مصر موتورز مجتمع السيارات - الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

مصر موتورز مجتمع السيارات (https://www.masrmotors.com/vb/index.php)

- Hyundai Accent - فيرنا الجيل 2 (اهم الموضوعات) (https://www.masrmotors.com/vb/forumdisplay.php?f=132)

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

اقتباس:

المشاركة الأصلية كتبت بواسطة corsair (المشاركة 143651)

والله يا استاذ خالد ولا حتي النسيان صني ليها نسبة الثبات وخصوصا في المنحنيات الجامدة شوية انا جاري معاه نيسان صني م 2008 وكان رايح بيها الهايكستب وهوه ماشي علي الطريق فوجاء بعربية نقل ماشية عاكس اتجاه وهوه بيتفادها وبياخد غرزه في التانيه العربية اتقلبت بيها كذا مره ومكنش ماشي بسرعة علشان تنقلب بالمنظر اللي انا شوفته ده
وبعدين انتا محاسسني اني انا راكب عربية هاتش باك وانتا بتقولي ديه عربية صغيره وبعدين انتا بتتكلم علي عربية بتتصنع من 1992 طيب نسبة مبيعاتها بالنسبة للفيرنا كام ياريت تقولي وبعدين انا مش من هواة الجري والكلام الفاضي ده انا كنت بختبر ظبط الزوايا والترصيص والنتروجين في الكاوتش عامل ازاي بس لا اكثر ولا اقل يعني انا الطبيعي بتاعي مبعديش ال 100

ههههههههههههههه ياباشا متزعلش اوى كده انا قلت رايى وتجربتى الشخصية ورزقى على الله لكن ده اللى شفته وجربته اما انقلاب سيارة صاحبك ده لسبب تانى خالص لايعلمه الا الله واعتقد ان النقل لطشت اكصدامه طيرته لانه هياخد غرزة ازاى وهيا جايه عكس يعنى هيا مقابلاه مش جنبه او وراه اوادامه دى جاية عليه ثم انا عارف الطريق ده وده شبه مفيهوش منحنيات اصلا مش منحنيات خطيرة
واما حكاية الزاوية 90 فدى مش من عندى او من تاليفى لكن ده من وصف للسيارة ومميزاتها اعتقد قريته على موقع الشركة
وانصحك تقرا كتالوج عربيتك هتلاقيه بيقول السرعة القصوى كذا دى بقى تلتزم بيها ومتزيدش عنها
وبعدين نقل ماشى على طريق الهايكستب عكس اتجاه ؟؟؟؟؟؟؟؟؟؟؟؟ ده قلبه ميت اوى ده اكيد كان فى الفجر
واما ان كان على المبيعات ففى مصر سوق لايقاس عليه اى شىء لان الاسبرانزا وهيا سيارة في عليها اكتر من 10 الاف شكوى فى جهاز حماية المستهلك مبيعاتها اكتر من الفيرنا والصنى مع بعض مجتمعين لاننا بنبص للسعر قبل الجودة فى مصر فقط واسال عن الفيرنا فى الخارج هتعرف انها لاتنتج الا فى مصر فقط بينما الصنى تنتج فى 10 دول حتى الان ثم العربية اللى تتحملنى تبقى عربية لانى بلف بيها اكتر من 6000 كيلو شهريا يعنى ولا الميكروباس ومشغلها زى النص نقل ماشاء الله بتشيل فوق الطن الا ربع بضاعة ومع ذلك رغم كل البضاعة دى سحبها بيوصل 140 فى الساعة
ههههههههه وياعم حقك عليا انا غلطان ليك وللفيرنا و ده اعتذار رسمى للفيرنا اهو احنا بنقول لك كده حبا فيك وخوفا عليك بس ومع ذلك انت لم ترد على مسالة ان العربية جديدة و ده يدل على انها جديدة ربنا يباركلك فيها ويكفيك شرها اللهم آمين

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

اقتباس:

المشاركة الأصلية كتبت بواسطة mohamed ibiza (المشاركة 143901)

احمد باشا حمد الله علي سلامتك من ال 190 :)

بس بصراحة انا مش مقتنع انا جربت الفيرنا بنفسي و ثباتها بيضعف بعد ال 100 جدااا و ناس كتير معاهم فيرنا قالو كده اولهم احمد كار مثلا و هو معاه فيرنا و قال كده في تقييمه ليها و مثلا عندك واحد صاحبي كان ماشي 80 و المفروض كان فيه ملف هياخده و كان ناسي و خده فجأه علي ال 80 دي العربية رفعت من الجنب :D !!

و اسباب ضعف ثباتها حاجات كتير اولها الوزن !! موتور 1600 106 حصان 2 كامة اللي بينزل في السيراتو القديمة و الكوبيه القديمة و الانترا و كلها عربيات وزنها معقول و واطيه علي الارض انما الفيرنا وزنها 1110 كيلو و مش واطيه و جنط 13 و كاوتش تعبان و عفشه عاديه مش مساعدين غاز زي الانترا مثلا !!

كل العوامل دي لازم تأثر فيها و لو عايز تخليها ثابته بجد هات طقم جنوط 15 و كاوتش 195/50 بريدجستون botenza او هات زي بتاعي kumho ecsta حلو جدا عن تجربه و ركب مساعدين كوني بالسوست و ساعتها هتقدر تجري 190 و تغرز بأمان الي حد معقول جدا لان العربية هتوطي كمان :)

حمادة حبيبي نورت الموضوع يا باشا انا مش مقتنع بالكلام اللي انتا قولته ده هقولك ليه انا وانا رايح كنت ماشي 130 140 وكان كل شوية الاقي حفرة في الارض فاجاءة العربية بسم الله ما شاء الله خدت بيها وانا رايح غرز بعدد شعر راسي علي السرعة ديه وكنت فعلا حاسس انها ثابتة جدا والحمد لله قدرت افادي كل الحفر اللي في الارض وبعدين انا بعاني اساسا من الوطي بتاعها وعايز اعليها مش اوطيها العملية خربانه يا عم محمد والعربية بتبوس ايدي في المطبات اني اعليها

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

اقتباس:

المشاركة الأصلية كتبت بواسطة خالدخليفة (المشاركة 144003)

متزعلش يا دكتور خالد اصل انا اتصدمت وانتا بتقول انها عربية صغيرة حسستني اني راكب هاتش باك فعلا ولا تزعل يا سيدي وجاري اللي حصلتله الحادثه ده هوه فوجئ بالنقل ده جاي في وشه بس النقل مخبطهوش وهو بيفاديه يمين في شمال العربية اتقلبت وهوه ده كل اللي حصل بالظبط وهبقي اجبلك من صور العربية واورهالك علشان تصدق وبعدين الاسبرانزا ديه اساسا متنفعش حتي تكون عربية خضار انا كنت حاجزها قبل الفيرنا وجت الموافقة من البنك وخلاص في اليوم اللي جات فيه الموافقة كنت رايح شقتي في اكتوبر وشوفتها في اخر مطلع علي المحور واحد خبطها خبطة خفيفة جدا لاقيت الاكصدام بتاعها الخلفي اتكسر نصفين ولما شوفت المنظر ده لاغيت الحجز وحجزت الفيرنا اهو نص العمي ولا العمي كله وانا اعرف ناس معاهم فيرنا مطالعين عين اللي جابوها وبيعملوا في اليوم مش اقل من 300 كيلو بيها ولا اشتكت

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

اقتباس:

المشاركة الأصلية كتبت بواسطة sheekoo (المشاركة 143910)

مش كل مرة تسلم الجرة
حمدلة على السلامة

الله يسلمك يا شيكو وفعلا مش كل مره تسلم الجره وربنا يسترها علينا جميعا

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

اقتباس:

المشاركة الأصلية كتبت بواسطة sam ram (المشاركة 143926)

100 100 يا ابيزا
بس الفيرنا وزنها اقل من 1000 كجم
تقريبا 960 كجم

والاوفر من ده كله تجيب عشر شكاير رمل وتوزعهم في العربيه 2 على الكبوت - 4 في الشنطه و 4 على الكراسي و الكنبه وتستمتع بثبات البطه ...
بس اوعى الرمل يندلق منك ... التوازن يبوظ على طوول :)
أو هات سبويلر من عربيه فورميلا وان .. حيزود الداون فورس و يكلبشها في الارض بس المهم المساعدين والعفشه و الكاوتش يستحملوه ... ومتلاقيش العربيه بقت شبه زلاجه الثلوج

لا بجد العربيه خفيفه جدا على قوه الموتور ... و السرعه مع الوزن بيبقى وزنها النسبي هوا ....
انا بهذر مش بتريق ... وعموما معايا ماتريكس ... يعني نفس المكنه ..بس على وزن طن وربع
ومقدرش اقولك على ثباتها على 190 لأن اخرها 170 طوالي بس

طيب ما نجيب اسمنت بالمره وطوب احمر ونطلعلنا بدورين علي الفيرنا ونحل ازمت السكن بالمره

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

اقتباس:

المشاركة الأصلية كتبت بواسطة corsair (المشاركة 144014)

الله يخليك يا باشا :)

والله يا باشا انت اول واحد اسمعه بيقول علي الفيرنا ثابته كل اللي معاهم فيرنا شككوا في ثباتها و انا لما جربتها معجبتنيش و اصحابي كذلك و سيبك من الحفر انا عايزك تاخد غرزه عنيفه فجأئية تقلب بيها وضع الدركسيون بسرعة جدا سواء من اليمين للشمال او العكس ptmnlo123per122 ده كده يعتبر اختبار ثبات حقيقي لان الجري في الطوالي مش اختبار ثبات نهائي للعربية :) بس اوعي تعملها بجد عشان النتائج مش مضمونه ptmnlo123per122

علي فكرة اغلب اللي معاهم فيرنا بيشتكوا من انها بتحك في المطبات بس ده مش بسبب وطو العربية ده بسبب الشكمان بتاع الحاج ابو اليزيد بحجمه الكبير ده لازم يحك

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

لو الواحد بجد ينفع يشيل الشكمان ده خالص كام زمانه مريح دماغه