رد: الغائبون عننا ............. وحشتونا
 

انا موجود دايما يا رجاله و ربنا يخليكو انكم فاكرينى
بس انا بحب اكون مستخبى زى عسكرى الدرك كده
و بقالى 4 شهور مسحول انا و ايمن عبد الرازق فى شد عربية اخويا و بعت عربيتى و بدور على واحده تانيه
فا يدوبك بدخل اشوف المواضيع و الاشراف و ادى شكرا و اخلع عشان انام
سامحونى بس والله انتو عزاز عليا اوى
:crazyW14::crazyW14::craz yW14::crazyW14::crazyW14: :crazyW14:

رد: الغائبون عننا ............. وحشتونا
 

نورت يا باشا الموضوع
أدي ثاني واحد دخل ورد عقبال الباقي

وبعدين عيب عليك قوي
444546444546
تسيب حبيبك كورسير متبهدل من غيرك
والعالم عمالين يعلمو عليه من موضوع للتاني وتقعد تشد في العربية
وعربية ايه اللي بتشدها في 4 شهور
امال لو هتصنعها من جديد هتعملها في كام سنة

قدامك حل من اثنين
يا تاخده يشد معاك العربية
يا تدخل تلحقه
لحسن خلاص يا ولداه اتبهدل واتقطع
هههههههههههههههه

:crazyW14::crazyW14:

رد: الغائبون عننا ............. وحشتونا
 

أنا الحمد لله بخير ولم يحجبنى عنكم سوى الشديد القوى والظروف الغير مستقرة منذ فترة سواء على المستوى الشخصى والصحى وفى العمل.

أعترف أنة عذر أقبح من ذنب وندمت علية أشد الندم وبكيت بكاءا شديدا خصوصا عند علمى بوفاة أخى العزيز الغالى المرحوم بأذن الله تعالى خالد خليفة -أسكنة الله فسيح جناتة- حيث أنة دأب فى الفترة السابقة لوفاتة ومنذ آخر لقاء جمعنى بة وأخوتى أحمد ممدوح وأحمد بدر على تكرار الاتصال بى تليفونيا يشجعنى على أن نعاود اللقاء ولكنى -لشديد الأسف- أنشغلت عنة مع وعد باللقاء حتى جائنى الخبر الأليم وكدت أقول:
- "لو" كنت لبيت
ولكن "لو" تفتح عمل الشيطان فآثرت -بعد فترة حزن وألم وندم- أن أوجة طاقة الحزن والندم وجهة ايجابية عن طريق دوام الدعاء والترحم على روحة العطرة التى لا أستطيع مهما حاولت أن أتذكرلها أى سيئة معى مهما حاولت وقراءة الفاتحة لة بالاضافة الى عدم اضاعة فرصة وجودكم حولى فى المنتدى وعبر التليفون وفى لقاءات تجمعنا مثل لقاء الغد بأذن الله تعالى.

رد: الغائبون عننا ............. وحشتونا
 

كركر ده حبيبى و لازم ياخد واجبه
و عموما انا بجهزله كم هديه كده على ما قسم

رد: الغائبون عننا ............. وحشتونا
 

السلام عليكم يا شباب
ألف شكر على الموضوع الجميل ده و اللى بدأه أخويا العزيز Sad Bird و تجاوب معاه باقى الاخوة الاعضاء و الموضوع ده ان دل فبيدل قد ايه اعضاء المنتدى ده هما فعلا أعضاء اسرة واحدة و لا يفرق بينهم اى شئ
ربنا يديم المحبة يا رب و ربنا يديم تميز مصر موتورز

و ان شاء الله فترة الانشغال عن المنتدى تعدى و الظروف الشخصية اللى بمر بيها تتحسن شوية و ان شاء الله هرجع للمنتدى انشط من الاول فى بيتى مصر موتورز و بين اخوانى الاعضاء الكرام

و لكم جزيل الشكر جميعا

أخوكم محمد كمال