|
رد: تكييف سوزوكي ماروتي 800 cc
حبيب الناس كل سنة وانتا طيب ان شاء الله
ألف مبروك عالتكييف وشكرا على الموضوع كله انا حاليا بفكر اركبه برضو بس نفسي اشوف صورة للتغييرات اللي حصلت للعربيه وياريت تبعتلي نمر وعناوين الشركه اللي ركبت عندها تحياتي ليك وشكرا على ردك مسبقا اخوك حازم |
رد: تكييف سوزوكي ماروتي 800 cc
الحمد لله الذي بنعمته تتم الصالحات.. وسبحان الذي سخر لنا هذا وما كنا له مقرنين وانا الي ربنا لمنقلبون
بجد التكييف فارق معانا جدا وربنا يجزيك عنا خيرا يا حبيب الناس .. ويجعله في ميزان حسناتك هي طبعا العربية تقيلة شوية وخصوصا لما بتبقي الشوارع واقفة .. لكن مش مشكلة كله بالتعود كل سنة وانتو بالف خير وبصحة وفي سعادة ان شاء الله |
رد: تكييف سوزوكي ماروتي 800 cc
وعندي استفسار كمان
ياترى التغييرات اللي بتتعمل ممكن تقلل من تمن العربية ولا لأ؟ تحياتي |
رد: تكييف سوزوكي ماروتي 800 cc
هوا مليش نصيب حد يرد عليا ؟؟؟
كل سنة وانتو طيبين |
رد: تكييف سوزوكي ماروتي 800 cc
اقتباس:
|
رد: تكييف سوزوكي ماروتي 800 cc
اقتباس:
جزاك الله خيرا عالرد بليت ريقي شويه طيب ده بالنسبه للبيع طيب ياترى التعديلات اللي هتتعمل في العربية جنب الماتور هل ممكن حد ركبه يوريهالنا بصوره ولو من موبايل صيني هههههههههه اي حاجه لاخوكم المطحون في حر رمضان بحس اني في الساونا ياجماعه تحياتي للجميع |
رد: تكييف سوزوكي ماروتي 800 cc
السلام عليكم ورحمة الله وبركاته
يا حبيب الناس انت فين ومش بترد علينا ليه العربية سخنت امبارح جدا وكانت علي وشك تدخل علي المنطقة الحرجة في السخونة.. ومكنتش عارفة اعمل ايه وركنت علي الكورنيش في حتة ربنا اللي يعلم بيهاPOLICEE.. وسواق تاكسي ربنا يباركله ساعدني والحمد لله العربية مشيت بس بعد ما زود مية الردياتير... الغريبة انها كانت ناقصة برغم ان القربة كانت مليانة علي الآخر.. وطبعا المروحة ما كانتش شغالة عشان المية كانت ناقصة هتقولولي ليه.. عشان الثرموستات بتاع العربية ما بيشتغلش لو المية ناقصةايه ياترى المهم وصلت الشغل وانا علي اعصابي .. وواحد كشف عليها قالي ان دورة المية واقفة المية مش بتلف دورتها .. محلك سر.. طبعا كلمت المهندس بتاع التكييف وحكيت له .. حاول يفهمني ان ده طبيعي واني كان لازم ابص علي الردياتير .. انا مش عارفة ازاي ده انا كانوا بيقلولي الردياتير ده ماتفتحيهوش خالص والمية تراقبيها من القربة.. وبصراحة هي عمرها ما نقصت لان العربية الحمد لله 2008 يعني لسه جديدة.. مش هطول عليكم روحت وانا حالتي سيئة جدا nonononoوالحمد لله علي كل حال وطبعا امبارح كان الحد يعني محدش بيكلم حد .. سبتها وجيت موتوتاكسي .. وهوديهاله بعد الفطار ودعواتكم ربنا يسترها |
| الساعة الآن 12:58 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017