المشاركة الأصلية كتبت بواسطة moustafa.peace (المشاركة 628973)

تصدقوا احنا شعب بجد غريب قوى يعنى حضرتك الراجل بتاع التوكيل قال لقريبك ان ده عيب فى السرعات العالية يعنى العيب من اللى سايق مش من العربية ...... هو احنا لازم نجيب عربية عشان نمرمطها معانا ..... انا عندى فكرة جيب توكتوك وحافظ علية واعملة صيانتة فى ميعادها وشوف هيعيش معاك ولا لاء الرك مش على الصنع الرك على استخدامنا المتخلف للحاجة اللى معانا

المشاركة الأصلية كتبت بواسطة luckyman (المشاركة 629216)

يا جماعة معظم المشاكل المعروضة صحيحة بس مش دقيقة وفعلا فى مشاكل كتير ناتجة عن سوء استخدام ومش بتحصل حتى فى العربيات الكارو انا اسف
وبالذات الاسبرانزا متميزه بالتماسك والثبات العالى مقارنة بالفئة المنتمية اليها ومقارنة كذلك بالسيارات الاعلى منها او ذات اسماء اعرق منها يابانية او كورية
وبالتالى دة بيدفع كتير من ملاك السايارات لاختبار قدرات سياراتهم اقصى ما يمكن مما يؤدى لتلف احد مكونات السياره الله اعلم مثلا بيفحط وبياخد ملف صغير وضيق باعلى سرعة وقوة الخ انا هنا مش بتكلم عن المشكله المعروضة لكن بتكلم من واقع خبرتى المتواضعة انا شفت عجل وبالتعليق الامامى طاير من عربية نيسان وكنت يومها راكب جنب السائق كنت الراكب الامامى
وشفت برضة عجل خلفى بالتعليق تقريبا فك من جسم عربية مرسيدس اس وبرضة تعليق خلفى ثابت او صلب مشروخ زى الزجاج وفى كل الحالات كان العيب والسبب السائق فى ناس بتفكر ان العربيات دى حديد صلب العربية هى وسيله للتنقل وليس للحروب والسباق والبهدله
ومعظم سيارات مصر بالذات سيارات ذات اداء متوسط او بالمعنى الاصح مقبول الغرض الاساسى منه الاقتصادى فى التشغيل وليس الاداء الرياضى زى ما بشوف ناس كتير بتتوهم هنا وبتصف عربيات اكتر ما يمكن وصفها بانها سيارات دون المتوسطة المدمجة او الصغيره بانها سيارات الاداء الباهر واللى جاب 200 و170 ودخل منحنى 180 بثبات !!!!
يعنى كللم غريب وياريت نكون موضعيين فى عرض المشاكل وما نطلبش وما نحملش السايارات اكتر من طاقتها لانها سيارات اقل من المتوسطة الفئات المنتشره فى مصر وكمان بتجهز بمحركات اقتصادية جدا فى التشغيل وفى اغلب الاحيان المحركات دى بيكون ادائها مقبول الى متواضع انا اسف على الاطاله وهنا مش برد على صاحب مشكله الاسبرانزا انا بتكلم بصفة عامة وشكرا ودمتم بود