مصر موتورز مجتمع السيارات - انا اتعرضت للنصب من المصريه للسيارات فرع المنصورة

حسبي الله و نعم الوكيل

أنا كنت من كام شهر في الحرفيين و شوفت بعيني عربية اوكتافيا A5 سوداء زيرو بابلاستيك الابيض اللي بيبقي ملزوق علي الكبوت و السقف و الشنطه ده و كانت بدون اكصدام أمامي و رفرف امامي يمين و فانوس امامي يمين و شبكة امامية ، و طبعا كانت رايحة تغير رفرف و اكصدام و يتعمل فيها كل حاجة و هتتباع علي انها زيرو ،،،، شوف بقي سكودا اوكتافيا A5 بكام و يا عيني علي تعيس الحظ اللي هيشتريها يا حسرة قلبه لو عرف

و كمان ما أكثر الحوادث التي رايتها بعيني لسيارات زيرو عديدة خاصة علي الطرق السريعة اثناء نقلها ما بين المحافظات و التي تصل الي الشاسيه و العفشة و الموتور كمان مش بس رفرف و لا اكصدام أهم مش جوهريين أوي و مسيرعم يترشوا يا سيدي بعد عمر طويل ده أنا شوفت لانسر نبيتي زيرو عاملة حته حادثة ربنا مايوري حد و الزيوت و المياه كلها علي الارض و مكبوب عليهم رمل و العربية خربانة وكان صاحب المعرض بيضرب السواق و بيقولو هصلحها علي حسابك يا ابن و ابن ......

للأسف اصحاب المعارض قليلين الذمة بيسمكروهم و يصلحوهم و يتباعو علي انهم زيرو

و انا اعرف صديق خبير في السيارات توجه الي معرض المسلمي لشراء سيارة علي الزيرو و اثناء فرجته عليها لاحظ وجود رزاز ورنيش علي سوكة الباب و عندما دقق الفحص تبين له انها مرشوشة ( رشة باب يمين خلفي ) و طبعا حاول من في المعرض انكار ذلك و لكن بعين الخبير و الحجة و البرهان اكد لهم ذلك و عندها احمرت الوجوه و نزلوها الجراج ( المخزن ) و طلبوا منه مهلة حتي يوفروا سيارة اخري له بنفس اللون و الكماليات و لكن طبعا هيهات فالمؤمن لا يلدغ من جحر مرتين

أحسن شئ ان الواحد يشتري من الوكيل نفسه و بلاش معارض خالص ، اهو علي الاقل يبقي امام نفسه عمل اللي عليه و اخذ اقصي احتياطيات الامان و طبعا النتيجة برضه هتبقي فيها شك و لو 1% بس ده احسن الوحشين