مصر موتورز مجتمع السيارات - السيارات الصيني. . . .لمـــاذا

احب اشكر فى البداية الاستاذ مصطفى على طرح الموضوع المهم ده الذى اختلف فيه كل المجتمع المصرى والعالمى ايضا

ثانيا ارجو عند المقارنة بالسيارت الصينية واى سيارة اخرى المقارنة على المستوى الفئة السعرية فى السوق المصرى بمعنى حقارن الاسبيرانزا A516 بالفيرنا والانوس مش الالنترا او السيراتو كمثال

بالنسبة للصحافة المتخصصة فى مجال السيارات عادتها كعادة اى مجال فى مصر يسيطر عليه البيزنس والمعارف والتظبيط وده امر طبيعى لان سوق السيارات المصرى نسئول عنه افراد تعد بالاصابع وفى ظل الاحتكار الاعمى لسوق السيارت المصرى دى النتيجة الطبيعة (معاناة الستهلك )

وفى نغمة اخرى منتشرة فى السوق المصرى الامان الامان الامان فى العربيات

اى عوامل امان تشمل عدة نقاطت

السيارة (تشمل تدعيم الكابينة بفولاذ لامتصاص الصدمة ومنعها من الدخول للكابينة -تصميم السيارة من الامام خصوصا يجعلها تمتص الصدمة بصور جيدة وتوزع الطاقة للتقليل من اثارها على القفص-وجود الايرباج ال2 الاماميتين والجوانب وللاقدام-ABS+EBD- تصميم الموتور فى حالة التصادم بطريقة لتلقى الصدمة والسقوط لمنع تاثيره على الكابينة - وده مقتطفة عن اهم عوامل الامان البسيطة )
فى مصر هاتولى عربية فى نص عوامل الامان دى اقل من 160 الف جم يعنى عوامل الامان فى مصر للاغنياء فقط وليست لعامة الشعب )

الطريق ( وحدث ولا حرج عن الطرق المصرية والناس فى اوربا لما بيعملوا اختبارات السلامة لان الطرق محترمة ومؤمنة بالكامل ولكن فى مصر لايوجد طريق محترم فى مصر بكاملها الاالعين السخن والاسكندرية فقط لاغير )

المرور(ويشمل تطبيق القانون الفعلى فى ارض الواقع وعلى كل فئات الناس بدوت تمييز وبدون تحيز لفرد او لهيئة معينة يعنى الناس سواسية وطبعا انا مش حعلق على النقطة دى ايه ياترى

طوارئ الطرق( باعتقد ان اللفظ ده مش مستخدم بقوة فى مصر يعنى عربيتك لا قدر الله عملت حادثة فى اى مكان تتشال بسرعى من الطريق عشان تعطيل السير المرورى واذا كانت الحادثة قوية وتحتاج بعض الوقت يتم عمل خطة للتسيير المرورى وانت عارفين لما يبقى فى حادثة لولا الاهالى كان حصل ايه)

الاسعاف (واللى غير مجهز باى شئ ولا باشخاص قادرة على التعامل مع الحالات الطارئة الفعلية وحتى لو تعامل ماهو حيروح مستشفى عام وحيلاقى الموت مستنيه مافيش ادوات ولا ادوية ولا اى شئ مستعد وبرغم من ان اطباء مصر من اكفئ اطباء العالم الا ان المنظومة الطبية فى مصر كفيلة بالقضاء على الموهبة المتميزة)

فبرجاء عند الحديث عن السيارات الصينية كانها فئة اقل من المقارنة لها من كورى او المانى او يابانى الاخذ فى الاعتبار سعرها ولنكن منصفين فى المقارنة واى عربية تحت ال100 الف لبست فى اى حاجة فوق 100 كم انت عارفين شكلها حيبقى ازاى وابسط تذكير شكل السيارة الاكثر انتشارا فى مصر الفيرنا

ويجب الوضع فى الاعتبار ولنتذكر سويا ان السيارت الصينى المستقبل لها وخصوصا ان الكورى بدأ (او وكلاءه) بدؤا فى وضعه فى فئة اعلى من من فئته بمعنى ان الالنترا وانا كاحد ملاكها الهاى لاين ب118 الف وفى ارئ الرقم مبالغ فيه ولنتذكر كلنا الكورى اول مادخل مصر وكانت الانوس وكل الناس بتقول دى عربيات بلاستيك ومين اللى حيشترى كورى والكلام ده ودلواتى الكورى تربع على عرش السوق المصرى بانفراد

واهم عنصر نجاح اى عربية فى مصر انتشارها اه بس لا جودة ولااى شئ لان انتشار العربية يعنى توفر قطع الغيار وسهولة الصيانة خارج التوكيل (لان ثقافة التوكيل جديدة على السوق المصرية وبينفذوها الولكلاء بصور خاطئة تماما) يعنى الاسبيرانزا a515 g, لو باعت كتير زى الفيرنا كان زمان الناس كلها جايبنها والناس طايرين بيها

ونحن نتحدث دائما عن السيارت الصينية انها الوحيدة اللى بها عيوب يعنى الانوس مافيهاش والفيرنا خالية من العيوب وحتى عربيتى الالنترا فيها عيوب بلاادنى شك الكمال لله وحده يعنى كله فى الاخر فيه عيوب بس عيوب الفيرنا والانوس بتتدارى بسبب انتشارها وسهولة صيانتها فزى ماقلت فى الاول الانتشار هو كلمة السر فى السوق المصرى وكمان ثقافة الشراء بالتابعية انا اشتريت العربية اكس انت حتسالنى حقولك اه حلوة والتانى والثالث وهكذا

فبرجاء عدم التجنى على السيارت الصينية لانها مثلها كمثل باقى السيارت