رد: الللحقووووونيييييي العربية كده باظت؟؟ مش عارفة اعمل ايه!!! مساعدتكم بسرعة يا ناااس
اقتباس:
اؤيد كلام صديقي العزيز وهناك في صقر قريش ميكانيكي انا بتعامل معاة شخصيا ومحترم جداا :Bravo: وبيستورد قطع غيار كتييير وعندة مخزن لذلك بس نصيحة معلش لازم تنظري الي الصبابات التي خرجت لو فيهم حاجة ملتوية يبئي لازم نفك الموتور لانة اثر علي البستم لازم لازم لازم احتمال الشرخ يكون في البيل او بنز تثبيت البستم مع البيل الكلام دة لو لاقينا صباب معوج ولو فكيتي يبئي بالمرة عمرة شنابر نمرة الميكانيكي 01226509898 مدحت اوبل معلش حيغلبك عقبال ما يرد وطبعا سواء هوا او غيرة الوضوع علي الطبيعة هوا الي حيحدد اية المطلوب واية الصح |
رد: الللحقووووونيييييي العربية كده باظت؟؟ مش عارفة اعمل ايه!!! مساعدتكم بسرعة يا ناااس
اقتباس:
السير بيتغير كل 60 الف كيلو بالنسه للانواع المحترمه انا شخصيا لا اعرف نوع كويس لانى بجيب قطع الغيار ده من التوكيل لانى ممكن اغير اى حاجه بره ماعدا اجزاء الموتور وحاجه مهمه زى السير انا ماغيرتش السيور غير مره واحده فقط لما العربيه عملت 60 الف كيلو سعر سير الكاتينه كان 200 جنيه السير القديم لسه شديد رغم انه قعد 3 سنين وانا شايله معايا فى العربيه لاى ظروف انصحك لو حصلت مره تانيه تفصلى الحركه عن الموتور وتطفى الموتور فورا وهتعرفى ان السير اتقطع لما تسمعى صوت تخبيط فى الموتور ساعتها تعملى الكلام ده اه نسيت اقول حاجه : اوعى تدورى الموتور تانى لو تاكدتى ان السير اتقطع :fun_36_1_30[1]::fun_36_1_30[1]: يعنى بكل اختصار خلى البستم مايتحركش تانى الا لما تغيرى السير تحياتى |
رد: الللحقووووونيييييي العربية كده باظت؟؟ مش عارفة اعمل ايه!!! مساعدتكم بسرعة يا ناااس
بجد مش عارفة اشكركم قد ايه... كفاية الوعلومات اللي اتعلمتها من حضراتكم...ربنا يزيدكم ان شاء الله
انا طبعا من ساعة ما عرفت مشكلة العربية ايه امبارح معملتش حاجة عشان النهاردة الاحد والناس قافلة.... بس ان شاء الله بكرة او بعده بالكتير هبتدي العملية دي طبعا واضح من ردودكم انه لازم يكشف كمان على الصبابات علشان ده ممكن يكون سبب كسر الكامة من الاول (يا ريت لو فهمت غلط حد يصلحلي) و كمان طبعا هغير وش الجوان برضه انا مش عارفة ان كانت تستاهل اني ادخل ف الشنابر، على قد فهمي من رد جالي هنا انه ده يعتبر نص عمرة،مش عايزة ادخل في حوار كبير، بس لو لقيتها تستاهل شغل اكتر انا مش هطنش و احسنلي امشي ب |
رد: الللحقووووونيييييي العربية كده باظت؟؟ مش عارفة اعمل ايه!!! مساعدتكم بسرعة يا ناااس
لو في صباب مكسور لازم يتم الكشف علي البساتم والبيلات (يعني العمود المتصل بين البسم والعمدو الكرنك)
http://www.masrmotors.com/vb/data:im...lIDhigkko0/9k=.....http://t2.gstatic.com/images?q=tbn:A...pUnqu7_LKFPjyQ http://www.masrmotors.com/vb/data:im...FoIJAcEEEo/9k= http://t2.gstatic.com/images?q=tbn:A...7i6mD3e1wqJAM_ عمود الكرنك http://t3.gstatic.com/images?q=tbn:A...Whkwcd5ANNV0aU وش السلندر http://t2.gstatic.com/images?q=tbn:A...6KwJF2AJxG0mGE الصبابات http://t0.gstatic.com/images?q=tbn:A...YfQHNleMJKbMbw عمود الكامات http://www.masrmotors.com/vb/data:im...REBERAREQf/9k=http://t3.gstatic.com/images?q=tbn:A...n3kOdOfEcPxRUg طبعا مع اختلاف الموديلات:balloons71: |
رد: الللحقووووونيييييي العربية كده باظت؟؟ مش عارفة اعمل ايه!!! مساعدتكم بسرعة يا ناااس
انا اقصد اني احسنلي امشي وانا مطمنة بدل المجازفة
انا هلخص الحاجات اللي فهمتها من حضارتكم: 1- بلاش اغير عمود الكامة بس ويستحسن اخلى الميكانيكي يشوف الصبابات كمان لانه ممكن يكون سبب كسر الكامة من الاول 2- بسبب ان الكامة اتكسرت ف انا لازمافك الموتور واتأكد انه الجزء الاسفل مظبوط او at least الميكانيكي ممكن يبص عليه من بره ومن غير ما يفك الموتور 3- مع اني مش بفضل الحل ده (لاني مش عايزة العملية تفتح معايا) بس في أخوة بينصحوني انس اغير وش السلندر بالكامل و اعمل عمرة للشنابر (مع احترامي بس ممكن حد يشرحلي ايه السبب ف كده) 4- انا قررت انه ان شاء الله لما العربية تتصلح وتدور اني هعمل صيانة كاملة للعربية وهغير السيور والفلاتر كلها مرة واحدة (انا مكنتش اعرف اني لازم اغير الحاجات دي قبل كده) 5- في ناس نصحتني اني اكمل مع الميكانيكي اللي جنب البيت بس مش متخصص ف الاوبل وفي ناس قالت العكس وانه لازم حد متخصص ف الاوبل ..... انا بصراحة لسة محتارة بس انا ميالة اكتر للميكانيكي المتخصص حتى لو بعيد شوية و غالي حبتين و هضطر اني اقطرهاله كمان وبعد الحاجات اللي انا فهمتها من حضراتكم دي ف معلش انا طلباتي كترت و (ومشاركاتي بقت طويلة زيادة كمان معلش) ف معلش ليا طلبات كده: 1- بالنسبة لتغيير عامود الكامة كنت عايزة اسأل لو كان حد حصله كده قبل كده او سمع من حد مر بالتجربة دي ، ايه هي الاسباب اللي ادت لكده (غير الالتواء اللي ممكن يكون اتعرضله بسبب الصبابات اللي ف البساتن اللي مكنتش مخلياه ينزل)؟ وعمل ايه بالظبط وغير ايه؟ مش لازم تكون اوبل فكترا انا بتكلم عامة 2- كنت عايزة اسأل عن احسن مكان متخصص ف الاوبل علشان اعمل للعربية الصيانات بتاعتها (يا ريت لو قريبة من المعادي او حتى ف مدينة نصر) ونمرهم وعناوينهم بليز لو سمحتم 3- انا بصراحة مع اني اتعورت من الموضوع ده جامد بس بجد انا استفدت منه كتيييييير قوي، كفاية بس اراء حضراتكم اللي خبراتها لا تقدر بثمن.... انا طلبي ممكن يكون غريب شوية و خارج نطاق الموضوع نفسه ... بس انا عايزة اعرف ازاي ممكن اتعلم اكتر ف ميكانيكا السيارات ... يعني اروح حتة معينة ولا اعمل ايه؟ وفي النهاية انا اسفة اني طولت عليكم ف اسألتي وربنا يجعله في ميزانكم ان شاء الله. شكرا |
الساعة الآن 11:36 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017