رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
 

ياااه
هي الناس لسه بتتكلم في السيراتو !!
انا دخلت وتوقعت اني حلاقي اجابه عن سؤال مهم جدا عن سبب انتشار السيراتو مقابل سيارات اوروبيه في نفس فئتها و سعرها وتعتبر افضل منها
لكن للاسف حكايه ان صاحب صاحبه قاله دي لم تقنعني بالمره !!!

مبدئيا .. مينفعش نقارن السيراتو بالبونتو
لكن نقارنها بالبرافو او اللينيا


وشخصيا لو حقارن بينهم كعربيات بغض النظر عن اي معايير خارجيه اكيد حختار البرافو لانها من وجهه نظري اجمل عربيه في فئتها حاليا رغم ان بقالها 4 سنين ..
وكتقنيه كفايه الفتيس الديوال كلاتش
فلو حعمل مقارنه حطلع اشعار في البرافو وتقنيه فيات اللي تخلي السيراتو جنبها عربيه كارو (من وجهه نظري الخاصه علشان محدش يزعل )

لكن ....
لو حنزل اشتري ... المعايير حتختلف تماما ...
مقدرش اقول اني ساعتها حفضل السيراتو على البرافو ... لكن حفكر في ال 120 الف جنيه او اكتر اللي ححطهم في عربيه
كوري بقى موريتاني ... بيتر شراير على ديوال كلاتش ... تقنيه ... تصميم ... ارقام .. اداء ثبات ... ثقافه ..
كل ده كلام جميل جدا طالما بتفرج من بعيد لبعيد
لكن ساعه دفع الفلوس ... الناس بتفكر بطريقه تانيه خاااالص


محدش حينزل يشتري عربيه فوق ال 100 الف علشان واحد صاحبه قاله عليها كويسه !!!
العربيه طلعت نزلت سلعه استهلاكيه .. بغض النظر عن اعجابنا بيها او اختلاف ارائنا وميولنا ...
انا ممكن تطلع عيني على عربيه و مشتريهاش و اشتري عربيه تانيه خالص .. هل انا كده ابقى ساذج او على غير درايه بالعربيات وماشي خلف القطيع !!

محدش بيتجوز واحده علشان بس عاجباه ... ومواصفاتها اوروبي !!
ولا بيتجوزها علشان الناس قالولو عليها كويسه و124 حصان !!

لازم تكون الاول بنت ناس و متربيه و تتعاشر ... و تعجبه برضو :)
بس الفرق ان الزوجه بتبقى شريكه العمر ... لكن العربيه في ناس كتير حتفكر حتبيعها بكام قبل ما تشتريها .. مش اي حد عنده استعداد يخسر مبلغ محترم في اعاده البيع علشان الناس تقول عليه بيفهم في العربيات
انا عن نفسي لو فكرت في يوم اشتري البرافو حعتبرها زي اولادي وان فلوسها مكانتش معايا :)

مش من الذكاء اننا نستخف بعقليه الاخرين .. لمجرد ان وجهه نظرنا مختلفه عن وجهه نظرهم
الافضل نحط نفسنا مكانهم .. ونشوف هما بيفكرو ازاي .. يمكن ساعتها نقنعهم او يقنعونا

وحيفضل برضو نفس السؤال :-
ليه انتشار البرافو و اللينيا والسي فور ضعيف جدا مقابل السيراتو .... مع انهم (المفروض كعربيات ) احسن منها ؟؟!!!

الاجابه عند اللي سابوهم و اشترو السيراتو (what)

رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
 

السؤال الاخير دة هوه اكتر حاجة عاجباني

مش معقولة كل الناس اللي جابت السيراتو مش فاهمين او مغفلين - اكيد فيهم ناس كتير قوي قدروا يحسبوها صح وكان الاختيار السيراتو

يعني لو قولنا ان مليون واحد في مصر جاهز لشراء عربية في حدود السعر دة - 950 الف اشتروا سيراتو ( متهيالي اكتر ) - و50 الف اشتروا عربيات اخري في نفس الفئة السعرية - يبقي اكيد 100% ان الناس دي مش جاهلة في اختيارها

لا نعيب في الفيات كما تعيب الناس في السيراتو ودة ليس لان الفيات انزلت مثلا او انها لا توجد بها عيوب - لا طبعا - بس لان الناس اللي اختارت السيراتو راضية تماما ولا يقارنوها باي عربية تانية لانهم خلاص قارنوا واختاروا - لكن الغريب بقي ان باقي الملاك الحاليين او اللي السيراتو مش عاجباهم نازلين شتيمة فيها !!!!!!


الشجرة المثمرة بتتحدف دائما بالطوب

رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
 

والله انا فعلا قبل ما اشتري ال سيراتو حبيبه قلبي الي الكل بيكرها مش عارف ليه

انا كنت بالفعل بفكر ف الفيات جراند بونتو بس الظروف مسمحتليش اني اجيبها وجبت الكيا نيو سيراتو او الفورتي 2010 ومعايا بقالها سنه وعامل بيها 20 الف كيلو وهي خليجي سعودي والحمدلله مش من العربيات الي دخلت بايظه وعربيه تمام التمام وعفشه مريحه مش زي ما ناس كتير بتقول ناشفه من ورا ومكنه بسم الله ما شاء الله تحس ان في وحش تحت رجلك في دواسه البنزين زي ما بيقولوا كتير وقطع غيارها هتبقي في كل مكان بسبب انتشارها رغم اني لسه محتجتش والحمدلله اغير واشتري بس هحتاج قريب

واقولك حاجه انا لو رجعت تاني وقدامي اختار واشتري هختار حبيبتي تاني ومش هتصدقني لو قلتلك ان بفكر باذن الله لما اغيرها كمان سنتين اشتري ال فورتي الجديده الي بقت ب فتيس 6 وكمان سنه هتبقا بمكنه 140 حصان gdi

انا حاسس انك متحامل علي العربيه جدا والعربيه احسن عربيه في السوق قيمه مقابل سعر ولسه هتحق نجاحات اكتر واكتر ولسه هتشوف من الشركه الي بتقول كانت بتعمل عربيات وحشه وملهاش اسم شوف الشوما الي لسه فالشارع دلوقتي وكل الناس بتدور عليها علشان تشتريها في شريحه المستعمل

مهما قلت مش هقدر اغيرلك فكرك بس بالنسبه لي العربيه جميله جدا واحسن قيمه مقابل سعر في الشريحه الي طلعت فيها فرده علشان ابقا راكب عربيه ومش هتصدقني لو قلتلك لو جيت انزل مش هعرف اركب زيها الا لو حولت اوروبي في نفس الفئه والكماليات وده سعرة عالي جدا او الماني

ملحوظه لو كنت اشتريت فيات جراند بونتو عربيه روعه وهاتش باك وشياكه والمكنه مش سحلفه زي مابيقولوا هي تجميعها بطئ بس مكنتش هقدر الاحق علي مصاريفها في قطع الغيار

وشكرا ليك علي رايك

رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
 

الناس بس اللي بتشكر في فيات لازم تعرف
1- اني ليس لها قطع غيار متوافرة حتي في التوكيل
2- التوكيل نفسه والحمد لله بشويه الميكانيكية الموجوده عنده لا يعلموا شيء عن السيارة
3- ممكن عربيه تتحجز في التوكيل يوم اتنين اسبوع عادي جدا..... صيانه
اخيرا احب اوضح شيء مهم رئيس شركة فيات الايطاليه علي لسانه قال لو السيارة فيات اتصنعت واتجمعت في اي مكان بعيد عن الايطاليين هيكون حالها افضل كثيرا هذا الكلام منقول من جريدة عالمية وكذلك موقع كونتاكت كار
واخيرا وحتي لا اطيل عليكم
فيه تجربة جميلة لاحد الاعضاء والذي قام بتبديل علامه كيا مع مرسيدس علي سيارتان غير معروفين الموضوع بأسم تجربة نفسية بسيطة بين الالماني والكوري... وشكرا لكم

رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
 

ثبت علميـًـا أن سماع القرآن يقلل من انتشار الخلايا السرطانيه في جسم الانسان بل ويدمرها ... أن إطاله السجود يقوي الذاكرة ويمنع الجلطة الدماغية إن رفع السبابة للتشهد يزيد من تدفق الدم في جسم الإنسان ليساعد على تقوية القلب أن السجود يزيل الشحنات الموجبه في الجسم لأن شحنات الأرض سالبه قال إبليس : العجب لبنى آدم ! :يحبون الله ويعصونه ويبغضونني ويطيعونني سنأخذ ستون ثانيه من وقتك فقط انشــــــــــــرها ولنرى إن كان الشيطان سيمنعك من الأجر أم أنك ستمنعه (( قولوا : سبحان الله وبحمده ، سبحان الله
Yousf Seif: شكرا

رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
 

السيراتو اصبحت تنافس السيارات الصينية فى كمالياتها فقط

رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
 

انا بس عايز اعرف

لما صاحب الموضوع بيحب الفيات قوي ومش عاجباه السيراتو - احنا مالنا ؟؟؟؟؟؟؟

من حقك تعرض وجهت نظرك طبعا المنتدي مش بتاعي يعني - لكن اية الفايدة من الموضوع ؟؟؟؟؟

ببساطة ومع احترامي الشديد لحضرتك - لا يمكن اعتمد علي تقيمك ولا رايك في اتخاذ قرار شراء لانك لست جهة حيادية معروفة وموثقة تخولك لابداء راي محايد علمي اقتصادي موثوق فية ( دة مش عيب فيك - انا قصدي اي منا )


ثانيا - واضح انك لم تقد السيارتين وانك بتحكم عليهم من عوامل الرؤية الفردية والسمعة - ودي عوامل مش علمية او صحيحة

ثالثا :

برضو بعيد عن شخصك - انا بتكلم عننا كلنا كمستخدم عادي مش محترفين او فنيين
حضرتك مركز قوي علي موضوع التسارع وفيديوهات وكلام من دة

يا ريت حضرتك تقوللي اية الفايدة من ان فرضا البونتو اسرع من السيراتو ب 3 ثواني ؟؟؟؟؟؟ - حتفرق في اية ومع مين ؟؟؟؟؟؟

انا معاك طبعا ان الاوروبي لا يقارن بالكوري - لكن مش الاوروبي الفيات :)- الاوروبي انواعة الرائعة معروفة ومحددة - ومش لازم عشان ايطاليا في اوروبا تبقي عربياتها بنفس الجودة - دة مش مسلم بيه ولا اية ؟؟؟

فيات عملت عربيات حلوه وعربيات فاشلة يعني لا تعصم من الخطاء وبكدة لا تكون كل سياراتها انزلت مثلا :)


عموما السيراتو قتلت بحثا وتشوية سمعة وافتراء عليها ومقارنات مع طوب الارض وانا لا اري ان دة عيب - بالعكس - دي ميزة

كونها تدخل مقارنات مع كل الفئات والانواع دي معناها انها فيها مواصفات تخليها تشبة الكثير من السيارات دي والا لكانت منسية زي عربيات كتير قوي محدش بيتكلم عنها

بالاضافة الي ان الشجرة المثمرة بتتحدف بالطوب ودة مثال واضح ومنطقي

الفيصل والحكم ي جودة السيارت العائلية الشعبية ( مش الفيراري والحاجات دي )هو انتشارها اللي بيعكس اقتناع فئات مختلفة من الثقافة والعلم والمستوي الاجتماعي والمادي وكمان الاهواء والاذواق

يبقي لما الاقي حاجة منتشرة في العالم ومصر وحققت مبيعات واهتمام من اسوق والطلب يبقي اكيد مش وحشة - اكيد مش كل الفئات دي هنا وبرة حمير ومش فاهمين مثلا ؟؟؟

ولما الاقي عربية المفروض انها في نفس الفئة السعرية ومركونة محدش بيجيبها يبقي في شيئ غلط فيها


والغلط هنا مش جودة تصنيع او سوء مثلا - الجودة هنا تقاس بعدد المستهلكين اللي تقدر العربية دي تغطي احتياجاتهم النفسية والمادية والعملية وكمان الذوق

دي كدة تبقي عربية ممتازة

طبعا المقياس مش بس مبيعات - لكن المبيعات بتعكس المقياس الحقيقي للجودة بكل عواملها مش بس التسارع او شكل التابلوه ---- مش كدة ولا اية ؟؟؟؟؟؟؟


( الاراء عالية تعبر عن وجهه نظري الشخصية وليست مثال او مبداء او ثوابت - مجرد وجهة نظر ولا اطالب احد بالاخذ بها )


ياريت كل واحد يكتب موضوع ينتقد او يشيد بشيئ يكتب كدة - عشان في ناس كتير بتتاثر بالاشاعات - وساعتها لو معلموتك خاطئة وضرر وقع - حتتحمل وزر المعلومة


ولكم شكري