مصر موتورز مجتمع السيارات - هؤلاء من يستحقوا الشكر والتقدير

اقتباس:

المشاركة الأصلية كتبت بواسطة BASSEM BESO (المشاركة 344510)

والله ياجماعه ان مش عارف ابدأ موضوعى منين بس بأمانه كان لازم الموضوع ده يتقال لأنها كلمه امانه ونفسى اقولها والموضوع اننا لازم نشكر كل اللى بيساهم وبيحل مشاكل الأعضاء فى قسم الأسبرنزا ولهم نشاط ومجهود ملحوظ لايكلو ولايملوا من مساعده وتقديم المشوره والنصح لغيرهم وطبعا هما معروفين بس لازم نقولهم اكتر من مليووووووووووووون شكرا وهم :

1- الأستاذ احمد فارق السيد

اخ لجميع الأعضاء دائما يده ممتده بالعون والمساعده لكل من يحتاج لحل مشكله وانا على المستوى الشخصى اقدره جدا واحترمه ولا اخفى انى دائما ابحث عن مشاركاته ومواضيعه لأتعلم منه معنى العطاء بدون مقابل وبدون مصلحه واستفيد من خبرته وعلمه واسلوبه ويكفى انه يمتلك مميزات اصبحت نادره فى الزمن ده وهى الشهامه والرجوله والجدعنه والأدب والذوق وكل ماتبحث عنه من مميزات ليس لها عنوان غير استاذ احمد فاروق وللعلم انا لم اقابله ولا مره فى حياتى وانا الخاسر الكبييير وامنيتى الوحيده فعلا هى مقابلته لأرى الأنسان النادر فى هذا الزمن .

2- ابو الأسعاد

ملك الm11 والصينى عموما بجد انسان محترم جدا جدا جدا جدا وانا شخصيا اعتبره اخ لى وهو ليس محتاج لكلامى ويكفى سماع كل من ذهب لمقابله طنطا وشاف المجهود الجبار فعلا اللى عمله ابو الأسعاد عشان ينجح المقابله وضحى بوقت وفلوس ومجهود كبير جدا وده حس بيه كل من راح المقابله دى ده غير مساهمته فى حل مشاكل الأعضاء ونصحهم ودفاعه المستمر عن العربيات الصينى عموما والأسبرنزا خصوصا ليس لأنه مالك من ملاك الأسبرنزا لأ بل كلامه بالدليل والأرقام والشواهد ففعلا من سماك ابوالأسعاد لم يخطىء لأنك فعلا بتسعد كل من يقرا نصايحك ومواضيعك ففعلا اسمحلى ان اقول انك اخ ولى الشرف العظيم .

3- المهندس / محمد حمدى

مجهود كبيييييييييييير جدا فى المنتدى نصايحه لاتتوقف دائما ماتجده فى كل موضوع يرد ويحل ولماذا الكلام اللى بقولوا انظروا موضوع حل عضه الفتيس اللى عامله البشمهندس تتأكدوا فعلا من كلامى ان الراجل ده محترم جدا جدا ومبيبخلش على اى حد بالنصيحه و المساعده ويحاول يلاقى حلول لكل المشاكل المعروفه عن الأسبرنزا فمن كل قلبى بقول لحضرتك شكرا يابشمهندس .

4- المهندس/ شريف ( jonior )

اخر الأسبرنزاويه المنضمين للمنتدى بجد بحيه على نقل كل حاجه بيعملها فى عربيته ولو حتى بسيطه ولكنه بينقلها لنا بكل حب وود للمساعده وبحب واستمتع وانا بتكلم معاه لأنه فعلا شخص على مستوى عالى من الثقافه والذوق والأحترام فشكرا ليك .

5- الأستاذ رامى شاهين

اجرأ عضو ممكن تشوف مافعله واظن اغلب من فى المنتدى شاف وتابع اللى عمله فى تحويل عربيته ال516 الى اوتوماتيك والرجل لم يبخل بأى شىء وعجبنى اصراره وحرصه على انه ينجح فى تجربته وفعلا نجحت واستقبل استاذ رامى كما من النقد والتريقه قبل ماتنجح التجربه وتحول النقد لشكر وتهنئه وانا عن نفسى اتخذه قدوتى فى جرأته وحبه للتحدى وصبره على كل من حاولوا انهم يقللوا من شأن مافعله والرجل كريما رد على كل الأستفسارات التى تم توجبها له وفعلا موضوعه يستحق من وجهه نظرى المتواضعه الأجرأ و الأحسن فشكرا لك يااستاذ رامى .

طبعا انا لااملك انى اقيم اى عضو لأن ليس لى اى صفه ولكن ده رأىيى ان احنا لازم نعترف بمجهود الناس دى رغم انهم لاينتظرون منا اى كلمه شكر ولكن كان واجب علينا اننا نقول كده وانا طبعا لو نسيت حد ياريت تكتبوه لأنى فعلا هم من ارى من وجه نظرى اللتى ليس لها قيمه انهم الأفضل فى منتدى اسبرنزا واسف جدا على الأطاله ومستنى مشاركتكم .

الله عليك وعلى موضوعك يا باسم.. مجموعة ما شاء الله ولا اروع.. بارك الله فيهم وفي جميع اعضاء المنتدى الكريم

اقتباس:

المشاركة الأصلية كتبت بواسطة أحمد فاروق سيد (المشاركة 345306)

أخجلتم تواضعنا بذوقك وأدبك الجم يا أستاذ باسم
ولكنى الترتيب الصحيح يجب أن يكون هكذا

1 - المهندس / أبو الأسعاد

2 - المهندس / محمد حمدى

3 - المهندس/ شريف ( jonior )
4 - الأستاذ / رامى شاهين
5 - الفقير إلى الله أحمد فاروق

الباشمهندس / أحمد أبو الإسعاد
نجم بمعنى الكلمة أنعم الله عليه بنعمة القبول
لسوء حظى لم أقابله إلى الآن
ولكنى أشهد الله أنى أحبه فيه

الباشمهندس / محمد حمدى
أخ عزيز علىّ .... أعرفه منذ ما يقرب من العامين
تشرفت بمقابلته في إحدى مقابلات أسبرانزا كلوب
وللعلم الباشمهندس محمد حمدي
أتى بــ 1 % فقط من طاقته
فهو أنسان محب للغير مِعطاء لأبعد الحدود

الباشمهندس شريف
له كاريزما خاصة وحضور قوي وموهوب
في التعامل مع الشبكة العنكبوتية
أتمنى لقائه قريباً

الأستاذ / رامى شاهين
جرئ ،،، مِقدام
متابع جيد ،،، مُحب للخير
وأكبر دليل نقله تجربته بمنتهى الأمانة
أتوقع له مزيداً من التألق بمصر موتورز

أما أنت يا باسم
فريحانة المنتدى حقاً
تتجول وتفيد
أتمنى لقاءك عن قريب إن شاء الله

وبمناسبة الموضوع
أود أن أتقدم بجزيل الشكر والعرفان
لنجوم القسم الصينى ،،،، مع حفظ الألقاب

kimocyc
سيف الدين سعيد
Abojessy
ziabassem
دكتور كمال

لهم منى كل تقدير وأحترام على مجهودهم
الكبير والملموس للجميع وتميزهم فى النقاش والطرح

خالص الشكر والتقدير لشخصك الكريم أ. أحمد فاروق ، وربنا يديم المعروف.. اللهم آمين ، وشكرا لك أخي الكريم