رد: بنزين 80+نفتالين بلى =90
طيب يا جماعة مافيش غير مشاركة أو إتنين بيقولوا إني فيه أضرار وللاسف كانت عن كلام منقول عن ناس قالوا في حتة تانية مش هنا فا لو إلعضو الكريم تكرم بجلب اللنك الخاص للموضوع عسى أن يكون كلام الناس موثق بأدلة تخلينا نصدهم ولو سمحت إدارة المنتدى تسمح للعضو بوضع اللنك ولا تحذفه هايكون الخير أعم عليا كلنا.
إستفساري هل فيه حد من الي قالوا إنهم جربوه كانت عربيته إنجكشن ولا كله كاربيراتير؟ايه ياترى |
رد: بنزين 80+نفتالين بلى =90
انا ابتديت اجربه وعربيتي انجكشن وعشان اتاكد انه ذاب مع البنزين لان عندي بوابه داخليه في التنك كسرت النفتالين ودخلته في التنك وبعدين فولت
فعلا التسقيف خف جدا لدرجه غير ملحوظه لكن معرف فيه اضرار مستقبليه وللا لا بس اعتقد مفيش انشاء الله ويبقى اللغز..ليه التسقيفه بتختفي مع النفتالين ايه ياترى!!!!!!!!!!؟ |
رد: بنزين 80+نفتالين بلى =90
والله يا جماعة الموضوع يخوف شويه طبعا الفرق ملموس وناس جربته بس الضرر مش هيبان من أول مرة لكنه هيبقى كبير وبصراحة اللي عنده روح المغامرة والمخاطرة إنه يضحي بالموتور ويمشى 40000 كم يقولنا بعد كده الحالة أيه عشان نعرف المخاوف صحيحة ولا أيه |
رد: بنزين 80+نفتالين بلى =90
اقتباس:
انا ماعتقدش انه هنضحي بالمتور هولو ليه تاثير سلبي هيكون على الطلنبه او الرشاشات او قواعد الصبابات بتاعه العادم مش اكتر ..وكلها في الاخر حجات مقدور عليها انشاء اللهROSE4U |
رد: بنزين 80+نفتالين بلى =90
اقتباس:
أنا دورت شوية في النت ولاحظت إننا عندنا خلط واضح في اللي مكتوب لإننا في مصر مش مسميين الحاجت بأسمائها الصحيحة البنزين ده اسم أحد مكونات الوقود اللي بيتحط في العربية... يعني اللي بنحطه في عربياتنا ده مش بنزين.. ده حاجات تانية إسمه "جازولين" ... وممكن يكون من ضمنها البنزين (وبنسبة قليلة كمان ويتزود كـ"إضافات للوقود")... بس مشكلته إنه ممكن يسبب السرطان. النفتالين دي مادة كيميائية كانت بتستخدم زمان في كرات العته.. ونادر لما تلاقي كور عته دلوقتي مصنوعة من النافتالين لإنها كانت قابلة للاشتعال بسهولة، وتركيبه الكيماوي مكون من حلقتين "بنزين"، وعشان كده يعتبر محسن للأداء كور العته دلوقتي بتتعمل من الباراديكلوروبنزين... ودي مادة لما بتتحرق مع البنزين بيتكون حمض هيدروكلوريك (HCl) والحامض ده قوي جدا وبيعمل تأثير مدمر على أي أجزاء بيلامسها.. هي ممكن تساعد في الأداء مؤقتا.. بس بتدمر الدنيا ملخص الموضوع..
ودي وصلات على النت للي عايز يعرف أكتر: كرات العتّة: http://en.wikipedia.org/wiki/Mothball النافتالين: http://en.wikipedia.org/wiki/Naphthalene الباراديكلوروبنزين: http://en.wikipedia.org/wiki/1,4-dichlorobenzene الجازولين: http://en.wikipedia.org/wiki/Gasoline البنزين: http://en.wikipedia.org/wiki/Benzene تأثير كور العتّة على الوقود (المكتب العلمي لوزارة الطاقة الأمريكية): http://www.newton.dep.anl.gov/askasc.../chem00485.htm تأثير كور العتّة على الوقود (موقع Cartalk.com: http://www.cartalk.com/content/i-hav...ht-naphthalene ... |
الساعة الآن 12:36 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017