رد: هل تفوق الكوري على الياباني من حيث الشكل؟
 

موضوع جميل ونقاش راقي ... وأذواق عاليا سواء للأستاذ إم إم فور أو ردود الأستاذ ليمووي وطبعا دخل في النقاش بهارات النقاش إللي بيخلي لكل نقاش طعم وريحة الاستاذ سام رام ولو إنه مخاصمني اليومين دول بس من ساعة ما نجح وهوتقلان علينا.... المهم ممكن أقول رأي .... شكرا

أول حاجه إحنا حصرنا النقاش في الشكل وبعدين إفترضنا إن الشكل هو التصميم الخارجي في حين أنا لما أجي أستمتع بعربية بيكون للتصميم الداخلي تشابك وتعانق وتأثير علي العين وهي بستتمتع بالشكل الخارجي .... يعني بعبارة أوضح أنا في رأي لوقلنا أيهما أفضل في التصميم يبقي أشمل عشان ممكن السيارة من بره تبقي تحفه لكن التصميم الداخلي له تأثير أيضا في إحساسي بجمال السيارة

ثاني حاجه قبل ما قول رأي .... عايزين نقول إن أول سيارة ياباني كانت تقليد لسيارة فورد أمريكي قلدتها تويوتا ... ومع ذلك تفوقت علي فورد ذات العراقة في التصنيع ثم تفوقت علي الصناعة الأمريكي في السيارات بتطوير تكنولجيا الإستهلاك الأقل للبنزين في كل سياراتها والأوبش الكتير
بالرغم من إن القوة والمتانة والعمر الأطول وبراعة وعملية التصميم في صالح الأمريكي ويفوق الياباني لكن الياباني كسب السوق الأمريكي والأوربي بتكنولوجيا الإستهلاك الأقل والسعر التنافسي

رأي إيه بقي بعد المقدمه دي
1- مع إن الياباني بالنسبة للكوري هي الأصل زي ما كان الأمريكاني للياباني هو الأصل لاكن أتوقع أن يتفوق عليه الكوري بنفس الأدوات التي تفوقوا بها علي الأمريكي كثرة الأوبشن والسعر التنافسي

2- التصميم الداخلي المتطور جزء لا يتجزأ من تصميم السيارة الخارجي وأعتقد الكوريين بمساعدة الأمريكان في مصنعهم الجديد في أمريكا ها يتفوقوا علي اليابانين

3- ميزان المنافسة في رأي بين الكوري والياباني تكنولوجيا حاليا لصالح الياباني لكن من وجهة نظري بدأ من 2012 موازين المنافسة ها تتغيير تماما وأرجح إنها ستكون لصالح الكوري أو الإيطالي أو الألماني بس مش للياباني
4- تنقل المصممين من شركة لأخري مثل بيتر شراير مصمم أودي الذي الذي صمم الكيا فورتي جعل المنافسة أكون أو لا أكون .... وأعتقد الفائز ها يكون للفكر الجديد والتصميم غير المكرر يعني مش مع سام رام إني إن لازم لما أبص لموديل تويوتا كورولا مثلا الأن ألمح خطوط تطويرها من عشر سنين عشان أنا من عشر سنين مكنش معايا ولا مهتم بتويوتا مثلا كنت مهتم بالإيطالي أو الأمريكي بالعكس أنا شايف التصميم المبتكر الخارجي والداخلي هو الفائز وأنا بيعجبنى في كيا إنها مبتقلدش حد وليها محاولات جاده للإبتكار والمنافسة

وبصراحة المنافسة في صالح المستهلك .... بس خلاص:fun_36_3_3[1]:

رد: هل تفوق الكوري على الياباني من حيث الشكل؟
 

العلامه كيا والتصميم أمريكي

رد: هل تفوق الكوري على الياباني من حيث الشكل؟
 

انا كده احبك و اموت فيك! تسمح سيادتك توضحلي سعر تنافسي ايه اللي حضرتك بتقول عليه؟
الفيرنا تمنها يوازي الياريس و الهوندا سيتي و يزيد عن الانسر!!!! و يزيد بمراحل عن الصني و يقارب التيدا!!!! و الالنترا الجديدة متوقعه بسعر يتفوق على الكورولا و السيفيك و البلوبيرد و الامبريزا و الانسر طبعا!!!!
اذا كان الدايو سبارك (شيفروليه سبارك ) نازلة بسعر 72 الف جنيه!!!!!!! معلش الكوري الجديد و بمبدأ تغيير شكل بس نازل باسعار اغلى من الياباني و الايطالي و الالماني
المنافسه في الشكل فقط لان اذا قارنا بالسعر و الكماليات اي دولة او شركة تانيه غير الكوري حتكسب و شكرا

رد: هل تفوق الكوري على الياباني من حيث الشكل؟
 

أنا عندي هوندا سيفك 2009 ... شريها ب140000 جنيه مصري ومفيهاش كل الأوبشن حبيت أشتري للمدام عربية قلبت السوق لاقيت النيسان التيدا الفول أوبشن ب142000 نزلت حاليا ..ولقيت التويوتا الكورولا 155000 نزلت شوي حاليا ولقيت الكيا السيراتو الجديدة الفول أوبش 127000 والشفورليه الكروز الجديده الفول اوبشن 136 ... وعربيات محترمه مش هفأ أنا من عشاق التويوتا وكان عندي مودلين تويوتا قبل كده ومع ذلك إشتريت الكيا فورتي الجديدة ........مش شايف فرق يذكر قوي غير في بعض الخامات الخاصة بالصالون

رد: هل تفوق الكوري على الياباني من حيث الشكل؟
 

اليابانى طبعا الى الان متفوق بس الشكل الكورى يكسب ومش كل الموديلات او الفئات الكورى كسبان فيها
من ناحيه الاداء كما قلت اليابانى متفوق بس مش اللى بيجى مصر لان احنا هنا مختلفين شويه عن الدنيا كلها