مصر موتورز مجتمع السيارات - فلتر الهواء الرياضى, كمان وكمان.

مصر موتورز مجتمع السيارات (https://www.masrmotors.com/vb/index.php)

- تعديلات رفع الاداء (https://www.masrmotors.com/vb/forumdisplay.php?f=126)

- - فلتر الهواء الرياضى, كمان وكمان. (https://www.masrmotors.com/vb/showthread.php?t=26135)

رد: فلتر الهواء الرياضى, كمان وكمان.

بص ياباشا, أنت دلوقتى بتقارن بين فلتر ب 65 جنيه وفلتر ب 350 +جنيه, فى رأيك أنهى واحد فيهم هيدى صوت وأداء أفضل من التانى.

محدش قال على الصينى جبار, هو بيعمل صوت حلو, وطبعا بيدى تحسن فى الأداء, الراجل اللى قالك العكس ده بيفتى, أنت شفت الفلتر اللى راكب عندك وقارنته بالفلتر الجديد (صينى أو ماليزى حتى :)), أنهى واحد فيهم فى رأيك أحسن للأداء.

الفلتر الرياضى (صينى أو مريخى حتى) عامة أكبر من الفلتر العادى بمراحل, ده لوحده بيسهل دخول الهواء الى العربية ومش بيخنقها زى القديم, ومسامه أكبر من القديم ودى تقدر تشوفها بعينك, وبيدخل هواء أكثر للموتور.

فلتر أصلى
http://image.superstreetonline.com/f...ock_filter.jpg

فلتر صينى
http://www.carstyleplus.co.uk/Access...air_filter.jpg

من الصور, أنهى واحد فيهم هيخلى الموتور يتنفس بسهولة أكثر؟, الأجابة واضحة زى الشمس.

دلوقتى لو عايز حاجة تديك أداء مضمون وأنت مطمن هات K&n بس أعمل حسابك فى الفلوس, لو عايز تجرب الفلتر وتسمع صوته وتشوفه عمل تحسن ولا لأ هات واحد صينى وركبه مكان القديم على طول وجربه فترة, مش هتخسر حاجة, ولو عجبك النظام أبقى هات K&n.

وموضوع الماسورة ده أنا مفهمتش أنت عايز تركب الفلتر فين وأزاى.

عايز تركبه فى حوض الموتور من جوه ركبه على الماسورة اللى خارجة من المانيفولد وريح دماغك, عايز تركبه تحت حوض الموتور هتجيب مواسير صرف صحى (بجد مش هزار) وتركبه تحت الحوض علشان يسحب هواء ساقع, أو تجيبله ماسورة أصلى من عند بتاع أكسسوارات بفوق 350 جنيه.

وأنا مركب الفلتر تحت الحوض, ودى صور من عندى, أنت لو عايز تركبه فى الحوض هتركبه على الماسورة السوداء على طول.
http://img409.imageshack.us/img409/7051/image150.jpg
http://img152.imageshack.us/img152/2838/image151u.jpg

ملحوظة: الصور قديمة والمواسير أتغيرت بمواسير أكبر, ونضفت المشروع كله عامة عن الحالة دى.

رد: فلتر الهواء الرياضى, كمان وكمان.

اقتباس:

المشاركة الأصلية كتبت بواسطة Injection (المشاركة 282539)

شكراا بجد انتا تعبت نفسك جامد شكراا يا بوب وانا بجد استفت وانشاء هاركبوا واجيب ليكم الصور :D

بس ياريت طريقة التركيب على الافيوا و 128 وهل فى اختلاف فى الفلتر ؟(what)

رد: فلتر الهواء الرياضى, كمان وكمان.

بص ياباشا, الأفيو مشابه لللانوس فى الموتور, فهشرح على موتور اللانوس أسهلى.

http://images02.olx.cl/ui/3/30/68/48332268_7.jpg

ده حوض الموتور, العلبة السوداء اللى على الشمال دى هى اللى فيها الفلتر, الوش الأسود بتاعها متركب بكليبسات يادوبك بتفكها بأيدك وتشيل الوش وتلاقى الفلتر القديم قدامك.

هتفك الأفيز اللى ماسك الخرطوم اللى رايح على الصندوق (اللى جاى من المانيفولد), وتركب علي الخرطوم الفلتر مباشرة, وتربط الأفيز تانى علشان تثبته كويس.

كده الفلتر ركب, وقدامك طريقتين لتثبيته, ياتسيبه مكان الفلتر القديم فى الصندوق الأسود, ياتشيل الصندوق الأسود خالص والفلتر يبقى مكانه, وده هو اللى المفروض يتعمل.

ومبروك عليك الفلتر.

ودى صورة ب الماسورة الأستانلس, كده هتضطر تشيل الخرطوم بالكامل علشان تركبها مكانها (وفى رأيى مالهاش لازمة وبتسخن بسرعة)
http://imgs.inkfrog.com/pix/mqtautoparts/04_aveo.jpg

ولو عايز تركبه تحت ده بقى موال تانى خالص, تحت العلبة السوداء اللى أحنا بنتكلم عليها دى علبة تانية وظيفتها تكتم صوت الهواء الداخل للموتور, دى هتتفك وهتركب المواسير زى ما العبد لله عامل بالظبط.

http://img409.imageshack.us/img409/7051/image150.jpg

شايف الأختلاف عن الصورة الأولانية, الصندوق أتشال تمام بالفلتر, وتحته كان فى فتحة أسفل حوض الموتور, تحت الفتحة كان فيه صندوق تانى أنا شلته وركبت المواسير والفلتر مكانه.

الأفيو موتورها هيبقى مشابه جدا للى شرحته, والموضوع مش هياخد منك وقت لو هتثبته مكان القديم مباشرة, لكن لو هتثبته تحت العربية هتتعب, بس النتيجة بصراحة عندى تستحق.

أما ال 128 فدى موتورها كاربراتير, ولو رجعت لأول الموضوع, هتعرف أن الفلتر المخروطى ماينفعش يتركب على الكاربراتير مباشرة, الا من خلال خلع العمة وتركيب مواسير مكانها الى مكان أخر لتثبيت الفلتر عليه, أو ممكن تركب الفلتر المشرووم, بس الموضوع فى الكاربراتير مش هيبقى زى ماأنت متصور, الصوت مش هيبقى خيالى ولا الأداء حتى.

الكاربراتير ليه فلتر تانى لوحده نادر وجوده بس ممكن تلاقيه فى الحرفيين, بس يستحسن تغير اللى عندك بواحد جديد وخلاص وهتحس بفرق فى الأداء.

رد: فلتر الهواء الرياضى, كمان وكمان.

انا كنت بسأل على 128 علشان عندى افيوا لسة فى الضمان والفلتر كدة كدة بيتغير فى التوكيل فا حبيت اشوف الحاجة بنفسى بعدين ابقى اتعامل انا وانا كنت سمعت كلام كتير فا حسيت انك فاهم فا حبيت اسأل بردة :D:D
شكرااا اوووى

رد: فلتر الهواء الرياضى, كمان وكمان.

انا دلوقت عايز اسال سوال
هو فلتر الهواء عامل كام و ايه الفرق لو في انواع
وي بيعلي صوت العربيه

رد: فلتر الهواء الرياضى, كمان وكمان.

اقتباس:

المشاركة الأصلية كتبت بواسطة Injection (المشاركة 183059)

- الفلتر الرياضى جزء لايتجزء من السيارات المعدله حيث أنه يساعد على دخول كمية أكبر من الهواء الى محرك السيارة, مما يرفع من كفاءة عملية الأحتراق, فبالتالى تزداد القدرة الحصانية للسيارة, بدون ذكر الصوت الرياضى الرياضى الرائع.
- ويتوافر بالسوق المصرى عدة أنواع من هذه الفلاتر منها الصينى الردئ والجيد والتيوانى كالسيموتا و الأمريكى مثل K&N.
- فالصينى يتراوح سعره من 50 ال 120 جنيه والسيموتا من 250 حتى 400 جنيه و ال K&N الأصلى اعلاها سعرا وليس له سعر محدد لدى المحلات لتواجد الأصلى والمضروب.
- وأنواع الفلاتر كالتالى:.

1- فلتر كاربراتير
http://www.minisport.com/mini-spare-...und-filter.jpg
وده المغشوش منه كتير وأن كان نادر تلاقى الفلتر أصلا.

2- فلتر بديل للفلتر الاصلى
http://www.motorcycle-superstore.com...Air_Filter.jpg
وده بيتركب مكان الأصلى على طول ولا يتطلب أى فك و يعطى زيادة طفيفية فى القوة ولا صوت ملحوظ.

3- الفلتر قصير الزراع أو SHORT RAM AIR INTAKE
http://kandn.com/images/l/69-1016-1TS.jpg
وده بيعطى أداء و صوت رياضى ملحوظ وهو موجود لدى معظم محلات الأكسسوارات ويتم تركيبه بدلا من ماسورة الفلتر وعلبة الفلتر الأصلية.

4- فلتر المشرووم.
http://www.tryforce.jp/img/i/i_22.jpg
وده بيدى تحسن ملحوظ فى الأداء ولكن صوته غير عالى(مش بتاع منظره)ويركب على ماسورة فلتر الهواء الأصلية.

5- الفلتر المخروطى.
http://ecx.images-amazon.com/images/...500_AA280_.jpg
وهو أكثر الأنواع انتشارا وأعلاها صوتا(رأيى الشخصى) ويتم تركيبه أما على ماسورة الفلتر الأصلية أو تحت حوض الموتور.

دردشة: الفلاتر الأوريجنال غالية على الفاضى ومن الأحسن شراء فلتر صينى نضيف وتغييره كل سنة (فاصل مع الراجل على الأقل فى عشرين جندى) وهيديك تحسن ملحوظ وصوت رهيب مع ملاحظة أن الفلتر يظهر صوته عند الضغط على دواسة البنزين فقط ولا يظهر عند القيادة على سرعة ثابتة.

- أنا معايا عربية دايو لانوس 2 ومركب فلتر مخروطى صينى وعامل أحلى شغل ولاحظت أن عند تركيب الفلتر داخل حوض الموتور يقوم الفلتر بسحب هواء ساخن من الموتور(كلما سخن الهواء قلت كثافته وبالتالى يظهر فقد واضح فى قدرة الموتور).

- الحل:تركيب الفلتر تحت حوض الموتور اما بماسورة بلاستيك مخصوص من عند أحد محلات الأكسسوارات (250 جندى فيما فوق) أو حل الشاب الفقير وهو الذهاب لمحل أدوات صرف صحى و شراء كوعين وماسورتين نفس قطر ماسورة فلتر الهواء طولهم 40 سم(10 جندى) وتركيب الفلتر تحت الحوض والفرق فى السحب والصوت لايوصف.

- صورة الفلتر المخروطى متركب جوه الحوض ولاحظ أنه راكب على الماسورة الأصلية وبيركب هو و المشرووم بنفس الطريقة.
http://www.300cforums.com/forums/att...be-cimg011.jpg

- الفلتر للكربراتير هو راكب.

http://jmichael.info/Cobraengine.jpg

- صورة الفلتر"قصير الذراع" وهو راكب.

http://www.thegasmisers.com/img/K&NCAI.JPG

ملاحظة : لتركيب أى نوع من الفلاتر الأسبور فى العربيات الأنجكشن (ماعدا بديل الفلتر الأصلى) يجب أزالة علبة الفلتر القديمة(حسب أرادتك) وعلبة الصوت (توجد أسفل علبة الفلتر القديمة وفائدتها كتم صوت الهواء الداخل للموتور).

مواقع مهمة:-
http://www.simota.com
http://www.knfilters.com
ptmnlo123per1140

على فكرة انت باشا بجد والله باشا انا كان عندى فلتر متركب جامب الموتور عالطول عملت زى ما انت قولت وخاليت الفلتر بعيد عن الموتور وشيلت المسورة الحديد وركبت مسورة بلاستك من عند محل ادوات صحية بس مش بى 10 جندى اكتر حجات بسيطة بس مشاء الله الفرق جامد جدا جدا صوت وسحب وكل حاجة ربنا يبراكلك يا معلم ويخليك للمنتدى علشان تفدنا كمان وكمان

رد: فلتر الهواء الرياضى, كمان وكمان.

الله يعطيك العافيه على هالموضوع الحلو .. انا جديد عالمنتدى وهاي اول مشاركه الي واتمنا الاجابه على استفساري .. عندي هونداي اكسنت ركبتلها فلتر رياضي مخروطي .. صار في فرق بالصوت ولا اكون بالسياره ومسكر الشبابيك غير ملحوظ حتى لو عدد لفات المحرك 6 !! شو الحل :(

مع العلم انو في حد مركب نفسه وصوته خرافي على متسوبيشي لانسر :)