|
رد: السيارات الجديده في مصر
اقتباس:
اما الصني فهي عربيه ممتازه بس جيب السوبر صالون عشان العفشه بتاعت السوبر صالون رياضيه و كمان العربيه نفسها في اوبشنز اكتر من ال e x saloon و السوبر صالون ب 106000 جنيه اما الياريس 1300 سي سي و العربيه تقيله اصلا فهيبقي العزم زفت و كمان السحب هيبقي زفت في الاوتوماتيك بتاعها و كمان شكلها مش حلو و زوايا السواقه بتاعتها صعبه ( سوقت الياريس و هي بتاعت واحد صديقي عشان تعرف ان الكلام ده عن تجربه ) و كمان الدهان بتاعها مش حلو اوي و بيقشر بسرعه بلاش منها واللي عايز يشتري تويوتا يجيب الكورولا ( عربيه خرافه ) يبقي افضل اختيار هي الصني بس في حاجات تانيه كتير فانا عايز اعرف ميزانيتك كام ( مش تطفل والله ) عشان اقولك تجيب ايه بس لو مقتنع بالصني توكل علي الله و لاتنسي صلاه الاستخاره و ارجو ان اكون قد افدتك بالنسبه لموضوع السفر العربيات بتتهلك في السفر و المشي الكتير فنصيحه لله من اخوك الصغير ( عندي 23 سنه و ادعيلي بالتوفيق ) اجر عربيه بسواق محترف و ريح بالك ( انا عن نفسي بركب السوبر جيت و بسافر مع بهوات والله مع اني عندي فيرنا و ممكن اجيب سواق يوديني و يجيبني بس بحافظ علي العربيه و مسافرش بيها ) ده نصيحه فقط سلااااااااااااااااااااااا اااام |
رد: السيارات الجديده في مصر
اقتباس:
اما الصني فهي عربيه ممتازه بس جيب السوبر صالون عشان العفشه بتاعت السوبر صالون رياضيه و كمان العربيه نفسها في اوبشنز اكتر من ال e x saloon و السوبر صالون ب 106000 جنيه اما الياريس 1300 سي سي و العربيه تقيله اصلا فهيبقي العزم زفت و كمان السحب هيبقي زفت في الاوتوماتيك بتاعها و كمان شكلها مش حلو و زوايا السواقه بتاعتها صعبه ( سوقت الياريس و هي بتاعت واحد صديقي عشان تعرف ان الكلام ده عن تجربه ) و كمان الدهان بتاعها مش حلو اوي و بيقشر بسرعه بلاش منها واللي عايز يشتري تويوتا يجيب الكورولا ( عربيه خرافه ) يبقي افضل اختيار هي الصني بس في حاجات تانيه كتير فانا عايز اعرف ميزانيتك كام ( مش تطفل والله ) عشان اقولك تجيب ايه بس لو مقتنع بالصني توكل علي الله و لاتنسي صلاه الاستخاره و ارجو ان اكون قد افدتك بالنسبه لموضوع السفر العربيات بتتهلك في السفر و المشي الكتير فنصيحه لله من اخوك الصغير ( عندي 23 سنه و ادعيلي بالتوفيق ) اجر عربيه بسواق محترف و ريح بالك ( انا عن نفسي بركب السوبر جيت و بسافر مع بهوات والله مع اني عندي فيرنا و ممكن اجيب سواق يوديني و يجيبني بس بحافظ علي العربيه و مسافرش بيها ) ده نصيحه فقط سلااااااااااااااااااااااا اااام |
رد: السيارات الجديده في مصر
بقول ايه ايه رايكوا في العربيات الصيني في راي بيقول انها تقفيل صيني بس يعني المحتويات لا و الله اعلم
|
رد: السيارات الجديده في مصر
اقتباس:
بص العربيات الصيني ( تكنولوجيا ياباني - خامات صيني و هي دي الكارثه الحقيقيه - تجميع مصري و دي فحد ذاتها مش مصيبه كبيره يعني ممكن تتلم باذن الله ) فابعد عن الصيني كل اللي اعرفهم و جابو صيني قعدوا يعيطو جنبها ( تكييف بايظ دواسه البنزين بتقطع الكوبلن اتكسر لوحده مش عارف ايه ده؟؟؟؟؟ ) فابعد عن اي حاجه صيني حتي لو فلاشر للعربيه |
رد: السيارات الجديده في مصر
]انا سمعت ان العربيات الرينو فيبر مش صاج هل ده صحيح ؟ و بالنسبالي انا مشاويري مش بعيده بس ممكن اسافر احيانا و المشكله ان الفلوس حدودي برده لحد السبعين و ده كمان علي اساس اني هادفع الفلوس اللي معايا مقدم و اقسط الباقي علي سنتين فا ياريت فعلا ترشحلي العربيه المناسبه انا ملاحظه ان دايما بترشع الهيونداي i10 اكتر مع ان الماتور 1100 cc اسمع برده ان التكييف بيكون ضعيف و في خلال سنتين من الاستعمال التكييف هايكون مالوش لازمه خالص و يعتبر ده عبها الكبير عشان كده لما فكرت لقيت ان الرينو الهاتش باك هي اقرب حاجه لاحتياجاتي من حيث الشكل و المساحه و قوه الماتور بس لو طلعت فيبر فعلا تبقي مقلب كبير اوي فا ياريت تفيدوني في الموضوع و ربنا يقدم اللي فيه الخير
|
رد: السيارات الجديده في مصر
انا بعمل بحث و لقيت في عربيه اسمها فيات باليو بنفس الاسعار اللي اقل من سبعين 1500 cc و فيات سيينا 1500 برده و فول اوبشن 66500 ج
|
رد: السيارات الجديده في مصر
انا بسال عن مقارنة بين السيراتو و كروز ولا في عربية فينفس الفئة السعرية افضل؟ (125000) وشكرا
|
| الساعة الآن 03:03 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017