|
رد: رأى فى الساجا واللوجان وطلب نصيحه
1 مرفق
السلام عليكم
انت مالك يارينو بتعمل كده ليه ؟ انت من التوكيل ولا ايه ؟ ولا من المغرب ؟ ممكن هى دى المدينه الى مفيهاش ساجا والتوكيل مش انا الى بقول زفت لا ياسيدى الناس كلها http://www.masrmotors.com/vb/showthread.php?t=43709 دول ايه واحد عنده مشكله فى صوت الموتور بص انت قايل ايه http://www.masrmotors.com/vb/showthread.php?t=45732 طبعا اى كلام خد دى كمان واحد بيشتكى من عيوب غريبه http://www.masrmotors.com/vb/showthread.php?t=43832 الربط ده يرد على موضوع التوكيل وجوده السيارة الفرنسيه فما بالك بالرومانى قلبا وفرنسى تصميما حاجه كمان اللوجان داتشيا والسانديرو داتشيا علل لماذا تباع فى فرانسا بأسم داتشيا لوجان او داتشيا (اتفرج ) http://translate.google.com.eg/trans...iled-in-paris/ اى عيب فى اللوجان حتى اصوات اى حاجه المهم الرد انها حلوة وخلاص http://www.masrmotors.com/vb/showthread.php?t=44120 لاحظ ان الداتشيا لوجان بعد كل ده عربيه كويسه واحسن من الانوس والاستاذ الى بيقول ان العربيه سعرها الحقيقى يساوى 80 الف جنيه لا يا استاذ انت بالفعل مخدوع فى الكلام ده اطلب من حد فى الجمارك يبلغك الداتشيا بتدخل مصر بكام هههههههه نرجع للاخ رينو العربيه البروتون قوة ثبات امان صناعه فى منتهى الجوده وانا راجل صريح جدا وقلت على عيوب العربيه بمنتهى الصراحة وانا شايف انى دافع فلوس قلليله جدا على عربية تستاهل اكتر من كده انما حضرتك بتتكلم عن بى ام او مرسيدس انت راكب عربيه رومانى فرنساوى والاخر صناعه مغربى اتفرج يا رينو على الصناعه الى يضرب بها المثل (شكرا يا بروتون شكرا ياعز العرب عز العرب مبيقولش انها بتمشى على الحيط انما لو حب يقول بتدخل الصحراء تصدق (واحد من احسن الوكلاء فى مصر ) http://www.youtube.com/watch?v=-wCV3f6DNOU البروتون عربية |
رد: رأى فى الساجا واللوجان وطلب نصيحه
السلام عليكم
أولا .... أشكرك فعلا على كلمة أنى من التوكيل ،،، فعلا كلمة خلتنى أعرف ان أنا غلطان أنى حاولت أدافع عن عربية مظلومة فى القسم دا ...... و فى الآخر طلعت من التوكيل و طلعت كمان مغربى ..... شكرا أخ صلاح نيجى بقى للمهم ...... نفسى أعرف حضرتك ليه معتبر كل الناس اللى بتقول التوكيل كويس ( عن تجربة شخصية ) كدابين و من التوكيل عيب صوت المتور : أنا قولت حاجة حرام ...... الكفر دا يا باشا موجود فى بعض سيارات المرسيدس و البى أم يعنى مش شتيمة و الله و موضوع أن اللوجان رينو دا وجع قلبى بصراحة لأنى جبت صور و لينكات لمواقع رسمية حتى موقع داسيا نفسه بيقول رينو لوجان لكن حضرتك مكدب داسيا برضو ............ مفيش فايدة و حضرتك مش راضى تصدق و الأستاذ اللى بيقول أن اللوجان ب80000 .... كلامه مظبوط لأن اللوجان قبل أتفاقية أغادير كانت ب 75000 جنيه ........... كلام متفق عليه نيجى بقى لللينكات اللى حضرتك حاططها ............. دى يا برنس أعطال ممكن تحصل فى اى عربية حتى لو مرسيدس ...... مش مصدق طبعا لأنى كداب كالعادة ....... http://www.masrmotors.com/vb/showthread.php?t=40929 الراجل بيقول عن تجربة شخصية : العربية دى سيئة جدا هل معنى كدا أن كل الساجا سيئة جدا ؟؟؟؟؟؟ لا طبعا ..... دى أعطال بتتفاوت من سيارة لأخرى دا موضوع تانى http://www.masrmotors.com/vb/showthread.php?t=38550 دا غير بعض المشاكل زى صوت طقطقة أو اى أصوات غريبة دى بتبقى مشاكل عارضة يعنى مش مزمنة و بتتحل فى التوكيل و بعدين قولنا 10000000000000000000 مرةصوت متور اللوجان بيهدى بعد التليين وكمان عزل العربية ممتاز و من جوه مش هتسمع حاجة نهائى .......... و مش أنا بس اللى بقول اللوجان حلوة ........... العالم كله بيقول كدا ( العالم كله ) الساجا ممتازة و قولنا برضو أن الخامات بلاستيك رخيص و خامات اللوجان أفضل اقتباس:
أكتر جملة ضحكتنى بصراحة تنفع تبقى نكتة و شكرا تانى مرة لإتهامى أن من التوكيل ................... و أوعدك يا عم كل ما حد يسأل عن اللوجان أقوله عربية زبالة و معفنة عشان أرضى حضرتك سلام بقى عشان أروح ألحق شغلى اللى فى توكيل رينو |
رد: رأى فى الساجا واللوجان وطلب نصيحه
انا هنا يا رينو باشا بس انت عارف بقي اخر السنة وتقفيل الشغل - عموما والله العظيم (وانا عمري محلفت علي اي منتدي لان الموضوع مش مستاهل) انا مليش اي علاقة بالتوكيل ولا بغيره لا الاخ صلاح يفتكر ان انا من التوكيل برضة ووالله انا كمان مش مغربي والله مصري انا مدير مبيعات في الاسكندرية المهم يا عمنا صلاح الكلام اللي احنا بنكتبة هنا ملوش الا غرض واحد ان احنا نفيد واحد عايز يعرف معلومة لان احنا كمان في الاول كنا محتارين لغاية ما ربنا هدانا للي احنا شايفينة احسن احنا مبنحقرش من اي عربيه بس كل اللي بنكتبة وجهة نظر اما تقبلها او ترفضها انت حر واللينكات اللي انت حطتها بتشكر في العربيه مش بتعيب فيها؟؟؟؟؟؟ وبالنسبة لصوت الماتور ما البي ام صوت ماتورو عالي انا مش فاهم انت عاملها مشكلة ليه - طيب انا عندي لانسر 2008 غير اللوجان صوت ماتورها اعلي من اللوجان تصدق بقي يعني صوت ماتور اللوجان مش 128 ولا هو دبابة وعلي فكره معني ان فية ناس تشتكي من صوت الماتور معني كده انهم نازلين من عربيات نضيفة ودا شيئ يسعدنا ميعبش العربيه وبعدين بعد قراءة الموضوع محدش عاب في الساجا ولا حاجة انت راكب عربية زي الفل من وجهة نظرك ربنا يباركلك فيها
ووالله لسة واخد بالي دلوقت ان انا بكتب في موقع البروتون مش تقول كده يا عم رينو يلا بينا يا عم من هنا قوم بينا نمشي علي بيتنا يا صلاح باشا دي الساجا دي حكاية لوجان اية وبتاع ايه هي دي عربيه يا راجل دي بتعوم وبتمشي علي الحيط صرصار دا يا خويا ولا اية؟؟ يا عم خليك فريش احنا في رحلة خلاص يا عم رينو اللوجان وحشة اوكي نهاركو عسل |
رد: رأى فى الساجا واللوجان وطلب نصيحه
على فكرة حكاية أوروبى و أسيوى مش هية المشكلة
طب ما البونتو بتتجمع فى صربيا و الفيرنا بتتجمع فى مصر مش المهم بلد المنشأ قد ما هو مهم الرقابة على جودة العربية فى بلد التجميع (طب ما البى إم دابليو منها موديلات بتتجمع فى مصر) و لولا إختلاف الأذواق لبارت السلع يا جماعة اللوجان (لو حتى بتتجمع فى مدغشقر) طالما عجبت ناس يبقى أكيد فيها حاجات حلوة و الساجا (حتى لو بتتجمع فى الصومال) طالما عجبت ناس يبقى أكيد فيها حاجات حلوة المهم إننا ما نزعلش الناس الحلوة:GROWIN~12: |
رد: رأى فى الساجا واللوجان وطلب نصيحه
اقتباس:
بس زى ما بيقولوا أن الشئ إذا زاد عن حده ينقلب ضده ............ اللى حصل أن أستاذ صلاح مش طايق كلمة على الساجا رغم أن أحنا مغلطناش فى الساجا كل اللى أتقال كان وجهات نظر بس آخر حاجة كنت أتوقعها بصراحة انى أطلع من التوكيل ،،،،،،،،، و المهم أن أنا فى نهاية كل مشاركة أكتب الآتى : " العربيتيتن ممتازين و زى الفل و اللى يستريحلها المستهلك مبروكة عليه " و بعدين الإتهام التانى : أن اى حد يشكى من العربية نضحك عليه و نقوله العربية حلوة ،،،،،،،،، أحنا بنقول العربية حلوة بس مش بنضحك ع الناس ...... و أنتشار اللوجان خير دليل ..... هل كل الناس اللى أشتروا لوجان أضحك عليهم ؟؟؟؟؟!!!!!!!!!!! و يبدو أن أستاذ صلاح افتكر أن أحنا أعداء للبروتون .......... و الله العظيم محصلش أنا عندى فى الجهاز اكتر من 100 صورة و فيديو عن سيارات البروتون و خاصة GEN 2 فى النهاية :::::::::::: أنا مش هدافع عن اللوجان تانى و مش هحاول اصلح معلومة خاطئة فى قسم البروتون تانى لأنى فى الآخر هطلع مغربى ( أو رومانى ) و كمان شغال فى التوكيل .................. شكرا زميلى العزيز akerima و يلا بينا يا عم ع البيت ،،،،،،،، قسم الرينو مش هيطلعنا من التوكيل شكرا للأخ صلاح |
رد: رأى فى الساجا واللوجان وطلب نصيحه
اقتباس:
إختلاف الراى لا يفسد للود قضية .................... |
رد: رأى فى الساجا واللوجان وطلب نصيحه
الساجا واللوجان عربيات المستفبل
|
| الساعة الآن 07:16 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017