مصر موتورز مجتمع السيارات - العربية سخنت أنا خايف جدأومش عارف أعمل أية برجاء المساعدة

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

رد: أنا خايف جدأومش عارف أعمل أية برجاء المساعدة

اقتباس:

هو حضرتك تقصد من تحت الي هو الجزء الثابت الي فيه البساتم لو ده لاء ده نضيف جداً ومفيهوش حاجة خالص

أنا لا أقصد هذا

فما تتحدث عنه ليس بوش السلندر وأنما بلوك الأسطوانات ( إللى بيبقى فيه البساتم فعلا )

وده أحنا بنسميه السلندر بلوك أو البلوك

اقتباس:

أما الجزء الي فية تأكل فهو الجزء المتحرك اليفوق الي فية الصبابات وهرفق لحضرتك صورة مش بتاعة العربية بتاعتى بس نفس النوع ونفس الشكل بتاع الوش

لا كده خير أن شاء الله

ومن خلال الصوره

فالتآكل حول مناطق فتحات تغذية الرأس بمية التبريد إللى طالعالها من حول جواكت التبريد ( إللى حوالين البساتم )

ماهى الميه بتطلع من تحت ( فى الجزء الثابت اللى بتقول عليه أو البلوك ....الى الجزء اللى فيه نسب تآكل ...أى وش السلندر )

وبالفعل لو الرأس مربوطه صح ( مفيش حاجه حتهرب معاك من الغرف للميه أو من الميه للغرف وتيجى على البوجيهات )

وأبقى روح للميكانيكى ..........يعيد على الرباط ( مثلما قال لك )

بس أنا عاوزك تتابع الميه اليومين دول

ولو أحسست بنقص فى مستوى الميه

طلع البوجيهات وشوف عليها نسب صدأ ولا لا

وخيرا بأذن الله

رد: أنا خايف جدأومش عارف أعمل أية برجاء المساعدة

متشكر جداً وانا هتابع المية والحرارة وهروحلة وإنشاء الله خير

رد: أنا خايف جدأومش عارف أعمل أية برجاء المساعدة

خير بإذن الله

وأنا حاسس بهذا

لأحساسى بأنك من النوع القلوق إلى حد ما ( زى بالضبط )

وده باين من عنوان موضوعك

اقتباس:

أنا خايف جدأومش عارف أعمل أية برجاء المساعدة

___________________

يعنى طمن نفسك .....وماعليك إلا المتابعه

وده شىء طبيعى مع أى سياره

أى المتابعه الجيده لأداء العدادت بالتابلوه

رد: أنا خايف جدأومش عارف أعمل أية برجاء المساعدة

اذيك يا بشمهندس
النهاردة بسيط على قربة المية لقتها ناقصة حاجة بسيطة عن الماكس ولاحظت أن العربية بتنتش على التانى وبتتخنق وهى باردة يعنى والحرارة على 50 - 60

رد: أنا خايف جدأومش عارف أعمل أية برجاء المساعدة

الله يخليك يا أخى

وأعتقد آن الأوان للأطمئنان على البوجيهات

ممكن تتابع برضه يوم أو أتنين

لأننى بدأت أقلق مثلك من موضوع نقصان الميه

ممكن تكون بتهرب وتروح على البوجيهات

ومن هنا بتحصل النتشه الوارده فى كلامك

_______________________

بالمناسبه

ممكن تعجل بالزياره للميكانيكى

للمراجعه على رباطات وش السلندر

وقوله رتب الرباط صح بادأ من نصف الوش

رد: أنا خايف جدأومش عارف أعمل أية برجاء المساعدة

ماشى بكرة إنشاء الله هروحلة وخلية يربط أبتداء من النص وهخلية يبص على البوجيهات وربنا يستر

رد: أنا خايف جدأومش عارف أعمل أية برجاء المساعدة

السلام عليكم ورحمة الله

معلش علي الرد ولو انه يزعلك من الاخر هذا جوان وش سلندر او الوش نفسه به شرخ بسيط
شوف ياأستاذنا
1- الميه من الشكمان تعريق فقط وليس رش الصباح فقط هذا معناه ان الماكينه في حاله كويسه بص الصبح أما اذا استمر نزول او رش او تعريق من الشكمان باقي اليوم هذا معناه انه في خلل وعادة الخلل في وش السلندر أما جوان أو شرخ بالوش
2- وجود صدأ علي البوجيهات معني واحد فقط انه في تسريب ميه من دورة التبريد علي غرف الحريق وده سببه نفس الشي جوان وش السلندر
3 - تقطيع العربيه وتنتيش في مثل حالتك هذا عدم اتزان باشواط الحريق الاربعه وعلي فكره هتلاقي بوجيه واحد أو اثنين هم الي بيصدوو والباقي اكيد تمام برده ده نفس السبب لانه البوجيهات الي قريبه من التسريب مش هتحرق كويس وكمان هيكون في تسريب في كبس البستم ده ويعمل عاك تنتيش (عدم الحرق المظبوط وتهريب الكبس )
4- في حالة انه اتاكدت انه جوان وش سلندر كمان اختبر الوش هو مشروخ او لا وفي الحالات دي أما تغيره مستعمل أو تزوده بلحام الالومنيوم وبعدين بيتقشط علي المخرطه وهام جدا اذا بيتقشط الوش بالمخرطه تركب 2 جوان وش سلندر عشان العربيه متسخنش لان الى حاصل معاك هذا كله سبب السخونه انك صبرت علي العربيه مده طويله سخنه وما ركنتش او ما انتبهتش كمان تشوف سبب السخونه الي سخن العربيه أول مره يعني تختبر الرداتير وطلمبة المياه ومراوح التبريد
اسف علي الاطاله ومعلش ردي هيزعلك بس هذا الواقع واتمني ان شاء الله انه يطلع غير مكلف وطمننا وقولنا الي حصل معاك وربنا يوفقكك