مصر موتورز مجتمع السيارات - للرد على استفسارات الاعضاء والدعم الفنى لمالكى الفيرنا

مصر موتورز مجتمع السيارات (https://www.masrmotors.com/vb/index.php)

- Hyundai Accent - فيرنا الجيل 2 (اهم الموضوعات) (https://www.masrmotors.com/vb/forumdisplay.php?f=132)

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

اقتباس:

المشاركة الأصلية كتبت بواسطة Hamada_El_Sh3er (المشاركة 540486)

سؤال كده برضو يا باشا بخصوص المساعدين
( انا كنت مشتري فيرنا 2008 مستعمله من واحد من المنصورة وكان الله يجازيه حاطط علايات في المساعدين الخلفي والعلايات دي فبر أو بلاستيك ودي كانت رخمة أوي ومخلية العربية عالية أوي من ورا ... أنا غيرتهم وحطيت علايات كاوتش عادية ... بس لما فكيت المساعدين عند العفشجي لقينا ان جوز المساعدين اللي ورا ضاربين زيت .. وكمان انا مركب جنط اسبور
ولما بكون مركب معايا ناس ورا وباخد مطب هوا بلاقي ان الجنط بيحك في الرفرف ... كده كده العفشجي قاللي اني محتاج اغير جوز مساعدين ورا
أنا لقيت ان حل مشكلة الحكة دي إني اغير جوز المساعدين اللي ورا واحط صدادات في المساعدين الجداد زي صدادات العربية الأوبل ... عشان الأرتفاع بتاع العربية يوصل لحد معين ومش يحصل الحكة اللي بتحصل بين الجنط والكاوتش )
دي الحكاية والمشكلة بالتفصيل .... السؤال بقى
هل الحل ده صح ومناسب ولا غلط وفي حل تاني ؟؟
كمان لو الحل ده هو الصح والأنسب ... ياترى أغير المساعدين بس ولا اغير السوست كمان ؟؟
وياترى تعرف أسعار جوز المساعدين اللي ورا كام ؟؟
وهل في منهم جديد ولا لازم ادور على حاجة إستيراد وكده ؟؟
وياريت مااكونش طولت عليك ويارب ترد عليا بسرعة

معلش يا استاذ حمادة انا هقولك وجهة نظرى
الشغل المعمول ده كله عك وعك جامد كمان
انت افضل حاجة تعملها تغير 4 مساعدين وتجيب الاصلى بتوع العربية وتشيل كل العليات المهببة اللى راكبة دى لانها هتعوم معاك العربية وبعد الشر ممكن تقلب العربية فاحسن ترجع العربية زى ما كانت على ابوها زى مابيقولوا وبعدين لو الشكمان بيحك ركب العلبة المضغوطة اللى نازلة فى موديلات2010-2011 وانت تنسى الحك نهائى وبدون عليات زى عربيتى تمام ماشاء الله عمرى ما اشتكت منها حتى لو مركب 3 ورا
وبعدين بالنسيبة للجنوط متركبش ازيد من14 والكاوتش يكون 14/175/65 اكتر من كدة مش مناسب مع الفيرنا ويسبب مشاكل
اعمل الكلام ده وهتدعيلى بدل ما تصرف مصاريف كتير وفى الاخر متنبصطش .. ولك تحياتى

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

اقتباس:

المشاركة الأصلية كتبت بواسطة waelsalah (المشاركة 539651)

اولا :- بشكر حضرتك ع المجهود الرائع و الافادة المتميزه فى الموضوع
ثانيا :- الاربع مساعدين هل اصلا بيجوا زيت فى الفيرنا ولا الامامى فقط او الخلفى ؟
وما الامثل للسيارة وتكوينها من حيث وطوها وتحميلها خصوصا فى الخلف هل الزيت افضل ام الغاز؟
وشكرا جزيلا

يا باشا صدقنى مفيش احسن من مساعدينها الاصلى وهما 4 زيت ومتركبش عليات وغير علبة الشكمان ركب العلبة المضغوطة المصفحة اللى بتنزل فى الموديلات الحديثة وانسى الحك فى المطبات

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

اقتباس:

المشاركة الأصلية كتبت بواسطة tonsy1979 (المشاركة 540489)

متشكرين يا احمد باشا انا قولتلهم مفيش غيرك اللى هيعرف الموضوع ده اصل انا مبحبش افتى فى اللى ماعرفهوش بس متبقاش تتأخر علينا ودايما نفسك معانا ... لك تحياتى

مشكلتى انى نادر الدخول عموما لو فى اى حاجه ابعتلى على الخاص و انا اجى على طوووووول

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

انا عملت صيانة الالف الأولى في ابو غالي العبور , بس سمعت انهم بيحطوا زيت توتال مش شل , هل ده مؤثر على العربية في حاجة , عامة انا حاطط 5000 , ولما مشيت من عندهم اداء العربية مش وحش بس صوت الموتور عالي شوية عن الأول

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

اقتباس:

المشاركة الأصلية كتبت بواسطة tonsy1979 (المشاركة 540501)

أولا تسلم لأنك اهتميت ورديت يا أستاذ تونسي
ومبدئياً انا مش بشتكي من حك في الشكمان خالص
أنا إرتفاع العربية عندي مناسب جداً ... انا شكوتي من إن المساعدين اللي ورا
باظوا أو ريحوا تقريباً فكنت عايز اغيرهم
والمشكلة التانية هي ان الجنط نفسه اللي بيحك ورا عندي في الرفرف
وعلى فكرة أنا الجنط عندي 13 ومقاس الكاوتش 175/70 يعني مقاس العجل الأوريجينال بتاع العربية بس المشكلة ان الجنط عريض شوية
انا بس بسأل لو هغير المساعدين ... أحط صدادات واعمل كده ولا لأ
وكنت بسأل هل في مساعدين جديدة بتتباع ولا مفيش ولو في اسعارها كام ؟؟

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

السلام عليكم
ممكن اعرف ايه الفروق الجوهرية والشكلية بين الفيرنا ( فيفا - استار - gls )
وما افضلهم ؟
وشكرا جزيلا

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

السلام عليكم
انا جبت فيرنا 2012هاف اوبشن وعايزة اركبلها انذار وسمعت انى لو ركبته هيلغى ضمان بتاع كهربة السيارة الكلام ده صح ولا لأ
ايه افضل نوع انذار وسنتر لوك ممكن اجيبه ياريت تفيدونى بسرعه لحسن خايفة اوى على العربية وعايزة اركبه بسرعه