مصر موتورز مجتمع السيارات - PEUGEOT 504 اسم من ذهب

مصر موتورز مجتمع السيارات (https://www.masrmotors.com/vb/index.php)

- بيجو PEUGEOT (https://www.masrmotors.com/vb/forumdisplay.php?f=17)

- - PEUGEOT 504 اسم من ذهب (https://www.masrmotors.com/vb/showthread.php?t=13434)

رد: PEUGEOT 504 اسم من ذهب

[QUOTE=hossam6615;253283]السلام عليكم انا كان نفسي اركب بيج 504 مع إني ركبت الكورلا والنيسان والفيتارا والشيفورلية الجيب وسيارات كتير جدا وبالفعل اشتريت سيارة504 من 4 شهر مو81 فول اوبشن (تكييف -باور-سنتر لوك تزجاج كهرباء-2وحدة رفع-4جنوط سبور -تيوبلس)المشكلة ان صاحب السيارة قال لي إنها SRوبعد قرأتي لهذا المقال الجميل حدث عندي لخبطة لأن السيارة بتلعتي علي دفرانسيل مش كبالن خلفية ! لوسمحتم ياجماعة ايه الطريقة إللي أعرف بيها إذا كانت SR-ولاGL مع العلم ان مافيش جرايد نيكل علي جوانب السيارة وشكرا[/QUO

لا هي ممكن تكونgrمشsrلانgr هي ال على دفرنسي اما ال gl فهي بكبالن ايضا وياريت لو تعرفنا السعر وحالة العربيه من الداخل والحاله العامه ويستحسن لو كام صورة تبقى خدمتنا جامد لاني مستني شوية امور كده وهدور على واحده وعايز اعرف الرينج المظبوط مع الحاله

رد: PEUGEOT 504 اسم من ذهب

اقتباس:

المشاركة الأصلية كتبت بواسطة mercedes (المشاركة 258881)

السلام عليكم و رحمة الله و بركاته

أنا كان عندى معلومة فى الموضوع ده ان والدى -الله يرحمه- قالهالى من زمان أيام ماكان بيعلمنى السواقة على عربيتنا البيجو ال505 و عشان يحدرنى من السرعة , قاللى أن وزن العربية عالطريق عند سرعة 180 كم/س بيبقى صفر و كمان أعتقد أنه هو قاللى أن الطيارة عشان تعمل Take off بتجرى على ال Runway لحد مايبقى سرعتها 180كم/س و هنا بيبقى وزنها على الRunway صفر و يبدأ الTake off , ممكن تكون الداكرة خانتنى لأن الكلام ده عدى عليه وقت طويييييييييييييل و لو فكرنا فى الموضوع من الناحية العلمية هنلاقى أن وزن السيارة عبارة عن القوة اللى بتمثلها كتلة السيارة على الأرض و أعتقد -و اعدرونى لو معلوماتى مش دقيقة- أن عند تحرك السيارة , الوزن ده اللى هو قوة بينقسم الى جزئين فى اتجاهين متعامدين على بعض الاتجاه الأول العمودى على الأرض الى أسفل و الاتجاه التانى الموازى للأرض فى اتجاه جركة الجسم اللى هو عندنا هنا السيارة و لأن القوة زى ماحنا شايفين انقسمت نصين فبالتالى الجزء اللى ضاغط على الأرض أصبح أقل من لو كانت السيارة ساكنة يعنى واقفة مابتتحركش , أنا آسف لأن كلامى مش دقيق لأن أنا طبيب مش مهندس و آخر مرة أشوف فيها الفيزياء و الميكانيكا كانت فى شهر 7 - 1994 , بتاريخ حصولى على الثانوية العامة , بس المعلومات الميكانيكية و الفيزيائية , انا كنت باخدها من والدى -الله يرحمه- كأمر مسلم بيه لأنه كان أستاد دكتور فى كليه الهندسة .

MERCEDES S550

جزاك الله خيرا يا دكتور ... و رحم والدك
هو الموضوع ببساطه شديده اننا بنخلط بين الوزن و الكتله
الكتله تعتبر مقدار ثابت للماده ... كيلو بطاطس .. طن حديد .. عربيه 1200 كجم .. وكده
لكن الوزن فهو حاصل ضرب الكتله × معامل الجاذبيه .. و بالتالي وزن عربيه على القمر غير وزنها على الارض
وعربيه ثابته في مكانها غير عربيه بتجري على سرعه 60 غير نفس العربيه على سرعه 120 ... وهكذا
علشان كده ساعات يقولك العربيه ثباتها بيقل على السرعات او بتنط مع المطبات ...
لأن وزنها قل ... وبالتالي قوه الضغط السفليه قلت وسهل تنط في الهوا بسبب مطب
الخلاصه ان الكتله ثابته و الوزن متغير (نسبي)
http://www.youtube.com/watch?v=QdnRY...eature=related

والف شكر على مداخلتك و اجتهادك

رد: PEUGEOT 504 اسم من ذهب

اخى الفاضل /
اولا : شكرا على التقريق الرائع لسيارة الشعب الاولى البيجو ال 504
ثانيا : هناك بعض الملاحظات
من 1969 الى 1973 كان البيجو ال 404 ومنه الصالون والاستيشن وهو
الموديل ذو الاجناب المستقيمه
منذ 1974 اول ظهور ال 504 ال L الاكره زرار وهو الموديل ذو الاجناب
المنبعجه كما يتضح من الصور التى اوضحتموها
ودامت السياره محتفظه بشكلها هذا الخارجى ولكن مع بعض التعديلات الداخليه
كما فى ال GL ثم ال GR ثم ال SR الى ان جاءت ال 505 بشكلها الجديد

رد: PEUGEOT 504 اسم من ذهب

عربية ملوكى فعلا ........ شكرا لك على التقرير الجامد

رد: PEUGEOT 504 اسم من ذهب

يا جدعان ال504 اصلا موتور طياره واول ما اخترعو الموتور ده بس كان علي كبير طبعا وفعلا حطوه في الطياره وبعد التجربه لقو الطياره بترتفع حاجه بسيطه عن الارض وكان ايامها مفيش امكانيات ولا فلوس عشان يعملو الموتور ده للطياره عشان كدا قلبوه لعربيه ولو لاحظتم في اي عربيه504 هتلاقو الموتور بتاعها مايل للخلف هتسالني ليه ؟هقولك لان لو موتور ال504 اتعدل العربيه هتطير من ع الارض وانا من عشاق ال504 السياره رقم واحد في العالم مهما اخترعو ومهما عملو عربيات هي ال504 وبس

رد: PEUGEOT 504 اسم من ذهب

ال504 برده 504 و هتفضل ملكه العربيات و لو عضم في قفه و ال505 مع احترامي الشديد ليها فيها عيب في العفشه خطير مش موجود في ال504 و هو مع كثر اخد الملفات بسرعه عاليه محوريه الكويتش الامامي بتضعف فبلاقي العربيه ممكن تقطم بمعني ان كويتش بيحود و التاني لا و دي انا عصرتها في 6 عربيات بتاعت ناس معرفه

رد: PEUGEOT 504 اسم من ذهب

خسارة انى ملحقتش اجيبها جديدة فى وقتها او مستعملة لانى مالقتش حاجة نضيفة عشان كدة قلت اتمسح فى ترابها فأشتريت 405 مو 2004 بس لقيتها حكاية فعلا وندمت انى ماعرفتش اجيب 504 بس عوضنى عنها ال405 عربية تقيلة على الطريق وموتورها قوى جدا وناعم وصالونها مريح جدا وقطع غيارها ببلاش فعلا ماركة حكايتها كبيرة