رد: فين حقوق المستهلك فى الدستور الجديد
 

تانى علشان الناس اللى بتعاملنا على اننا مبنفهمش


مادة الدستور المسلوق



المادة (16)‬
‫يهدف االقتصاد الوطنى إلى تحقيق التنمية المطردة الشاملة، ورفع مستوى‬
‫المعيشة وتحقيق الرفاه، والقضاء على الفقر والبطالة، وزيادة فرص العمل واإلنتاج‬ ‫والدخل القومى.‬
‫و((تعمل خطة التنمية)) على إقامة العدالة االجتماعية والتكافل، وضمان عدالة‬
‫التوزيع، و((حماية حقوق المستهلك))، والمحافظة على حقوق العاملين، والمشاركة بين‬ ر‫أس المال والعمل فى تحمل تكاليف التنمية، واالقتسام العادل لعوائدها.‬‬ ‫ويجب ربط األجر باإلنتاج، وتقريب الفوارق بين الدخول، وضمان حد أدنى‬‫لألجور والمعاشات يكفل حياة كريمة لكل مواطن، وحد أقصى فى أجهزة الدولة لا‫يستثنى منه إلا بناء على قانون.‬


ده اللى يستمى ديباجة وكلام حشو ولا ليه اى لازمة سمك لبن تمر هندى

معناه ان الاقتصاد الوطنى يهدف يعنى ايه يهدف وازى يعنى وايه الاليات وفين النص على ضرورة سن قوانين مفيش

طيب فين المسئولية على الاقتصاد الوطنى ؟؟؟ وده نجيبة منين

وايه هى خطة التنمية ديه ومين بيحطها ؟؟؟ وليه الدستور ميلزمش اللى بيحطها مباشرة ؟؟؟ محدش فاهم حاجة

انت بعينك وعقلك شايف قوانين الدستور ديه ديبجات زى اللى الدستور المسلوق !!!


دستور أسبانيا الماده 51
(تضمن السلطات العامه الاسبانيه حمايه حقوق المستهلكين والمستخدمين، وتقوم من خلال تدابير فعاله، بحمايه سلامتهم وصحتهم ومصالحهم الماليه المشروعه.)

دستور دولة سويسرا الاتحادية -الماده 97
(يلتزم الاتحاد باتخاذ كافة التدابير لحماية المستهلكين كما يلتزم باصدار تشريعات من شأنها توفير وسائل الإنصاف القانونيه للمنظمات الاهليه المعنيه بحمايه المستهلك)

دستور دولة تركيا - مادة 171 ( بصيغتها المعدلة فى 23 يوليو 1995 )
(يجب على الدولة أن تتخذ التدابير تماشيا مع المصالح الوطنية والاقتصادية ، وتشجيع تنمية التعاونيات، والتى ينبغى أن تهدف فى المقام الاول إلى زيادة الانتاج وحماية المستهلكين .)

دستور دولة كينا - مادة 46 تنص على تأكيد حقوق المستهلك الثمانية ودور البرلمان في سن التشريعات التى توفر للمستهلك حماية شاملة ودعاية عادلة وصادقة ولائقة أخلاقيا .

46. (1) Consumers have the right—
(a) to goods and services of reasonable quality;
(b) to the information necessary for them to gain full
benefit from goods and services;

(c) to the protection of their health, safety, and economic
interests; and
(d) to compensation for loss or injury arising from defects
in goods or services.
(2) Parliament shall enact legislation to provide for consumer
protection and for fair, honest and decent advertising.
(3) This Article applies to goods and services offered by public
entities or private persons.

((الجملة بالخط الاحمر تعنى ان على البرلمان ان يسن قوانين تؤكد هذة الحقوق بالرغم من تضمينها اجمالاً فى دستور كينيا ))

http://www.kenyaembassy.com/pdfs/The...of%20Kenya.pdf

ديه ديبجات يا ناس يا هوه :shwt:

كل المواد ديه تتوافر فيها

1- الفاظ واضحة تشير الى الوجوب والتأكيد
2- تفصيل بعد اجمال
3- تحديد للمسئولية على الحكومات والسلطات التنفيذية
4- نص على ضرورة سن قوانين لتأكيد ذلك
5- كلها مواد فى الدستور مش ديباجة وكلها مواد منفصلة خاصة بحقوق المستهلك مش كلمة فى مادة سمك لبن تمر هندى


وكووووووووووووووول ده فى مادة واحدة وحق واحد من حقووووووووووق كتير مهدرة فى دستور مسلوق مبتسر سيذكر التاريخ من كتبوه فى احط اركان التاريخ


مش لاقى حاجة اقولها والله غير حسبى والله ونعم الوكيل فى كل كذاب ومدلس

رد: فين حقوق المستهلك فى الدستور الجديد
 

أحترامى لنفسى وللأعضاء المشاركين أو القارئين يمنعنى من أتهامك بالكذب والتدليس والجدال العقيم - كما اتهمتنى - ولن ادخل معك فعلا فى جدال عقيم عملا بقول الرسول الكريم : ( أنا زعيم بيت فى ربض الجنة لمن ترك الجدال ولو كان محقا )
لأنك لا ترى إلا رأيك ، وتتعاملون فى قرائاتكم للدستور بمبدأ الشك والتخوين ، وقلت مرارا أننا لو انتظرنا لعشرات السنين فلى يأتى دستور يرضى الجميع ، واعترف بأنه ليس الدستور الأمثل ولكنه الأنسب لنمر إلى الخطوة التالية من تأسيس مؤسسات الدولة ، وأترك القارئ ليحكم بعقله وضميره
وأخيرا أذكرك بقول ربى ( فمن حاجًك فيه من بعد ما جاءك من العلم فقل تعالوا ندعُ أبناءنا وأبناءكم ونساءنا ونساءكم وأنفسنا وأنفسكم ثم نبتهل فنجعل لعنة الله على الكاذبين )
وعذرا لكل المشاركين أنا أنسحب من المناقشة فى هذا الموضوع لأنه اتخذ طريق السب التخوين وهذا ما ترفضه أخلاقى ، ولن أرد مهما حدث ، واعتبر كل إساءة من أبو نورا لله عز وجل أخاصمه يوم القيامة عليهاولذلك فلن أرد عليها

رد: فين حقوق المستهلك فى الدستور الجديد
 

رد: فين حقوق المستهلك فى الدستور الجديد
 

رد: فين حقوق المستهلك فى الدستور الجديد
 

حبيبى يا ابو نورا
( شكلك فاهم يا نصه )
ههههههههههههه
ما تصدقش انك ممكن تتكلم مع أى حد من الجماعة دول خاااالص
الكلام الهادئ الموضوعى بيحولوه لنقاش عقيم
و المناقشة معاهم بيعتبروها جدااااااااااااااااال أخرق
أما بقى لو حاولت تفهم واحد كده بالراحة يوصفك بكل الهبل و العبط اللى فى دماغهم ، و أول كلمة يقولها لك ( انتم ) ، مش غريبة ان كل الجماعة بتقول انتم !!!
على فكرة هم بيعتبروا نفسهم جنس سامى و طائفة منتقاه و طاهرة و انهم لما بيتكلموا معانا بيحاولوا يهدونا الى الصراط المستقيم و لما بنحاول نرد عليهم و يفشلوا فى محاولة لقناعنا بالهبل و الغباء السياسى بتاعهم بيتهمونا على طول بالزندقة و الخيانة و العمالة و الكفر فى معظم الأحوال
دول أنا مسميهم شربة الخروع اللى لازم كل مصرى يتجرعها علشان يخف منهم ( علشان نحرم نديهم صوتنا فى اى انتخابات ) الى يوم الدين!!!
لازم نشرب العلقم ده اللى اسمه الاخوان علشان ما نكسلش تانى و نسيبهم يضحكوا على الناس الغلابة اللى مش فاهمة بالطريقة و الأسلوب الهمجى الغير حضارى بتاعهم ( اطعم الفم تستحى العين ) و يا ريت حاجة تستاهل ؟؟؟
تعرف ان فيه فى بلدنا أيام الانتخابات يقوموا عاملين أيييييييييييييييييييه ؟؟؟؟
على فكرة برنامج ( واحد ، اتنين ، تلاتة ، اربعة ،...الخ و الله ما فيه أى تغيير
اضحك معايا ( البروتوكول العظيم المتكرر دائما ً فى كل انتخابات و استفتاءات )

1. الميكروفون ينادى من بدرى " الاخوان جايبين لحمة فى الدواااار و سعر الكيلو 25 جنيه "
2. لافتات عظيمة كل مضمونها ان الاخوان بيحاولوا ينفذوا شرع الله فى الأرض
3. جمعيات استهلاكية فى بيت فلان ولا علان و بسعر التكلفة
4. نقلتين تلاتة أنابيب بوتاجاز و كام واحد بدقن يقف يوزعها خدمة طبعا ً لوجه الله
5. الميكروفون ينادى تانى " تعلن الدعوة السلفية بـ ............. " انه سوف يقام حفل تكريم و استلام جوايز لأى حاجة
6. الميكروفون ينادى تالت " تعلن جمعية الاصلاح بالــ .............. " بالتضامن مع شباب الاخوان المسلمين أنه سوف يقام معرض للملابس الجاهزة بخصم 90 % ( على فكرة انا و اسرتى متبرعين بما يقارب ثلاثة أرباع تلك الملابس لغير القادرين و هى ليست للبيع أساسا
7. تعلن جمعية الشبان المسلمين بالتضامن مع شباب الجماعة عن اقامة مشروع النظافة
8. ينادى الميكروفون " يا جماعة اللى عاوز يسجل اسمه من غير القادرين " يروح للشيخ فلان و لا علان علشان استلام مبالغ مالية
9. تعلن جمعية كفالة اليتيم " اخوان ملسمين " عن تسجيل أسماء الأرامل و المطلقات و الغير قادرين بالجمعية ابتداءا ً من يوم كذا .....
10. لا مش كده و بس قوافل طبية اخوانية بأجور رمزية ( خللى بالك أنا أشك أنهم أطباء أساسا ً
11. اللى مش عارف يطلع بطاقة تموين أو فى حاجة فى الحكومة مزهقاه يجى مش عارف فين و يسحب استمارة مجانية و يكتب اسمه و بياناته و احنا بعون الله هنستخرج كافة الأوراق اللى هو عاوزها
12. يا سلام لما تقوم من النوم تصلى الفجر و تروح تجيب العيش تلاقى واحد بدقن يقول لك انا واقف هنا لوجه الله بانظم الموضوع و بارتب ان ما حدش ياخد أكتر من حقه و ان رغيف العيش وزنه مظبوط ، ده خدمة خمس نجوم و الله
13. كده كل الناس فى كل مكان فيك يا مصر عرفت ان الناس دول بتوع ربنا و بيخافوا على مصلحة الشعب و بيجاهدوا فى سبيل تنفيذ شرع الله
14. و علشان الناس ما تنساش يطبعوا ملصقات و يوزعوعها على الميكروباصات و التاكسيات و طبعا التكاتك اللى هتنقل البهايم يوم الانتخابات أو الاستفتاءات بفلوس الاخوان الكتيييرة ( اللى كسبوها من الجمعيات و المعارض الخيرية من الناس الغلابة ) منهم لله
15. و أكيد أكيد أكيد كل الغلابة و الشعب كله غلبان أساسا ً هيوافق على أى حاجة يعملها الناس بتوع ربنا دول
16. و طبعا ً الشعب ليه هيعترض طالما الناس المحترمة بتوع ربنا بينظموا طوابير العيش و بيجيبوا لهم لحمة رخيصة و أنبوبة بوتاجاز و بيعملوا معرض للسلع الغذائية و معارض خيرية للملابس بخصم 90 % هههههههههههه
17. ما تنساش بقى يا باشا ان كل المكاسب دى بتروح على سواقين التكاتك اللى بتحشد الناس من البيوت و الحارات الضيقة علشان تروح تقول نعم

أنا مش عاوز أطول عليك
الجماعة لما بيلعبوا اللعبة القذرة دى و بيستغلوا حاجات الناس الغلابة ده غير التزوير اللى بيهببوه
بيتهيأ لهم كده انهم صح و احنا غلط و اللى فاكر نفسه بيفهم فيهم يقعد يحاورك و يناورك و هو أساسا ً مش فاهم و فى الآخر يقول لك ما تجادلش و يقوم جايب لك أى حديث حافظه يقوله فى غير موضعه و يقول لك أصل الحديث صحيح و يقوم كارر الحديث على كام آية من القرآن
و فى الآخر يقوم مكفرك و مكفر أهلك و لما يعجز فى الرد عليك يسيبك و يمشى أو يهبل و يقول أى حاجة و باردوا فى الآخر انت علمانى و ليبرالى ( بيتهيأ لى كده غير مسلم ) بالنسبة له
و ما يكلمكش تانى أبدا ً ما انت كافر بقى
يا باشا احنا بنمر بمرحلة حمورية حجرية فى حياتنا ( مش مرحلة انتقالية خاااالص )
التحجر فى الرأى و عدم سماع الآخر بل و تكفيره عند كل مناقشة
و طبعا ً كده اتفهم من الحما.... ؟؟؟
قال حق المستهلك قال و هى دى عاوزة دستور ؟؟؟
ماهم بيدوا المستهلك الغلبان كل حاجة و بيودوها له لحد البيت كمان يا رااجل حرام عليك دول بيقوموا من النجمة علشان يوفروا له رغيف العيش انت نسيت اللحمة الرخيصة ؟ ، ولا الهدوم اللى بـ 10 % من تمنها بس؟ و لا الزبالة اللى بيشيلوها من البيت ؟
و لا المعارض الخيرية للسلع الغذائية ؟ و لا القوافل الطبية ؟
ده ناقص يدخلونا الحمام و يرجعونا ينيمونا فى سرايرنا !!!
يا راجل حرام عليك بعد الخدمة الخمس نجوم دى و تقوم حضرتك
تقول ديباجة ( مش نص أو مادة ) شوف النية كانت ايه و ايه اللى قدموه للمستهلك ؟ ايه بقى اللى انت قدمته أصلا ً للمستهلك ؟
و لا علشان ما نتش عارف تقدم حاجة للمستهلك ( ان شاء الله حتى رغيف عيش ) تقوم تقعد تتمسخر على الناس بتوع ربنا و تقعد تقول دستور و مواد و قوانين و حتى لو ديباجة يا أخى مصر كلها بتشهد ان الاخوان من غير دستور و لا أى حاجة بياخدوا بالهم من المستهلك هو انت قلبك هيبقى على الشعب اكتر منهم
لاااااااااااااااااااااااا ااااااااااااااااااااااااا اااااااااااا و الله
ده انت علمانى و ليبرالى ، و ، ......، .............، .............
دول ناس بيخافوا ربنا يا ظالم يا خاين ياللى عاوز توقف عجلة الانتاج ياللى مش عاوز يبقى فيه استقرار فى البلد !!!
حق مستهلك ايه كل واحد هيروح له حقه لغاية عنده اطلع منها انت بس يا فلووووووووووووول ، يا عدو الوطن يا خاين يا عميل يا مش عارف ايه
ههههههههههههههه
هههههههههههههههههه
هههههههههههههههههههه
يبقى مش هنخلص لو حاولت تفهم الشيئ اللى اسمه ( الحما.. ) ده أى حاجة
هتحرق دمك و أعصابك وباردوا مش هيفهم
و خللى بالك
كمان هيرفصك !!!
ههههههههههههه
:fun_36_1_39[1]::fun_36_1_39[1]::fun_36_1_39[1]:

رد: فين حقوق المستهلك فى الدستور الجديد
 

:fun_10_9_206[1]::fun_10_9_206[1]::fun_10_9_206[1]: