|
رد: صيانة 1000 كيلو للجاك سندريلا
انا بقول عملت الصيانة فى محرم بك ولاكن
لم يتم الكشف على السيارة بالكمبيوتر ولا ظبط الاطارات ولا غسيل سيارة ولا اختبار السيارة افتكر انى قلت الكلام دة فى المشاركة الماضية كل الذى تم تغيير الزيت والفلتر فقط لاننى كنت واقف معاهم وكنت عايز اسال على ضغط الهواة مكتوب على الباب 220 يعنى كام |
رد: صيانة 1000 كيلو للجاك سندريلا
الاخ العزيز تيجر....انا عمات صيانه فى مركز خدمه كوين سرفيس ك 4.5 طريق مصر السويس وهو قريب من طريق المطار حوالى ثلث ساعه وكانت الخدمه ممتازه بصراحه تغيير زيت وفلتر وتربيط عفشه وكمبيوتر ولو فى اى حاجه تانى بيعملوها وبيجربوا العربيه معاك والصيانه كلها خدت حوالى ساعه وانا انشاء الله ناوى بعد العيد اعمل صيلنه ال5000 الاف هناك وهكتب تقرير عن المركز ده عشان لو اى حد حب يروح........بالنسبه للرقم220 مأعتقدش ده ضغط الهوا......هو كلام مكتوب بالصينى مشفاهم منه حاجه ياريت اللى يعرف معناه يؤلنا.................ولل ك تحياتى
|
رد: صيانة 1000 كيلو للجاك سندريلا
دكتور كمال: بعد صباح الخير :::يا ريت حضرتك تشرح بلضبط كيفية الوصول الى مركز كوين سرفيس ك 4.5 طريق مصر السويس الصيانه ---يعنى مثلا وانا قادم من بورسعيد هدخل شمال متجه الى الكليه الحربيه من شارع عبد الحميد بدوى هل اعدى اسفل كوبرى المطار واكمل ولا اعمل ايه حتى اصل الى الكيلو 4.5 ولا ادخل من مدينة الشروق واكمل الى طريق مصر السويس ---برجاء اذا كان هناك طريق مختصر ارجوا توضيحه ---لأنه كده هيبقى اقرب من ان اذهب الى ابورواش يعنى سفر تانى وانت عارف طبعا القياده فى القاهره لم تعد متعه امنهت خلاص !!!!!!!!!!!!!!!!! ولك جزيل الشكر
|
رد: صيانة 1000 كيلو للجاك سندريلا
أخونا الغالى وحبيبنا كلنا الاستاذ أيمن......أيه اللى يوديك أبورواش ياراجل...........وأنت جاى من بورسعيد خش على مدينه الشروق وامسك طريق السويس حتى تصل شارع الثوره وأسأل على شارع الصاعقه هتلاقيه على شمالك بجوار شركه صافى للمياه وعلى ناصيته بنزينه اسمها بنزينه وطنيه..... هتخش فى شارع الصاعقه بعد حوالى 100متر هتلاقى شعار جاك على يافطه كبيره فى منتصف الطريق هتخش من البوابه ( وهو عباره عن معسكر جيش كبير)هتلاقى المركز جوه بمجرد متركن عربيتك هتلاقى مشرف الاستقبال جالك ..........والخدمه هناك كويسه جدااوالفنيين هناك مدربين كويس لانهم بيخدموا على عربيات جيلى من زمان وشفت عربيات تانى بيخدموا عليها ذى انواع هيونداى وانا رحت اخر الاسبوع كان يوم اربع وكان المركز فاضى رحت الساعه 10 خلصت صيانه الساعه 11 وكان عندى مشكله فى كلبسات الرفرف نتيجه خبطه خفيفه وحلوهالى وبتشوف اللى بيحصل فى عربيتك وانت جالس فى الرسبشن وممكن تخش الورش تشوف اى حاجه فى عربيتك او تسأل الفنيين عن اى حاجه انت عايزها وترجع الرسبشن تانى وبعد متخلص الصيانه فنى العفشه بيطلع معاك يجرب العربيه .....وياريت الخدمه تكون كده على طول لان بصراحه المركز ده الاقرب لينا وهيفرق معانا كتير..............وصباح الفل
|
رد: صيانة 1000 كيلو للجاك سندريلا
د/ كمال بعد مساء الخير
شكرا جزيلا على الرد وتوضيح مركز الصيانة فى الكيلو4.5 اصل توكيل اسكندرية كرهنى فى توكيلات جاك بس ياريت يكون لسه زى مانت وصفته |
| الساعة الآن 04:00 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017