|
رد: ذكرياتى مع السيارات فى هولندا
سمعت كثيرا عن هذة السيارة وكان لى صديق مصري من بنها اسمة اشرف كان بيفهم كويس جدا فى السيارات وشاطر فى البيع والشراء واقنعنى بالجولف وبالفعل مسكنا النت والجرائد ونزلنا جراجات واخير لقينا اعلان فى الجرنال عن سيارة جولف لفتت نظرنا وقررنا نتصل بالتليفون وكان فى مدينة اسمها- نيميخن - http://www.traraba.com/wp-content/up...n_golf_r_k.jpg وهى تبتعد عن امستردام 130 كم تقريبا وتبتعد عن -ارنهيم - حوالى 20 كم والمعروف ان كلما بعدنا عن العاصمة كلما زادت جودة السيارة وانخفض سعرها- حتى فى نوعية الناس - بتكون مختلفة بعيد عن العاصمة بيكونوا غالبا مش كدابين نهائى وبيتعاملوا بتلقائية نادرة-واخذنا ميعاد من صاحب السيارة واتصلت بطارق صديقى ييجى معانا وقد كان وتقابلنا انا واشرف صديقى البنهاوى وطارق صديقى الاسكندرانى وذهبنا الى -نيمبخن- وكان طارق يعرفها جيدا ووصلنا بسهولة-وعجبتنا السيارة جدا واخدنا بيها لفة واول ما جلست فيها لسة ح اطلع لقيتها -فطت بية - بشكل غريب وحسيت انها سيارة شديدة ماسكة نفسها بشكل غريب-عجبتنى وجينا عن الاتفاق على الفلوس-ووجدت اشرف يغمز لى بعد ان سألنى على رأى النهائى وعرف انة عجبتنى فعلا وبعدها بداء هو الكلام مع الرجل صاحب السيارةوالذى كان يطلب فى السيارة 2750 وهو الرقم الذى ذكر فى الاعلان - وفى لحظة لقيت اشرف بيتحول لبنى ادم تانى - انفعل واتعصب وقال للرجل -انت نصبت علينا وانت كداب طبعا انا وطارق والرجل الهولندى مذهولين فى اية ياعم اشرف مالك -قالنا اسكتوا انتم خالص -الرجل قال لة اية مشكلتك ؟ رد اشرف وقالة -السيارة مخبوطة من الجنب تحت الباب بتاع قائد السيارة وهذا يحدث فقط اذا كانت الخبطة مباشرة وانت لم تكن صادق معنا ولم تخبرنا-الرجل نظر لة مذهول وانا وطارق اكتفينا بالنظر -ولم ينتهى اشرف بل قال للرجل هذة السيارة عملت اكثر من حادث من قبل والدليل ان الفانوس اليمين فى -خرم - طبعا انا ماعرفش اشرف عرف منين ان الفانوس مخروم -والرجل مازال ينظر مذهولا ولم ينتهى اشرف -بل قال لة -ان الزجاج الخلفى للسيارة اتكسر قبل كدة ودة واضح ان الماركة بتاعة الزجاج الجديد مختلفة عن ماركة باقى زجاج السيارة-واخيرا قال له ان المساعدين مش مظبوطين ولازم المساعد الشمال يتغير -من ااخر شرك السيارة تماما -وفى نهاية الحوار وجدت نفسى... ادفع 800 جيلدر بالاضافة الى اسف واعتذار من الرجل صاحب السيارة-وذهبنا الى مكتب البوستة -ونقلت السيارة الى اسمى وطلبت منهم ان ادفع الضريبة ربع سنوية وانصرفنا -اثناء عودتنا رجعت مع طارق فى السيارة الجديدة وركب اشرف سيارتة رجعنا على ارنهيم لتناول الغداء وبعدها واصلنا طريقنا بالسيارتين الى امستردام--بعد عودتنا مباشرا فوجئت بأشرف يعرض علي ان ابيع السيارة الجولف الجديدة ب1000 جيلدر واستغربت بشدة هى لحقت وقلت له لية ولمين قاللى -لية انا عاوزها - فكان ردى انى ح افكر فى الامر لكن فى الوقت الحالى محتاجها لانى ماعنديش سيارة--بعدها بأسبوع وجدت اشرف باع سيارتة واشترى جولف -شبيه لسيارتى فى كل شىء ولكن الكم كان اعلى شوية-بدأت العلاقة تتكون بينى وبين السيارة الجولف واطلقت عليها اسم -فروتة- وفعلا كانت فروتة احيانا كنت اسيبها اسابيع طويلة بدون استخدام وفى عز سقوط الثلج http://travel.maktoob.com/photo/data.../Orika_14_.jpg وكنت اجى ادورها بعد كدة الاقيها بتدور فى الحال---وفى احد الايام واثناء قيادتى للفروتة متجها الى مدينة اسمها -اوتريخت- http://http://www.youtube.com/watch?v=qfpat1a1_rw وكان وقتها هطول ثلوج غير عادى والارض كلها مزحلقة على الاخر حتى الطريق السريع برغم ان كان هناك سيارات تقوم برمى -الملح - من اجل اذابة الثلج من الطريق لكن مع برودة الجوة كان يتجمد مرة اخرى ويسبب الزحلقة--وفى الحقيقة انا كل اللى فاكرة انى سايق فى طريقى عادى جدا وفجأة وجدت الطريق اتقفل امامى تماما ولم يتبقى بينى وبين السيارات التى امامى الا امتار قليلة وفرملت بشدة وشعرت مع الفرملة انى بطير من فوق الارض وهو الاحساس الذى جأنى اثناء ما العربية لفت لفة كاملة -ساعتها ماشفتش حاجة او مابقيتش عارف اوقف نظرى على حاجة - لكنى اكتفيت بالسمع -خبط خبط خبط - احيانا اشعر انة بعيد عنى واحيانا اشعر ان هذا الخبط فى انا وغمضت عينى تماما ولم اعد اردد الا الشهادتين-حتى هداء الصوت من حولى تمام ومازالت عينى مغمضها ولم اعد اسمع الا صوت مواتير سيارات-وشعرت وقتها ان دماغى بدأت تتقل جدا- عاوز انام-لكن خايف اتحرك او مش قادر وعندما حاولت ان افتح عينى شعرت بدموع ساخة جدا تسقط منها-ولا اتذكر اى شىء بعد ذلك من خبط ورزع والفرملة واللفة والدموع الساخنة --فقط كنت اسمع همهمات ناس بتتكلم لكن كلامهم مش واضح وقت صعب جدا تمنيت ان ينتهى سريعا...... يتبع <!-- / message --><!-- sig --> |
رد: ذكرياتى مع السيارات فى هولندا
وبالفعل انتهى هذا الوقت الصعب ولكن ...... جاء الاصعب منة وقد حدث هذا بعد الافاقة واسترداد الوعى وان كان هذا استغرق بضعة ايام اجريت وقتها جراحة فى العين نتيجة الزجاج المتناثر وما ظننة انا انها دموع ساخنة -كانت مجرد دماء ......وقدر الله وماشاء فعل حادثة وعدت ونكتفى بهذا القدر من التفاصيل فى هذا الشأن- وناتى الى الفروتة -اللى اتعجنت ولا تصلح مرة اخرى -يعنى على المقبرة على طول - طبعا امامى شهور طويلة علشان اسوق سيارة تانى--وخرجت من المستشفى بعد 18 يوم وطبعا اخويا جاء اخدنى بسيارتة -حاولت اقنعة انة يسبنى اسوق لكنة اكد لي انة مش مستغنى عن عمرة -http://www.ra7ala.com/vb/images/smilies/biggrin.gif- جاء الى زيارتى صديقى اشرف البنهاوى يؤكد لي انة كان مكسوف يجي يشوفنى -لاحسن اكون فاكر ان عنية الوحشة هى سبب الحادثة لانه كان نفسة فى السيارة-طبعا انا لم اعلق-دة كلة قدر ومكتوب- وتطرق الحديث عن السيارات وقاللى سيارتى تحت امرك فى اى وقت(طبعا كداب -لانى لو قلت لة انا عاوزها دلوقتى كان ح يرفض ) وكان ح يقوللى برضة انا مش مستغنى عنها -لكن اهى مجاملة رقيقة منة برضة... طلبت منة ان يشوف لي سيارة اخرى جديدة وحبذا لو كانت جولف-وحدث بالفعل واشتريت جولف جديدة وكنت تقريبا خلاص اقتنعت انى مستحيل اركب غير الجولف وهو ماحد بعد ذلك فعلا وركبت بعدها 7 سيارات فولكس واجن مابين بولو وجولف وبورا وباسات- واستغرق هذا طيلة عامان لم تكن فيهم اى حوادث ولكن بنهايتهم كنت افتتحت شركة التاكسى مع احد اصادقائى وليس مع طارق الذى اشترى محل -مطعم - واستقر فية - وبدأنا الشركة ب3 سيارات مرسيدس وبعد عام اصبحوا 4 سيارات- http://www.ra7ala.com/vb/attachment....9&d=1265753829 -وبعد العام طلبوا منى الذهاب لتجديد الرخصة وللاسف لم يحدث وتم رفض تجديد الرخصة وتم فض الشركة وعند بيع السيارات طلبت ان احتفظ باحدى السيارات لنفسى - وقد كان وكانت المرة الاولى التى اغير فيها الجولف بعد عامان-وركبت المرسيدس كسيارة شخصية وبعد فترة لقيت ان التعليقات اللى بسمعها ونظرات الناس وانا سايق السيارة حاجة لا تطاق وهى فعلا موجودة فى الشعب الهولندى مع اى حد يركب المرسيدس لانها بالنسبة لهم رمز للرفاهية وممكن الاستغناء عنها-المهم انى ماعرفتش ابقى حاجة من الحاجات دية واخترت ابقى بطبيعتى وبعت المرسيدس-و اشتريت مرة اخرى جولف بيضاء- http://www.newadvera.com/vb/imgcache...advera.com.jpg تحفة كانت عند رجل هولندى كنا نعمل معا فى نشاط جديد وقتها كان قطع غيار الكمبيوتر وعرفت انة يعرض سيارتة للبيع واشترتها فورا--هذة السيارة بالتحديد-تقريبا ذهبت بها اماكن كثيرة--منها فرنسا وبلجيكا والمانيا وتقريبا لفيت بيها هولندا محافظة محافظة--- واستمرت معى كثير... برغم انها لم تعجب اولادى وكنت تسبب لهم الام فى المعدة - وعليها قررت ان ابيعها--واتخذ الامر بعض الوقت وفى احدى المرات وكنت وقتها راجع من مدينة اسمها -هريفيين-وكان معي واحد صديقى اسمة - محمود- من المنصورة محمود دة كان اول مرة اسلم علية ماشفتوش لانة جاء لزيارتى وقت ماكنت فى المستشفى عندما عرف من الجامع الذى نصلي فية بالحادثة وجاء وبعدها اصبحنا صديقين - المهم محمود من المنصورة اصلا -- ومش عارف يمكن انا بس اللى بيتهيئلى كدة لكن بحس ان كل الناس اللى جاية من المنصورة شبة بعض وبيتكلموا زي بعض يعنى لغاية دلوقتى كل ما اشوف او اكلم محمود احس انى بكلم الفنان يونس شلبى -الله يرحمة - برضة كان من المنصورة---ماعلينا واحنا راجعين من هريفيين لقينا على يمين الطريق السريع --سيارة مكتوب عليها للبيع على يافطة فى حجم السيارة وقلت لمحمود -اية رايك قاللى وهو انت لحقت تشوف منها حاجة -- قلت لة السيارات فى البلاد دية بتكون كويسة واسعارها كويسة.. قاللى ياعم يالا نروح انا عصافير بطنى بتصوصو--قلت لة 10 دقائق بس -- وبالفعل اخدنا اول يمين فى اول شمال فى اول شمال ركبنا الطريق السريع مرة اخرى وبعدها اول يمين فى اول شمال فى اول شمال طلعنا الطريق السريع فى اتجاة السيارة المعروضة للبيع--وبالفعل وصلنا وتأكدت انها ستيشن وماركة فورد ايسكورت- http://upload.wikimedia.org/wikipedi...8%B1%D8%AF.gif كنت بشوفها كتير لكن عمرى مافكرت اركبها -وكان لونها اسود وسعرها كان مفاجاة-واخدنا نتعارف اكثر على صاحب السيارة وعندما عرف اننا مصريين -رحب بنا وحكى انة زارها منذ زمن بعيد وعزمنا على قهوة عندة فى المنزل وذهبنا معة وهناك وجدنا فى حديقة منزلة كمية كبيرة من -البقر- طبعا لقيت محمود صديقى وقف امام -البقر- وهو مبتسم وبداء يسأل الرجل فى تفاصيل التفاصيل وانتهى الحوار بأتفاق على تصدير البقر على مصر - طبعا انا واثق ان مافيش اى حاجة من دية ح تتم -لانى عارف محمود كويس - وهو ماحدث بعد ذلك فعلا ولكنى وقتها كنت مضطر استحمل محمود لانة هو اللى ح يرجع بالسيارة التانية وكمان كان الجوع زاد علية اوى-وركب محمود سيارتى الجولف البيضاء وركبت انا الفورد الجديدة طبعا اول حاجة-دخلت على اول بنزينة فى الطريق--وتوجهنا الى امستردام-- واصبح امامى ان ابيع السيارة الجولف وكنت وقتها اجهز للنزول الى مصر وكان لازم تتباع وهو ما جعلنى اوافق ان ابيعها بسعر قليل..... يتبع <!-- / message --><!-- attachments --> |
رد: ذكرياتى مع السيارات فى هولندا
حلقات جديدة ptmnlo123per122 حلقات جديدة ptmnlo123per154 حلقات جديدة ptmnlo123per122 حلقات جديدة ptmnlo123per154 متابع بشغف وفى انتظار المزيد |
رد: ذكرياتى مع السيارات فى هولندا
متابع ptmnlo123per171 |
رد: ذكرياتى مع السيارات فى هولندا
هزعل منك اوى يا استاذ جنيدى لو قلت فى الاخر انك سبت ده كله ورجعت تعيش وتستقر فى مصر
|
رد: ذكرياتى مع السيارات فى هولندا
واتصل بى صديقى محمود طلب منى ان اجمع له خلال اجازتى فى مصر معلومات عن تجارة الابقار http://travel.maktoob.com/photo/data/5223/211541.jpg طبعا انا ماليش فى المواضيع دية ومش عارف اسأل مين ولا ازاى- http://travel.maktoob.com/photo/data/5223/241162.jpg قلت لة -طبعا طبعا -ح اعمل كل مابوسعى وتمكنت من بيع الجولف البيضاء الى احد الاصدقاء ولكن على ان يدفع كل شهر جزء من المبلغ وافقتة خاصا انى بعتها بضعف سعرها وهى كانت فعلا تستحق -فقط الرجل الهولندى اشتريتها انا منة بسعر كويس جدا-ولما جيت ابعها بعتها بسعر السوق-وذهبت الى مصر مدة 6 اسابيع وكان معى اولادى وكنت اول ما انزل مصر اقوم بتأجير سيارة ولكن فى هذة المرة حدث شىء اخر!! فى ثانى ايامى فى مصر-وكنت بدون سيارة وهممت بتوقيف تاكسى من شارع السودان فى المهندسين وكنت اريد الذهاب الى المريوطية وبعد عدة محاولات فاشلة لاسباب مختلفة منها ان اشاور للتاكسى ولا يقف ومنها ان يقول لى مبالغ خيالية ومنها انة يكون مركب ناس معاة ومنها ان يشترط ان يتخذ طريق الدائرى وليس من داخل المدينة -حتى توقف تاكسى سيارة 128 مرهقة جدا وكذلك بدا حال قائدها يضاف الية نظارة -قعر كوباية -من بتاعة زماااااان-قلت لة على مضض اريد الذهاب الى المريوطية وبعد لحظات من التفكير والنظر للاتجاة الاخر قال لي تدفع كام؟ فقلت لة طلباتك اية قاللى -شوف بقى ياباشا دة مشوار جامد انا ح اخد 10 جنيةhttp://www.ra7ala.com/vb/images/smilies/smile.gif-قلت لة بالحرف الواحد انت عبيط ياجدع انت --دة انا جاى من هناك ودافع 20 جنية وبالعافية فتحت الباب وركبت بجانبة- قاللى بتتكلم بجد يابية سيادتك دفعت 20 جنية من المريوطية لهنا -قلت لة هذا حدث فعلا قاللى -خلاص ياباشا اللى تجيبة كلة كويس- سائق التاكسى دة كان اسمة خالد ولم اؤجر سيارة فى هذة الاجازة وظل معى طيلة ال6 اسابيع.. قابلتنا فيها الكثير من المواقف اتذكر منها وكان فى كمين للشرطة فى منزل كوبرى المريوطية-- وطلب امين الشرطة بعد ايقافنا والنظر للسيارة من الداخل تحقيق شخصيتى انا فقط اعطيتة لة جواز سفر هولندى -قاللى اية دة-قلت لة دة تحقيق شخصيتى-وقمتبتعديلة وهو فى يد امين الشرطة لانة كان ماسكة بالمقلوب قاللى -لا لا لا -انا عاوز تحقيق شخصية مصري او على الاقل تورينى اقامتك هنا على اى اساس اجيبة يمين اجيبة شمال اقولة انى فى اجازة مش عاوز يفهم وقتها غلط خالد السواق غلطة عمرة وقال لامين الشرطة روح هات لنا ظابط نتكلم معاة شكلك مش فاهم حاجة-هوبا - امين الشرطة زعل وقال لخالد انت مين قالك تتكلم انزلى هنا -فى الحقيقة انا خفت انة يتصرف مع خالد بطريقة همجية يضربة او يشتمة ولذا عاجلتة قائلا --لو مسيت الرجل دة بكلمة ح اتصل بالسفارة بتاعتى وح اوديك فى داهية-وبرغم نزول خالد من السيارة الا ان امين الشرطة -قاللى طيب ح نشوف وراح واخد تحقيق شخصيتى-وذهب الى مكان خلف سيارة الشرطة عرفت بعدها ان هناك ظابط شرطة يجلس هناك فى الضلمة بعد ثوانى رجع واعطانى تحقيق شخصيتى وقاللى اتفضل حمدلله على السلامة نورت مصر ونظر لخالد وقالة ماشى ياسطى مع السلامة ياسطى- http://img200.imageshack.us/img200/4504/megaahmeeed.jpg بصراحة بعد ما انكطلقنا بعيد عنهم لقيت خالد دة ح يطير من الفرحة وقاللى انا كنت خايف عليك ولو كان امين الشرطة عمل حاجة ماكنتش ح اسيبة..طبعا نسيت اقولكم ان خالد وزنة ما يجيبش 50 ك بالاضافة للنظارة قعر الكوباية -لكنها كانت مجاملة منة بعدها بقينا اصحاب جدا وهو بقى مبسوط من العمل معى-وذهب معى الى اماكن كثيرة داخل مصر-منها المنيا وبنى سويف والاسكندرية والمحلة وزفتى والاسماعلية-واتذكر ونحن فى بنى سويف بالتحديد-قمت بسؤال بعض الاقارب عن تجارة الابقار وفوجئت منهم انها بالفعل تأتى من هولندا وعرفت بعض التفاصيل عن الاسعار وخلافة... -وقبل مغادرتى القاهرة عائدا الى امستردام -قال لى خالد انة لن يعمل سائق تاكسى مرة اخرى-بعد فترة عملة معى وبالفعل وقبل ان اغادر القاهرة كنت اللحقتة بالعمل ايضا كسائق ولكن عند -عمتى المسنة -والتى كانت تبحث هى وزوجها عن سائق ومازال يعمل هناك حتى الان وتربطنى به صداقة قوية -- رجعت الى امستردام .. وحاولت ان ادور سيارتى الفورد ولكنها لم تدور البطارية نامت -اتصلت بخدمة النداء الألى ونصحنى المختص ان ابدل البطارية لانها ميتة خالص..وبالفعل اشتريت بطارية جديدة وبقى كل شىء على مايرام وكان معى صديقى محمود وكنت قد اتصلت بة لكى يذهب معى وبالمرة احكى لة عن المعلومات التى جمعتها عن -الابقار- http://travel.maktoob.com/photo/data/5223/251120.jpg وقال لى انة جاد فى الامر ويود مشاركتى وهو مارفضتة جملة وتفصيلا وقلت لة ماعنديش استعداد اخسرك بسبب بقرة -خللينا اصحاب احسن- وتقريبا اقتنع ولكن على مضض-ولكنى اكدت لة ان الابقار الهولندية مطلوبة جدا فى مصر http://travel.maktoob.com/photo/data/5223/40437.jpg وان هناك فروق كبيرة فى الاسعار -بأختصار هى تجارة مربحة جدا ولكن فقط لابد ان يكون المصدر بيفهم فيها كويس-ولابد من ايجاد اشخاص موثوق بهم فى مصر !!!!! وانتهى حوارى مع محمود عن الابقار!وذهبت الى منزلى... وفى صباح اليوم التالى فوجئت بجارتى الهولندية وهى مضيفة طيران فى شركة ال k l m وايضا على قدر كبير من الجمال قد يكون السبب فى ذلك ان امها هولندية ووالدها باكستانى -مسلم- تتصل بى وتقوللى اللحق بسرعة ....!! يتبع <!-- / message --><!-- sig --> |
رد: ذكرياتى مع السيارات فى هولندا
خير يا حاجة فى اية قالت لى سيارتك زجاجها مكسور-ياساتر يارب على الصبح كدة - نزلت فعلا لقيت المنظر مش ولا بد http://www.ra7ala.com/vb/attachment....1&d=1265924260 http://www.ra7ala.com/vb/attachment....0&d=1265924236 الزجاج اللى على يمينى مدغدغ والغريبة انهم لم يسرقوا الكاسيت--تركوة ولكن اغرب ما قاموا بسرقتة من السيارة مجموعة شرائط كاسيت القرأن كامل__كانت غريبة فعلا بعد ما صلحت زجاج السيارة الفورد بصراحة كنت اتعقدت منها - وشها وحش -كل يوم والتانى فيها حاجة وقررت ان اغيرها خاصا بعد طلب اولادى منى ذلك وقد كبروا واصبح لهم رأى فى اختيار السيارة بل واصبح لهم طلبات محددة--وكان يريد ابنى الاكبر ان اشترى سيارة اوبل زافيرا-وهى فعلا كانت عجبانى جدا لكن كان سعرها غالى ايضا__واقنعت ابنى ان نصبر على الزافيرا بعض الشىء خاصا ان احد اقاربى هنا وعدنى انة سوف يخبرنى وقتما يقرر بيع سيارتة الزافيرا--وعلية قررنا ان نشترى سيارة ميتسوبيشى مرة اخرى وقد كان--وقتها كنت قد اتخذت المحاسبة مهنة اضيفت اليها فى ذاك التوقيت دراسة تدريب كرة القدم وقد كان لي بها شان وقت شبابىhttp://www.ra7ala.com/vb/images/smilies/redface.gifوقررت ان احصل شهادة معتمدة فى التدريب وتحقق بحمد الله ..مكثت معى السيارة الميتسوبيشى تقريبا سنة ونصف-مشيت بيها حوالى8 الاف كم--وكان موتورها 2000ccكل استخدامى لها كان داخل المدينة --ووجدتها مكلفة جدا--وعلية قررت التخلص منها ولم يتذكرها احد بعد ذلك زادت المطالبة بالزافيرا- ووافقت عليها شرط ان اشتريها من قريبى ووافقوا ولكن لم يحن الوقت بعد -بما معناة نجيب سيارة مؤقتة-طبعا كنا اتخلصنا من الميتسوبيشى ولا توجد سيارة - ومن خلال مكالمة تليفونية بينى وبين طارق صديقى-عرض علي ان نذهب الى مزاد السيارات-طبعا كان اول مرة اروحة -كان كبيرى بسمع عنة - ورحبت جدا لانى ممكن اجيب سيارة من هناك بالاضافة انة تجربة جديدة وبالفعل جاء طارق من -ارنهيم - الى امستردام - واخذنى فى سيارتة وذهبنا الى مدينة - اسمها -امسفورد- وبالتحديد فى قرية مجاورة لها-هناك يقع -المزاد Veiling ذهبنا وكان رسم الد*** 25 ايورو للفرد دخلنا ووجدنا عالم تانى المزاد مقسم الى صالتين الاولى واسمها الحمراء خاصة بالتجار فقط والاخرى خاصة بالناس العاديين اللى جاى ياخد سيارة ويتوكل -استخدام شخصى يعنى وفعلا دخلنا احنا هذة الصالة - وطبعا فى بوفية مفتوح بالداخل تاكل وتشرب براحتك- وكنا قد ذهبنا قبل ميعاد افتتاح المزاد بوقت كافى فكان علينا ان نشاهد جيدا كل السيارات التى سوف تدخل المزاد وكنا قد قررنا انا وطارق اننا نختار مابين-فولكس واجن توران -او نيسان الميرا على ما اتذكر ودخلنا الصالة ودخلت اول سيارة طبعا كان قبلها طارق قاللى على الطريقة اللى الناس بتتبعها داخل لمزاد الزيادة تكون فى حد اقصى 100 ايورو ووقتها ترفع صباعك ولو ح تزود 50 ايورو ترفع نصف صباع - طبعا انا مابفهمش اوى فى موضوع النصف صباع دة وعلية قلت لطارق اسيبلك انت الموضوع دةونزلت فعلا اول سيارة اخترناها- وجاء عليها الدور طبعا بداء التركيز ... وقامت احدى السيدات بضرب جرس وتحدثت اخرى وقالت سعر السيارة4000 ايورو للسيارة التوران وكانت واخدة خبطة خفيفة من الجب--الصالة هس -هس ولا حد رفع صباع ولا ايد ولا حاجة خالص -بعدها بتلات عددات راحوا قالوا السيارة بقى تمنها 3900 ايورو-يعنى خصم 100 ايورو وبرضة كأن على روؤسهم الطير وقتها انا قلت لطارق حلو اوى كدة يالا نشتريها --قاللى لا ياراجل اصبر بس وسيبنى انا عارف بعمل اية-ماشى يا عم العفريت ح اسيبك.. بصراحة طلع عندة حق خاصا ان السيارة نزل سعرها الى 2650 ايورو وقتها قلت له كفاية حلو اوى كدة قاللى هو بس اخر حاجة الى جاية يشيلوا ال50 ايورو الباقية يبقى تمنها 2600 ايورو--لسة مالحقش يكمل كلمتة راح طالع واحد بنصف صباع- يعنى زودها 50 -راح عم طارق -مطلع نصف صباعة-لغاية ماوقفت 2900 وقتها طارق قاللى اية اوقف راح الرجال قايل 3000 http://www.ra7ala.com/vb/images/smilies/biggrin.gifhttp://www.ra7ala.com/vb/images/smilies/biggrin.gifhttp://www.ra7ala.com/vb/images/smilies/biggrin.gif طارت السيارة للرجل الاخر بعد ان تملك الصمت من صديقى وحبيبى طارق دخلت السيارة اللى بعدها ولم تكن من ضمن اختيارتنا واكتفيت بحديث صامت بينى وبين طارق على ماحدث !! وتقريبا الله اعلم -رفعت اصباعى او حتة منة وانا بتكلم مع طارق منما ادى ايحاء لمسئولة المزاد ان بزود على السيارة المعروضة..ولا بد ان اذهب الى المنصة لاستلام الوصل ودفع المقدمة قبل الاستلام-ياليلة مش فايتة اقنعهم شمال يمين انى كنت بتناقش مش بزايد --انسى - مافيش فايدة تقريبا السيارة دية عندهم من فترة وماصدقوا حد رفع صباعة-- طارق نظر لي هى نظرة ولقيتة انفجر من الضحكhttp://www.ra7ala.com/vb/images/smilies/biggrin.gifوقاللى مبروك ياجميل روح ادفع طيب هى تمنها كام ولا نوعها اية -فاكرين مسرحية - اموت واعرف مين اللى زقنى- هو دة اللى حصل ووجدت نفسى بدفع 250 ايورو فى سيارة ستروين موديل 93-تقريبا كانت xz كانت بتنام على الارض وهى راكنة وبتقب وهى دايرة-سيارة غريبة--واضطريت اشتريها ونصحونا اننا نمون فى خلال 10 كم--فعلا بعد ماخرجنا ذهبا للتموين وجدنا احدىالعجلات نايمة تماما-وبلغت طارق وقمنا بتغييرها وتزويدها-وتركت لطارق مهمه تركيب المسامير بعد ان انتهينا من كل شىء وتحركنا فى اتجاة امستردام بعد ان اتفقت مع طارق ان يقضى بقية اليوم معى فى امستردام على ان يعود ليلا الى -ارنهيم- وتحركنا فى اتجاة امستردام وبعد د***نا الطريق السريع وبدأت السرعة تزيد وكنت فى الحارة الوسطى بسرعة لا تتجاوز 100 كم__وفجأة............ يتبع <!-- / message --><!-- attachments --> |
| الساعة الآن 07:18 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017