح دماغك وهات حاجه تانية بس بصراحة عربية محترمة والمهم عجبني كلام الأخ toyota2010 فعلا الواحد مش كل يوم هاتغير حاجه وكذا واحد قالي قطع الغيار الألماني ركبه وانساااااه يبقي ايه المشكلة !!! تركب حاجه تعمر معاك بس بتشتري دماغك المشكلة بقي الي معظم الناس اتفقت عليها الصنايعي الي بيفهم . بس اكيد ليها حل يعني ايه ياترى ونا دلوقتي قدامي فيكترا بتاعت جاري بقالي فترة متابعها العربية مركونة طول الأسبوع ومبيخرجش بيها الا يوم واحد في الأسبوع لدرجه بدأت اشك في العربية ههههههه هو بيكرنها عشان يريح دماغه منها ولا هو فعلا ده استخدامة ربنا يسهل واشوفها |
رد: هل شراء الأوبل المستعمل في هذا الزمان جــــــــــــــــنـــــــ ـون
يا استاذ انت مش مجنون ولا حاجة اصحابك هما الى مجانين يعنى ابقى راكب عربية كورى وفرحان انى كل اسبوع عند المكانيكى بظبط حاجة ولا قطع الغيار الى مابتعمرش ولا الصاج الورق ولا العربية الى عمرها الافتراضى ربع عمر الاوبل بلا مبالغة واكي كلنا شايفيين العربيات الفيرنا ولا لانوس عاملة ازاى شوف كام عربية لانوس وفيرنا معروضين للبيع وهيبيعو وهيركبو ايه بعد ماطلع عنيهم انا كنت فى نفس حيرة حضرتك واشتريت اوبل كورسا 2004 وعملت صيانة ونزلت وسالت على الاسعار والله الفرق كله كلام فاضى ومقارنة بالركوبة والراحة والامان والنظافة التقفيل لا يقارن لكن للاسف احنا بقينا نفكر فى الارخص وبس ونقعد نلسم فى العربية وكل يومين عند المكانيكى وكل شوية بغير قطعة غيار فى العربية وفى النهاية الى هتدفعو فى الكورى هتلاقيه اكتر من الاوبل زى القسط والكاش والاخ الى بيقولك ديسك واسطوانة 1000 جنيه وهم فعلا اغلى حاجة فى العربية بس هغيرهم بعد كام مرة هيتغيرو فى الكورى ده اذا حضرتك غيرتهم اصلا فى ناس راكبة العربية 8 سنين ومغيرتهمش توكل على الله بس اشترى حاجة استعمال راقى واكشف على العربية كويس فى كل حاجة عفشة وموتور وكماليات والتكييف ولو فى حاجة مش شغالة مظبوطة نزل حق تصليحها وسيبك من الى بيقولك انت مجنون لما الاوبل نار اومال الرينو تبقى ايه وانزل بنفسك قارن مابين اسعار الاوبل واسعار مثلا التويوتا وشوف الفرق بنفسك وقال لصحابك انتو مجانين
|
رد: هل شراء الأوبل المستعمل في هذا الزمان جــــــــــــــــنـــــــ ـون
طبعا شراء الاوبل و بالاخص الفيكترا ان شا الله 2008 جنون طبعا
انا كان معايا موديل 2002 و طلعت عينى و الله و كمان بترخص جدا عند البيع |
رد: هل شراء الأوبل المستعمل في هذا الزمان جــــــــــــــــنـــــــ ـون
الفيكترا شكلا فخمه جدا و ربيه قويه و شيك
بس كل يوم بتطلعلك بحاجه |
| الساعة الآن 12:02 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017