مصر موتورز مجتمع السيارات - مفاجأة فظيعة .. السرعة القصوى لصنى 2011 اوتوماتيك مقفوله 160 كم بس :((

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

رد: مفاجأة فظيعة .. السرعة القصوى لصنى 2011 اوتوماتيك مقفوله 160 كم بس :((

السلام عليكم جميعا
السرعة القصوى للعربية بتفرق فى عدة عوامل
لكن انا قلت وجهة نظرى فى موضوع السرعة ده وطبعا الإختيار النهائى بيبقى لصاحب العربية و ظروف الطريق وعوامل تانية كتير محدش يقدر يحكم عليها من الظاهر فقط
عموما وبرضو من وجهة نظرى اللى ممكن تختلف مع كثير من الناس
ولا الطرق بتاعتنا تنفع للجرى
ولا الكاوتش
ولا العربيات إلا المرسيدس و البى إم وبعض العربيات الماضية
هفكركم برضو بسواقين المقاطير
والسيدات اللى بتسوق على كيفها (يمين شمال )
والناس اللى بتعدى الطريق السريع ويقولك هو شايفنى ( والله حصلت معايا كام مرة ألاقى واحد جنب الكبوت ونا ماشى بالليل ونا مشوفتوش بس الحمدلله ربنا بيسترها)
العملية بقت زى الزفت فى مصر وربنا يسترها مع الجميع
إذا كانت العربية بتجربها هتجيب أكتر من 160 ماشى
انما مش الصنى اللى تمشى بيها 160 ونتا مطمن مع إحترامى الشديد لحضرتك وللعربية
الصنى اللى بتنزل لدول الخليج ماشى إنما اى حاجة تانية مينفعش
ودى وجهة نظرى
تقبلوا مرورى

رد: مفاجأة فظيعة .. السرعة القصوى لصنى 2011 اوتوماتيك مقفوله 160 كم بس :((

اقتباس:

المشاركة الأصلية كتبت بواسطة Hisham.Elgazzar (المشاركة 638323)

انما مش الصنى اللى تمشى بيها 160 ونتا مطمن مع إحترامى الشديد لحضرتك وللعربية

أتفق معاك وأحب أضيف... لا الصني ولا غير الصني تمشي بيها 160 وأنت مطمن.

طب إللى ماشي 160 ده مستغني عن نفسو أنا ياللى أخري 100 ولا 120 ليه تعرضني للخطر؟!!!

أقسم إن معظم الوقت أنا إللى بفادي اللي جاي بسرعة من ورا عشان بكون شايفة في المرايه وهو ناوي على الغرزة, وهو فاكرها شطارة وربنا بيستر. طب لو مره لبست لاقدر الله إيه الوضع؟!!!

عزيزي السائق على أكتر من 120... أحب أقوللك الغلطة بتحصل فى ثانيه, وحتى لو مغلطش أو كنت بطمئن نفسك إن الطريق طوالى وفاضي... برضة أحب أقولك إنك ماشي على أربع فرد من الهواء, ممكن أى واحده تنفجر لاقدر الله بدون سابق إنزار. ده حصل مع أحد أقاربي وتوفاه الله (وكان ماشي على 80 على فكره) من ساعتها الموضوع ده بيقفز فى دماغى وأنا سايق على أى سرعة فوق ال 100.

ربنا يهدينا ويحفظنا جميعا.

رد: مفاجأة فظيعة .. السرعة القصوى لصنى 2011 اوتوماتيك مقفوله 160 كم بس :((

اقتباس:

المشاركة الأصلية كتبت بواسطة Elm3alem (المشاركة 569798)

انا معايا صنى إى اكس اتوماتيك ABS + AirBag موديل 2011 و عامله دلوقتى 9134 كيلو و انا بسافر كتير ومن هواة الجرى الاّمن .. و فوجئت فى احدى المرات و انا على طريق اسكندريه الساحلى الدولى انى لما بحاول اجرى العربيه بتجيب ال 160 على ااااخر الثالث و بعدين يقوم جايب رابع و الار بى ام يثبت على 4 و السرعه مبتزيدش حتى وانت دايس او لو عملت كيك هينزل ثالث يجيب اخره و بعدين برده ينقل رابع و يقف الار بى ام على 4 و السرعه لا تزيد ابدا عن 160 .. فقلت يمكن البنزين او الزيت لغاية اما عملتها اكتر من مره مع غيار الزيت من شل 5000 الى موبيل 5000 و برده مع اختلاف الموقف ( يعنى سواء كنت بحرقلها او كنت بجرى مستريح على طريق مفتوح زى الدولى) اخرها 160 :((

فكلمت توكيل السبع و وصلتنى بمهندس مسئول و حكيتله الموقف .. فرد بمنتهى الثقة و التاكيد ( انه ده شئ طبيعي لان صنى 2010 و 2011 الاوتوماتيك Gear Box factory locked 160 KM/S بينما الموديل 2009 يجيب لغاية 200 كيلومتر :sd:

واااااااسفاااااااااه 118 حصان و مقفولة على 160 كيلو .. اللى يزعل انى كنت بجيب 180 بلانوس مانيوال 2004 و كان نفسى احس ال 200 فى الصنى .. بس مليش نصيب ولكن "عسى ان تكرهوا شيئا ... "

اخى الكريم

ارجو مراجعه التوكيل

لان جبت بيها 175 ك والمؤشر كان داخل على 180 كم وفى ناس اصحابى جابو بيها 200 لمده 7 دقائق فى طريق العين السخنه
وياريت تطمنا بعد ماتشرح المشكله ليهم فى التوكيل

كل الود لحضرتك

رد: مفاجأة فظيعة .. السرعة القصوى لصنى 2011 اوتوماتيك مقفوله 160 كم بس :((

خير وبركة على فكرة سنة 2002 سقت نيسان صنى بس كانت 1300 كانت ثقيله جدا وممله موديل نيسان صنى الجيل الماضى تحس انه مصمت وغير موحى حكايه 160 و1600 سى سى وحجم ووزن السياره اكيد فى شىء غلط ههههه على العموم كفايه عليها

رد: مفاجأة فظيعة .. السرعة القصوى لصنى 2011 اوتوماتيك مقفوله 160 كم بس :((

طالما انك من هواه السرعة يبقى كويس يارب يقفلو السرعة كمان ل 120 خوفا على حياتك فهناك اسره تنتظرك بلا صنى بلا لانوس ازاى تتطمن لحتة حديدة بتجرى بك وانت جوة لا حول ولا قوة لك عباره عن انسان حتكون مفعول به ولن تستطيع مهما كنت متمكن من السياره من السيطره عليها لا قدر الله لو قابلت اى عارض ربنل يسلمك ويسلم جميع المسلمين والمسلمات