رد: عيوب الشاهين السيئه حبيبه الملايين
 

على فكره يا استاذ موتور هيد
موتور العربيه هو اللي بيوصف بالعصبيه
ودي حقيقه في كل مواتير الفيات سواء ال 1600 (تمبرا ) او ال 1400 ( سيينا)
لكن القياده نفسها مش عصبيه ..
هو في حد برضو يحب يسوق بعصبيه

الشاهين مش محتاجين يغيروا اسمها ... لان مفيش حاجه اتغيرت فيها ... يبقى الاسم حيتغير ليه !!
ودي مش محتاجه يكون حد ساقها او مساقهاش علشان يقدر يحكم عليها

ساعات موضوع التسميه ده بيكون من خلال التوكيل
يعني مثلا الجولييت هي لانوس هاتشباك و الاسم جولييت الجميله ده استخراع مصري للدعايه
سبيرانزا هي شيري ... لكن ابو الفتوح استخرع لها الاسم ده لأن شيري كان ليها توكيل في مصر غيره

اغلب العربيات الاسيوي بيبقى ليها اسم في بلادها و اسم تاني لاوروبا او امريكا بسبب اللغه
هيونداي وكيا كل عربياتها بأسمين
نيسان العربيه بيبقى ليها اسمين و تلاته .. وساعات كمان الماركه نفسها بتتغير ... وتبقى سامسونج بدل نيسان
موديلات داتشيا بتنزل تحت شعار داشتيا او رينو
موديلات دايو بتتباع بره اسيا تحت علامه شيفروليه

في حين ان الشاهين اعتقد انها كانت بتتباع في مناطق محدوده .. وبالتالي مش محتاجه لتغيير الاسم

ربنا يبارك لك في عربيتك وعربيه والدك و يديكم خيرهم و يكفيكم شرهم .. و يرزقكم باللي احسن منهم

رد: عيوب الشاهين السيئه حبيبه الملايين
 

على العموم شكرا لحضرتك امين يارب

رد: عيوب الشاهين السيئه حبيبه الملايين
 

اولا انا مش بحب اركب الشاهين خالص تاكسى لان طبعا عارفين ليه
اولا كان لى واحد صحبى كان اشتراحا لفتره صغير كان جيبها بتكيف التكيف على اخره واحنا حرانين وبعد اسبوع مبقاش يشتغل
وبعدين ال128 اوسع بالنسبه لحجمها الخرجى عن الشاهين
يعنى اوسع شويه ممكن 4 يركبو معايا فى العربيه مرتحين
بالنسبه لانها حجمها صغير عن الشاهين من الخارج
لكن الشاهين ضيقه من جوه وكبيره من بره ازاى مش فاهم
انا سمعت ان جات فتره وانا سالت بنفسى معرض فى باب اللوء كانت ال128 عامله 43
والشاهين 75 والفيرنا 76 طبعا مفيش كلان ان الفيرنا افضل بمراااااااااااااااااااااا ااااااااااااااااااااااحل
لكم منى وافر الشكر والاحترام

رد: عيوب الشاهين السيئه حبيبه الملايين
 

الجزء اللي انا مفهمتهوش من استاذ فدي موضوع متعة القيادة! الشاهين ممتعة في قيادتها و اكثر راحة من الفيرنا ؟ انا مبحبش الانوس لأن موتورها ادائة ضعيف مقارنة بالفيرنا! بس الفيرنا و اللانوس اكثر متعة و راحة و اداءا و عزل صوت و تكييف بمراحل من الشاهين!!!! ميزة الشاهين الوحيدة هي ان اي حد بيفهم فيها و انها كورونا

رد: عيوب الشاهين السيئه حبيبه الملايين
 

نسبة كبيرة من كلام صاحب الموضوع سليم
الصالون الواسع يكون لما اللي قاعدين ورا و قدام مرتاحين لأن كل العربيات تقريبا اللي قاعدين قدام مرتاحين و عربية الشغل اللي كانت بتودينا و ترجعنا أنا و زماليلي من العاشر من رمضان كانت شاهين و كان مكاني ورا و بكل أمانة ضيق ضيق ضيق
بالنسبة للتابلوة أو الصالون ككل محدش يقدر يقول أن دي خامات ربع نضيفة حتي
بالنسبة للصاج فصعب يكون أضعف صاج غالبا هيكون صاج متوسط السمك لا ورق ولا جامد بس القوايم فعلا صغيرة جدا
السحب و الموتور و الكلام ده بالنسبة للمواتير الSOHC فدي مواتير قريبة من مواتير التمبرا و مواتير معقولة أنما المواتير الOHV فدي مواتير مينفعش حد يشكر فيها أصلا

رد: عيوب الشاهين السيئه حبيبه الملايين
 

متعة القيادة لا علاقة لها بالراحة و مستوى المكيف,
متعة القيادة تعتمد على شعورك بالسيارة و الطريق و صوت المحرك المرتفع و استجابته و عصبيته و و وضعية القيادة و تحسسك لحالة السيارة فى الخارج و انزلاقاتها, و احساسك بالسرعة.
و هى لا تعنى بأى حال من الأحوال الاستمتاع بالتكييف و صوت الكاسيت و المقاعد الوثيرة, فهذه الاخيرة تصنف ضمن عوامل الراحة فى السيارة, و التى انا قلت انها ليست مكتملة فى الشاهين.

رد: عيوب الشاهين السيئه حبيبه الملايين
 

يا جماعة والله إنتم ظالمين الشاهين

أولا الشاهين هي نسخة معدلة شكليا (فقط) للفيات 131

والفيات 131 هي سيارة تم تصميمها وإنتاجها بسبعينيات القرن الماضي

والشخص المنتقد أو المؤيد يجب أن يراعي أن تصميم هذه السيارة عمره أكثر من 40 عاما وبالتالي يجب أن يعقد المقارنه شخص عاش وقاد سيارات بهذه الحقبه ليتمكن من الحكم بشكل جيد علي هذه السيارة بالمقارنه ببنات جيلها.

أنا شخصيا أعشق الفيات 131 والشاهين بالتبعية وأري أنها سيارات سبقت عصرها وتميزت في هذا الزمن الجميل (السبعينيات) وسط منافسيها.