رد: عايزين دستور جديد - موضوع الساعة
 

موقع استفتاء.مصر

الموقع الرسمي لكل ما يخص الاستفتاء

بيوضح التعديلات بأخر صيغة
اقرب لجنة
خطوات التصويت وكيفيته

بصراحة موقع مميز
موقع رسمي واعلن عنه في الصفحة الرسمية
اللجنة القضائية العليا للإشراف علي استفتاء تعديل الدستور المصري

لازم كلنا نزوره وتعرف علي محتوياته

رد: عايزين دستور جديد - موضوع الساعة
 

رد: عايزين دستور جديد - موضوع الساعة
 

حوار جيد
انا كنت قبل الحوار كنت مقرر هصوت بنعم
وبعد الحوار هصوت بنعم ايضا
لعده اسباب منها استقرار مصر في الفترة الجايه ان خلال 3 اشهر هيبقي فيه مجلس شعب احنا اللي مختارينه وبعديها بشهر او بشهرين هيبقي فيه رئيس برضه احنا اللي مختارينه يبقي يتفضل الجيش مشكورا يستقر في ثكناته وترجع الحياة الطبيعية لمصر سواء سياسية او نيابية او اي شئ
---------------
موضوع الاخوان وغير الاخوان:
اولا الاحزاب الموجوده متدخلش زمتي ببصله لا وفد ولا تجمع ولا يحزنون كلها احزاب فاشله وخبراء عندهم لا وعي بالزمان والمكان
انا راي ان حزب الوفد مكانه الحقيقي المتحف لانه جزء من تاريخ مصر الحديث وليس جزء من واقع مصر مش معني ان واحد فرعوني مرشح نفسه رئيس جمهورية اني انتخبه لا مكانه التاريخ مش الواقع وكذلك حزب الوفد اللي انتهي من الخمسينات يبقي ملوش لازمة حاليا
ومش معني ان الاحزاب بتقولي صوت بلا يبقي اصدقها ازاي
هي بلا شك بتكسب وقت عشان تعيد حساباتها وتظبط ساعتها المفوته
ودلوقتي موضوع تخوين لااللي يقول هيصوت بنعم
كده كتير الصراحه كده كتير واسمحولي دي قلة ادب مش معني اني مواطن هصوت بنعم اني اكون خاين او اكون قابض 50 جنيه او خلافه ده كده تعدي للحدود وفرض وصايه علي الناس شكرا يا شباب انكم ازلتم طاغوت بس متتعدوش حدودكم
وعذرا فئات كتير جدا من الشعب بقي عندها وعي مش معني ان مصاعب الدنيا واخداهم انهم مش بيتفرجو علي الجزيرة والعربية وشايفين الواقع بعين الخبرة بقي لانهم عاصرو ايام معاصرنهاش منهم من عاصر الثورة الاولي والحروب وايام السادات الصعبه سياسيا فبلاش برضه نقلل من قدر الناس سواء كانو امهات او آباء او حتي ناس تعليمهم مش جامعي لان اللي احنا فيه ده مش كيمياء ولا فيزياء ده حياة نشترك فيها جميعا كلنا بيعيشها بمصاعبها وافراحها كلنا بناخد منها خبرات

رد: عايزين دستور جديد - موضوع الساعة
 

سبحان الله يا رجاله
امال قرفتونا و وقفتم حالنا وهددتم امننا ليه و عملتوا دي ثوره
مكان فيه مجلس شعب مش كمان 3 اشهر
وكان عندنا ريس زي الفل و قمه الاستقرار 30 سنه مش بعديها بشهر
و المجلس الاعلي مشكور في جميع الاحوال

انا لغايه الان برجح لا و مش منتمي لاي حزب ولا لي في الاحزاب انا ليه في مصر بس

و الاحزاب قالت لا و كتير برضوا قالوا نعم
و والله المشاركات بقت هادفه و متميزه وقيها فكر بجد
شكرا لك

رد: عايزين دستور جديد - موضوع الساعة
 

الخلاف في الراي لا يفسد للود قضيه
وكلنا بنتحاور لكسب الآراء واخذ الخبرة من آراء الجميع
وانت طلعت زميل في مجال الخبرة مبرمج قد الدنيا ربنا يوفقك
اما بالنسبه للموضوع الاساسي انا حقيقه مش مقتنع اننا نروح ننتخب مجلس رئاسي مؤقت يعني نروح ننتخب 3 او 4 اشخاص عشان يبقي مؤقتين ومش هيحصل توافق بتاتا وهاتك يا خلاف هننتخب بين كام شخصيه ولا حتي ننتخب مجلس صياغه الدستور اللي عايزينه من 100 شخصيه منتخبه طب ازاي لاشك هتحصل بلاوي وكله وقت مهدر وكله علي حساب مصر دلوقتي مفيش تورته تتقسم الجاتوه خلص دلوقتي فيه عيش وفيه ملح مش للاكل للفرجه
اللي كانو بيحكمونا قبل كده مكنوش ينفعو ببصله عشان ميبقاش فيه مقارنة بين الماضي والحاضر والمستقبل
دلوقتي علي فكرة راي بدون رئيس ولا مجلس شعب احسن من ال 30 سنة اللي فاتو كفاية ان فيه أمل العيش بامل احسن الموت بدون امل
المهم بلاش الغاز
يعني انا رايي المختصر دلوقتي بيتنا اتهد وعايزين نبني بيت جديد هنفضل في العراء ولا هنروح عند قاريبنا الرزلين والمهببين نسكن 3 اشهر
العاقل يقول نروح عند قرايبنا
انا نازل حالا نبقي نتواصل بعدين ان شاء الله