|
رد: تجرربتى مع مركز المتحدة وصيانة ال50 الف كم هاااااااام جدااااااااا
بشمهندس ياسر انا بردوا عشان احاول اوصل لحضرتك انه فعلا حد زى استاذ محمد تيسير مثلا كان فى نفس اليوم وكمان بالتحديد بيعمل نفس الصيانة اللى هى الكاتينة وقام بطلب بعض الصيانات الاخرى وتم حسابه عليها العادى يعنى . المهم نزلت امر الشغل بتاعه بس طبعا بعد اما استأذنته على كدة .... ولكن معلش سامحنى انا عملت تعديل وشيلت الصورة بتاعة امر الشغل تانى ومش عارف ليه بصراحة بس انا حسيت انى كدة اوفر بصراحة فى الشفافية باختصار حسيت ان الموضوع مش مستاهل .
وعموما انا ممكن اعمل كدة تانى وانزل امر الشغل بتاع استاذ محمد تيسير فى حالة واحدة بس. لو كان سوء التفاهم اللى بينا هيتحصر فى حاجة واحدة بس انه الصيانة ال 200 ج بتكون شاملة اى حاجة هتتعمل فى العربية غير تغير الكاتينة والبوجيهات والفلاتر وغسيل المحرك ومراجعة السيارة على الجهاز ... وفى انتظار انشاء الله انك ترد تقولى بعد كلامى ده كله ... ايه اللى يرضيك عشان اريحك ... مازلت مهتم بازالة سوء التفاهم معاك وتغير الوضع للتفاهم والمصالحة اذا كان الموضوع يستدعى ذلك |
رد: تجرربتى مع مركز المتحدة وصيانة ال50 الف كم هاااااااام جدااااااااا
عزيزى الاستاذ محمود حسين
انا قريت كل كلمة انت كتبتها وبجد عينى وجعتنى من كتر القراءة مبالك انت بقا اللى تعبت وكتبت كل دة وبجد انت وضحتلى حاجات كتير وكل دة ان دل فانما يدل على انك بجد شخص محرم بيخاف على سمعتة وسمعة شغلة ومكانة المحترم انا بصراحة ردك الطويل دة وضحلى كل التفاصيل اللى كنت عايز اعرفها واللى للاسف ما لقتش حد يقولهولى فى المركز لكن على العموم حصل خير ومهما كان الموضوع ولا حتى المبلغ اللى اتدفع فى الصيانة فكل دة مش مهم اللى بجد اسعدنى انى اتعرفت عليك ودة بعد اللى شوفتة منك بجد يشرفنى معرفتك لانك انسان محترم وانا بالنسبة لى مش من الناس اللى بتقبل العوض يعنى عمرى ما هاقولك ادفعلى فلوس الصيانة ولا حتى الفرق بتاع ال100 جنية فرق المصنعيات الموضوع مش فلوس خاااااااااالص انا الحمد لله مش محتاج دة هى كل الفكرة انى دفعت مبلغ كبير وكنت حاسس انة كتير على اللى انا عملتة وما لقتش حد يفسرلى دة لكن بعد ردك كلة بقا تمام بالنسبة للاشخاص بقا انا عمرى ما كان طبعى انى اغلط اة اشتم او حتى اتعدى باللفظ على اى حد بجد ويمكن بس طريقتى فى الاول كانت شوية شديدة اللهجة ودة بصراحة نتيجة اللى حصل معايا بس مش اكتر . وفى النهاية يا سيدى الفاضل اعتبر الموضوع خلص وانا مش زعلان خالص واسف لو كنت ارقتك فى الفترة اللى فاتت او سهرتك مطبق فى الشغل او تعبتلك نفسيتك عمرى ما كنت اقصد دة كل الفكرة انى كنت عايز اوصل تجربتى للناس بكل سلباتها وايجابياتها لتداول الخبرات مش اكتر والدليل على دة ان موضوعى من الاول كان فى ثناء وشكر على الشغل وعلى حاجات كتير فى المركز عندكم دة طبعا بالاضافة الى السلبيات اللى انا شفتها من وجهة نظرى انا . وفى النهاية اصبح الامر متضح امام كل الناس بالتفصيل الممل وبالاسعار وبكل شىء واللى عايز يروح المتحدة هيروح واللى شايف انها غالية علية ادية عرف واخد خبرة غيرة بدون ما يتعب او يبذل اى جهد او مال لمجرد انة يجرب مكان جديد بالنسبة لة . وشكرا يا محمود بية لسعة صدرك وزوقك فى الكلام وادبك بجد انت راجل محترم ويسعدنى معرفتك |
رد: تجرربتى مع مركز المتحدة وصيانة ال50 الف كم هاااااااام جدااااااااا
الحمد لله يا جماعة الموضوع خلص على خير والكل مش زعلان وعلى فكرة فى نقطة انا نسيت اقولها انا اللى حاسبت على الشاى :)
|
رد: تجرربتى مع مركز المتحدة وصيانة ال50 الف كم هاااااااام جدااااااااا
عاوز عنوان ومكان المركز بالتفصيل الممل لأن جارى معاه اسبرانزا 516 وعاوز يصلحها :fun_36_3_9[1]:
|
رد: تجرربتى مع مركز المتحدة وصيانة ال50 الف كم هاااااااام جدااااااااا
بسم الله الرحمن الرحيم
والله مش قادر اوصف سعادتى بانه والحمد لله تم ازالة اسباب سوء التفاهم معاك يابشمهندس ياسر .... وانه الصورة وضحت لحضرتك ...... وطبعا بشكر كل من ساهم بالمشاركة فى الموضوع وخصوصا الاستاذ محمد تيسير واناالحقيقة كان لى تعليق اخير على الموضوع عشان بس انه اضمن ما يحصلش اى سوء تفاهم مع البشمهندس ياسرتانى واللى والله بعتبره حاليا اخ وصديق اعتز بصداقته لو هيقبل ده طبعا ..... وسيحتوى تعليقى ايضا على طلب صغير لو هينفع من ادارة المنتدى واللى انا متأكد انه ما يترددوش على اى حاجة فيها خير ... بس انا الحقيقة مشغول جدا دلوقتى ومش هاعرف اكتب التعليق ده دلوقتى النهاردة الاحد وانا فى البيت والاختين الحلوين رحمة وايمان بناتى مش سايبنى فى حالى وبالعافية عرفت اكتب الكلمتين دول ..... شكرا لحضراتكم جميعا |
رد: تجرربتى مع مركز المتحدة وصيانة ال50 الف كم هاااااااام جدااااااااا
اقتباس:
|
رد: تجرربتى مع مركز المتحدة وصيانة ال50 الف كم هاااااااام جدااااااااا
الحمد لله
تم التفاهم وازاله اسباب الخلاف لكني مصمم ان المتحده محتاجين يراجعوا اسعار الصيانه وقطع الغيار |
| الساعة الآن 05:06 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017