مصر موتورز مجتمع السيارات - العربيه اتسرقت عز الضهر بالمنصورة

اعتقد طالما عملت بلاغ في القسم الحرمية سوف يتصلوا بك لتحديد المبلغ المطلوب لعودتها
كما حدث مع جار لي في العمارة
و الأفضل مع الدعاء السعي
يعني تسأل في القسم و المنطقة على الحرامية و تحاول تبعتلهم حد يكون معرفتهم همه و ما تروحش ابدآ لو حتى معاك ميت مليون سلاح همه هيكون عندهم سلاح أكتر
و بالطبع يجيب ليك الرسول ده أمارة انه العربية عندهم مثآ يوصفهالك بتفاصيلها من جوه او حاجه تطمنك انها معاهم و مش معى غيرهم
و معروف انه في أماكن مخصصه لتخزين السيارات المسروقة
مثل كوم السمن و الجنينه في القليوبيه و الله اعلم
بس ما تروحش هناك ابدآ الموضوع خطير جدآ جدآ
الي انا عرفته في الموضوع ده انه العربية بيسرقها مدمنين المخدرات و بيتفسحوا بيها يومين و أي كمين يقابلهم يدوله قرشين أو سيجارة حشيش و يعدوا عادي و بعدين بيبيعوها لتجار مخدرات مقابل جرعات مخدرات
و همه بيجمعوها عندهم عشان الي يسأل عليها يدفعوه حق المخدرات الي اتدفعت تمنها للحراميه
و لو مرضيش يدفع
بيفككوها و بيبيعوها قطع غيار
كل ده من تجربة سرقة سيارة جاري هوندا قديمه حبتين و دفع فيها 15 الف جنيه بعد فصال عشان يرجعها
قالي انه راح للجنينه في القليوبيه مع حد معرفتهم عشان يدور على العربية وسط العربيات المسروقه
و لما دخل دخل معاه ثلاثة مسلحين من الحرامية واحد على يمينه و التاني على شماله و واحد ماشي وراه و كل واحد منهم شايل آلي
و طول المشوار فوق البيوت في ناس بآلي على الأسطح
و العربيات هناك بالهبل
و بالطبع الداخليه عارفه
بس سيبانا نتحرم على ايام مبارك
ربنا يسلم و ترجع لك بالسلامه
و على العموم قضا أخف من قضا
الحمد لله على كل حال
ربنا يولي من يصلح و يصلح من تولى و يصلح الرعية بفضله و منه و جوده و كرمه