المشاركة الأصلية كتبت بواسطة aly shalby (المشاركة 812319)

ياباشمهندس هذا التعديل لايصلح معك اذا كان الموضوع بجد لايمكن لاحد يعرف عن الادا اكثر منى نصيحة لوجة الله يوجد فرق فى سرعة الموتور وسرعة السيارة يمكن ان تسرع من الماتور كما تشاء وذلك على حساب تاكلة ولكن سرعة السيارة. انت محكوم بفتيس بطيء وخصوصا فى لادا 1200س س بالاضافة الى كورونة السيارة بطيئة اذا كانت على كبالن كنت ممكن اصدق ---- اكثر من ذلك فعلتة مع الادا -- فهذة السيارة غير مخصصة للسرعات

المشاركة الأصلية كتبت بواسطة amrelweekil (المشاركة 812233)

السلام عليكم جميعا الصور الى حطيت لنكتها دية انا رفعتها للشرح والتوضيح وفيها صور الموتور بتاعى الى عدلتة
خلونى الاول اشرح وبعدين تشوفو الصور لتاكيد الشرح.
اولا:بالنسبة لنوع الموتور:
مش شرط نوع الموتور اية اى كان بينفع على كل الانواع المهم ان يكون فية مساحة يتعمل فيها الشق فى الوش .
ثانيا : المقاسات: باختصار شديد ودون الدخول فى حسبات وتعقيدات ان الشق الى بيتعمل دة مش بيضعف من اى حاجة فى الموتور لكن كل الموضوع كانك عندك لوح خشب وبتعمل فية مجرى صغير اكيد دة مش حيكسر اللوح دة قصدى ان المجرى الصغير دة مش بيعمل حاجة فى الموتور ودة مرتبط بالمكان او المساحة الى بين الجوان بتاع وش السلندر والمكان الى جنب السوبابات وانت مربوط بالمساحة دية لو كبيرة او صغيرة يعنى
بالنسبة للمقاسات فى مقاس ثابت ومقاس حسب المساحة لو محتاج تكبر مفيش مشكلة

والمساحة دية بتكون بعمق 0.5 سم على طول المجرى وتكون موازية للبوجية اظبتها بالمسترة لو ميلة سنة مش مشكلة المهم تكون موازية للشمعة بالظبط وطول المجرى مرتبط بمساحة المكان بس اهم حاجة اوعى توسع لبعد الجوان حاول تبعد عنة بنص سم عشان تضمن الجوان مينفس بالنسبة للعرض لو زاد عن 1 سم مفيش مشكلة يعنى لو زادت 2او3 من عشرة مفيش مشكلة وبعدين بعد ما تخلص المجرى سنفرة بسنفرة حدادى لتنعيم المجرى .
سواء انت حتعملها بمنشار حدادى للتوسيع او مبرد حدادى مفيش مشكلة ولو عملتها عند خراط مفيش مشكلة بس حاول الاربع مجارى فى الاربع بساتم يبقو مقاستهام متساوية
وبكدة يبقى خلصت والف مبروك
ملحوظة للعربيات القديمة بعد ما تقفل اظبط هوا وكهربا تانى

المشاركة الأصلية كتبت بواسطة amrelweekil (المشاركة 828585)

السلام عليكم جميعا انا يعتذر عن انى فى غلطة فى الكتابة فى طريقة عمل التعديل وهى ان انت تعمل الشق بعمق 4 ملى او 5 مش واحد سم انا اسف جدااا
والاخبار الجديدة انى عملتها على عربية فيات رجاتا 1500 وكانت عملة طقم شمير ولين عليها وكانت زى الفل ومسخنتش المكنة فى التلين وبتقوم علطول فى الدوارة ان شائ الله حرفع الصور واسع على الغيبة دية
لو حد عاز اى مساعدة يكلمنى على الرقم دة 011124121267
وشكراا ليكم جداا