مصر موتورز مجتمع السيارات - اية هو رأيك فى اسبرانزا؟؟؟؟؟؟؟

مصر موتورز مجتمع السيارات (https://www.masrmotors.com/vb/index.php)

- شيرى إسبيرانزا CHERY SPERANZA (https://www.masrmotors.com/vb/forumdisplay.php?f=43)

- - اية هو رأيك فى اسبرانزا؟؟؟؟؟؟؟ (https://www.masrmotors.com/vb/showthread.php?t=37866)

رد: اية هو رأيك فى اسبرانزا؟؟؟؟؟؟؟

اقتباس:

المشاركة الأصلية كتبت بواسطة عمر سعد الدين (المشاركة 285513)

السلام عليكم و رحمة الله و بركاته
بالنسبة ل اسبرانزا a 113 مثلا فهذه السيارة تعجبني كثيرا و هي مع احد اصدقائي منذ حوالي سنة و بصراحة دايما بيشكر فيها - و كتير من الناس بيشكروا فيها فعلا -و لاننسي ان هذه السيارة تعمل تاكسي حاليا في كثيرمن الاماكن هذا بخلاف اسبرانزا الاكبر حجما - اللي ماليه شوارع مصر في مشروع التاكسي الجديد - بصراحة انا بفكراشتري العربية دي من فترة - بس محتار بينها مثلا و بين "اتوس" او "اي تن" بس اللي هايبص للامكانيات و الاوبشنز فالمقارنة طبعا لصالح الصيني و كمان السعر
كل الشكر للمشاركين

اهلا بحضرتك معانا و نورت مصر موتورز .
بالنسبة لل 113 عربية ممتازة بجد و هى معايا موديل 2011 ، العربية موفرة اوى فى البنزين و الاوبشنز بتاعتها جميلة جدا و موتورها حلو خصوصا مع التكييف .
بالنسبة للاتوس و الاى تن ، انا كنت واقع فى نفس حيرتك بالظبط بس انا اخدت قرار انى اجيب الاسبرانزا لعدة اسباب منها :
كماليات العربية الكتييييييييرة جدا و اللى مش موجود فى عربيات تانية اعلى منها ، انما الاتوس او السبراك هاف اوبشنز و ب 54 الف و الاى تن ب 59 الف و تبدأ من هذا السعر . انما الاسبرانزا 50 الف بس .
تانى حاجة سعة المحرك كل العربيات التانية دى 1100 cc و 65 حصان يعنى مع التكييف انسى حاجة اسمها سحب بالعربية و خصوصا على المطالع .
و لكن الاسبرانزا 1300 ، 2 كامة و 87 حصان ، مع عربية بالحجم ده حتحس بفرق جامد اوى اوى فى الشد و السحب بالعربية حتى لو مشغل التكييف .
بالنسبة للتوكيل فكل التوكيلات زى بعضها فيها قرف و خصوصا غبور لان انا معايا عربية اكسنت تانية و بيطلع عينى لما بروح مركز قليوب . انت حاول تنتظم مع مركز خدمة برة محترم و خلاص .
مرة تانية اهلا بيك معانا و بأذن الله ربنا يوفقك للاختيار الصالح و اى استفسار تانى احنا هنا تحت امرك ؛

رد: اية هو رأيك فى اسبرانزا؟؟؟؟؟؟؟

اقتباس:

المشاركة الأصلية كتبت بواسطة عمر سعد الدين (المشاركة 285513)

اولا احب ارحب بيك فى اول مشاركة ليك معانا ودائما انشاء الله معانا
ثانيا استاذ سيف وبشمهندس مانو قالو كل المفيد ومفيش كلام يتقال بعد اللى قالوة وهما قالوة كل حاجة تخطر ببالك فخذ كلامهم ثقة واكثر وتوكل على الله.

رد: اية هو رأيك فى اسبرانزا؟؟؟؟؟؟؟

بصراحه عربيه تفتح النفس
من فتره بسيطه وعملت مبيعات خرافيه
ومشروع التاكسي نزلت فيه واكتسحت ماركاات كتيره زي افيرنا
وصدقوني يا جماعه مش معنى ان العربيه صيني انها تبقه وحشه
غيرو بقه السمعه الهباب اللي اخدناها عن الصين بسبب المستوردين
طب ما السوني اريكسون صيني واحسن 1.000000 مره من النوكيا لدرجة السوني بتطور والنوكيا بتقلده
العربيه لو كانت وحشه مكنتش نزلت التاكسيات
لان التاكسي بيبرم مصر كلها ولو كانت تعبانه كانت السواقين قالو عنها البدع
لكن انا سألت يجي 8 وكلهم شكروا فيها جدا
سواء غاز او بنزين.
ربنا يقدرني وأجيبها.
وشكرا لكم

رد: اية هو رأيك فى اسبرانزا؟؟؟؟؟؟؟

اقتباس:

المشاركة الأصلية كتبت بواسطة mr vigo (المشاركة 286532)

كلام جميل من يافيجو وعندك حق فية ونحن سعداء بمشاركتك معنا واهلا بيك وانشاء الله نباركلك قريب لما تجيب العربية

رد: اية هو رأيك فى اسبرانزا؟؟؟؟؟؟؟

اقتباس:

المشاركة الأصلية كتبت بواسطة BASSEM BESO (المشاركة 286653)

كلام جميل من يافيجو وعندك حق فية ونحن سعداء بمشاركتك معنا واهلا بيك وانشاء الله نباركلك قريب لما تجيب العربية

سيبك انت : الـ 908 دى تحفه بجد .