رد: ما هى الأعراض التى تحدث للسيارة بسبب تلف المانيفول
 

لما روحت للميكانيكى الحالى كان راكب الوش القديم وحكيت لة الحكاية كلها وقلت لة على التنتيش والرجرجة 000إلخ فك البوجيهات وفلتر الهواءونضفها وضبط التيكهات وخد 40 جنية وشغل وش السلندرالجديد مع الجوان خد 300 جنيه وكتمة البنزين خد 100 جنيه و20 جنية دخان وطبعا وش السلندر الجديد ثمنة 850 جنيةوبالنسبة للسحب كويس جبت 120 ك جوة البلد بسهولة بس مطلعتش على طريق سريع علشان أشوف الأمبير حايجيب كام وبالنسبة لجوان وش السلندر كان مركب جوان جديد قبل مايفك الوش أخر مرة وبالنسبة للعادم مكنش مهبب وبيطلع بكثافة قبل كدة (قبل ما أعمل وش السلندر أول مرة ) وكان سحب السيارةكويس قبل الشغل الأولانى والثانى 0
وبصراحة أنا خايف أروح لميكانيكى أخر أخذ رأية فى الكلام دة

رد: ما هى الأعراض التى تحدث للسيارة بسبب تلف المانيفول
 

الراجل ده حرامى الصراحه

جرب عربيتك ولو ظهر فيها حاجه غير طبيعيه

مترحلوش تانى

وقولنا عن أنطباعك ....بعد ماتجرب العربيه

وأكرر

لو فلتر الهواء بحاجه للتغيير ...........غيره

أمال كان ناوى ياخد كام فى تغيير الشنبر

ايه ياترى

واد لعيب بصحيح ............( الميكانيكى طبعا )

عجبته فلوسك ياحج : محمد

والنفس أماره بالسوء

رد: ما هى الأعراض التى تحدث للسيارة بسبب تلف المانيفول
 

أشكرك يابشمهندس سمير من كل قلبى ولك منى ألف تحية

رد: ما هى الأعراض التى تحدث للسيارة بسبب تلف المانيفول
 

عاوزك تعملك مشوار محترم على ال high way

سافر يعنى من محافظه لمحافظه

وروق المكنه والشكمان من خلال السفر بسرعات معتدله

وشوف المكنه أخبارها أيه فى أستهلاك البنزين

وشوفها بتاكل زيت ولا لا

رد: ما هى الأعراض التى تحدث للسيارة بسبب تلف المانيفول
 

مش كتير

الكيلو مترات بتاعتك نهائيا

____________________

عاوز يغير ليه طقم شنبر الزبون ده

غالبا فعلا

بيبص على القريشينات ............قصدى الجنيهات

رد: ما هى الأعراض التى تحدث للسيارة بسبب تلف المانيفول
 

السلام عليكم ورحمة الله وبركاتة
كل عام وأنتم بخير وتحياتى للمهندس سمير وأحب أعرف حضرتك بأنى إشتريت طقم شنبر وكاوتش صبابات و سير كاتينة وزيت موبل ومية خضرا موبل ودى كانت طلبات الميكانيكى الأخير إللى ركب وش السلندر الجديد ( الواد اللعيب بتاع القرشينات ) وبصراحة قلت لنفسى أكمل الشغل عندة وفى الأخر أقدر أدخل الفلوس إللى خادها منى فى الشغل إللى فات فى شغل طقم الشنبر وأغير سير الكتينة بالمرة لأنى لوروحت لميكانيكى تانى هايعمل من البحر طحينة وسوف أدفع فلوس أكتر لأنة سوف يعتبر الشغل دة جديد ويعتبرالميكانيكى إللى ركب وش السلندر أنة بوظ الدنيا وأخش فى متاهات تانية وأنا مش ناقص المهم هو عمل طقم الشنبر وإستلمت العربية اليوم الساعة 8 مساء وقالى أنا لينت العربية إنهاردة بس أمشى بالعربية فى حدود من 60 : 70 ومتقرس على العربية خلال فترة التلين وشوف المية والزيت بينقصو ولا لأ ولو ليك أى ملاحظة عدى عليا وبصراحة جربت العربية وكانت مضبوطة وكل المشاكل إللى كانت موجودة إنتهت والحمد لله ودة كان إنطباعى الأول بس لسة لما أشوف بعد فترة ولما أسافر بيها وأتمنى وأرجو من الله أن يكون كل شىء مضبوط وعلى ما يرام

رد: ما هى الأعراض التى تحدث للسيارة بسبب تلف المانيفول
 

بالتوفيق
يا أستاذ : محمد