رد: انا عاوز افهم وجهت نظر الشعب المصرى
 

و من قال لك أن فيات لا تنقل تكنولوجيا السيارات الرياضية الى سياراتها الاقتصادية؟
خذ مثال عندك علبة التروس الذكية "الديوال لوجيك", هى فى الأصل طورت كعلبة تروس مخصصة لسباقات الفورمولا واحد, و كان لفيات السبق فى تطويرها, و سرعان ما تم صنع نسخة مدنية منها فى الفاروميو سيلسبيد, و حاليا نفس المنظومة تعمل فى فيات ديوال لوجيك, و التى ترتبط بعلبة فيرارى عالية الأداء "فيرارى اف 1".
علب التروس هذه كانت ابتكارا من شركة ماجنيتى ماريللى التابع لفيات و هو فرع الشركة لصناعة التقنيات المتقدمة, و جت شركة بى ام دبليو بجلالة قدرها (اللى بيتباهى راكبيها انها تكنولوجيا عالية) و خدت العلبة من فيات و استخدمتها فى سياراتها.
http://en.wikipedia.org/wiki/Selespeed
و حاليا بتحاول جميع الشركات تطوير علب تروس مماثلة و كانت اخر محاولة من تويوتا و التى تسببت فى العديد من المشاكل.
للعلم فقط مرسيدس ليست لديها علبة مماثلة, مرسيدس تستخدم علب تروس اوتوماتيكية عادية لكن بقدرة على التحكم فى السرعات صعودا و نزولا.
اما محركات فيات فهى فوق مستوى الشبهات, و على فكرة هى احدى المحركات القليلة فى اوروبا التى تتوافق مع اتفاقية اليورو 5, و هى مشهورة بأنها أفضل صانع لمحركات الديزل فى اوروبا, و هى التى طورت تقنية الcommon rail و باعتها لاحقا الى شركة بوش الألمانية و أصبحت هذه التقنية شعبية جدا فى محركات الديزل.
و عادت و طورت جيل جديد من محركات البنزين اسمه MultiAir, لا يعتمد على الكامات فى تحريك صبابات الدخول, لكن هذه المرة فانه ليس للبيع الا فى شكل محرك كامل, أى أن الشركات الألمانية قد تستعين بمحرك كامل من فيات لاستخدام هذه التقنية التى سوف ترفع الاداء و تجاوب المحرك الى حدوده القصوى.
و طورت طريقة جديدة فى تصنيع المحركات تعتمد على الميكنة الكاملة FIRE, مما زاد من اعتمادية المحرك و عمره الافتراضى و قلص من مصاريف انتاجه.
و بشهادة الجميع, فان محركات فيات هى الأكثر عصبية و تجاوبا و الأكثر متعة فى القيادة.

مين قالك انو فيات فشلت فى مصر؟
قارنها بمنافستها, شوف مثلا الجراند مع البيجو 207 مع السيات ليون مع البولو سيدان و قولى ايهم أكثر انتشارا؟
أليست الجراند بونتو؟
مع ملاحظة انو التوكيل مبيصرفش على الدعاية تقريبا, لدرجة انو العديد من الناس لا تعرف ما هى موديلات فيات فى مصر أو ان فيات لها توكيل فى مصر اساسا!!

رد: انا عاوز افهم وجهت نظر الشعب المصرى
 

يا اخ واوا الفيديو اللى انته حطه لسياره لمبر جينى والسياره دى مش ايطاليا ده لو عارف فى السيارات الغاليه دى المانى لو مش مصدق دور كويس لان العربيه دى يامه شوفتها ويامه سألت عليها هى تبع المانى ياريت تبقا تتاكد من المعلومات وبلاش تدافع عن الالمانى كتير مفيش غير اتنين بى ام ومرسيدس وده فعلا اللى الكل بيقولوه الناس وعادى ياعم المانى ولا ايطالى هما هيخدو ويدونا يعنى مش عوزن حد يزعل من التانى

تحياتى للجميع

رد: انا عاوز افهم وجهت نظر الشعب المصرى
 

لا مافيش زعل ان شاء الله يا مودى , دة نقاش عادى ولا يهمك .

بخصوص لامبورجينى , هى صحيح ملك فولكس فاجن الان , بس هى سيارة ايطاليا قلب و قالبا ,
و على فكرة فولكس تملك بنتلى و بوجاتى كمان , و هى من اشهر السيارت الرياضية , بس للاسف هذة الشركات محتاجة توميل عشان تستمر فى انتاج سيارت باهظة الثمن بهذا الشكل .
و دة سبب انها اتبعات لكذا شركة قبل كدة .

ملحوظة :فعلا لامبورجين مستوها بداء يقل منذو بعها للالمان .

رد: انا عاوز افهم وجهت نظر الشعب المصرى
 

يا استاذ فادى فى فرق حضرتك بين سيارات السباق والسيارات الرياضية

الفيرارى سيارات سباق ومنافساتها من نفس الفئة معظمها اوروبى أو امريكى زى البوجاتى والكورفيت

ومش من العدل اننا نظلم الصانع اليابانى ونقول ان خبرته قليله فى السيارات الرياضية اللى هى فئه تانيه ومتتقارنش بالفيرارى
هو حضرتك مبتسمعش عن الEVO أوRX8
وانا معاك تماما ان خبرتهم ضعيفه جدا فى صناعة سياره مثل الفيرارى او ربعها حتى

ومع احترامى لكلام حضرتك وعشقى للفيرارى وكل ما هو ايطالى ,
مش معنى ان الطلاينه صنعو فيرارى يبأه معظم الشركات الايطالية تفوقت على الفرنسية والالمانية
ومش معنى ان الالمان صنعو مرسيدس يبأه معظم الشركات الالمانيه متفوقه على مثيلتها الاوروبيه أو الامريكية

كلام حضرتك فى تحيز للايطالى وانا مقدر ده بسبب عشقك الواضح للسيارات الايطالية
لكن من الخطأ انك تقلل من شأن شركات كبيره ورائده فصناعة السيارات امام اعضاء وزوار المنتدى الباحثين عن معلومات صحيحة عن السيارات من خبراء المنتدى بسبب عشقك للايطالى!.

رد: انا عاوز افهم وجهت نظر الشعب المصرى
 

فى النهاية ما أكتبه هو رايى الشخصى و حق الرد مكفول للجميع, و عموما أنا لم أقلل من شأن أى سيارة أخرى, لو حضرتك راجعت ما قلته فسوف تجد أننى اعترضت على السمعة ال"كاذبة" التى تتمتع بها بعض السيارات هنا فى مصر, لم أقل أبدا أن السيارات الألمانى سيئة, أنا قلت انها سيارات عادية لا تستحق البريق الذى تأخذه فى مصر, و هى لا تزيد (و أحيانا تقل) عن السيارات الايطالية و الفرنسية.
و فى النهاية مش الكلمتين اللى بكتبهم هما اللى هيقللوا من مبيعات فولكس و تويوتا لو كان ده اللى انت خايف منه (ربنا يزيد و يبارك يا سيدى), هما بيبيعوا و القاشية معدن, سيبنى اكتب اللى عايزه!!