رد: أفيو ولا فرنا و لا لانوس
 

بصراحه ... مفيش حاجه مضمونه .... على الاقل بالنسبه للتلات عربيات دول
الافيو المصري لسه جديده .. و ماخدتش فرصتها كامله
والانوس بقالها فتره و كتير بيحبوها و يشكروا فيها لتوافر قطع الغيار وسعرها مناسب وسهوله تصليحها .... عن نفسي مبحبهاش لان ثباتها ضععيف مع السرعه و فراملها ضعيفه ptmnlo123per111
(الافيو و الانوس شيفروليه - والانوس القديمه دايو و برضه تابعه لجي ام )
في مشكله عالميه اليومين دول خصوصا عند جنرال موتورز و لو حضرتك تابعتي كل المناقشات فيه زملاء افاضل شايفين ان المشكله دي متأثرش على عربيات جنرال موتورز في مصر او على الوكيل.

الفيرنا فيه كتير مبيحبوش هيونداي خصوصا التوكيل زحمه و يخنق .... وناس كتير بتقول 1600 احسن و ناس تقول ال1500 احسن ptmnlo123per172

لو عن نفسي و لازم اختار من التلاته تبقى الفيرنا ... و ممكن افكر في الافيو الكوري بس استنى شويه و اشوف تطورات الامور.

لكن للأسف..... مش حختار حاجه تقفيل مصري ptmnlo123per144

ممكن تشوفي حاجات تانيه ... زي الكيا ريو ... النيو اكسنت ... بيكانتو
و في النهايه ده رأيي الشخصي و شوفي اراء تانيه
وربنا يوفقك

رد: أفيو ولا فرنا و لا لانوس
 

اعتذر عن تكرار المشاركه
كان في مشكله في النت عندي وافتكرت ان الرد موصلش فكتبته تاني

رد: أفيو ولا فرنا و لا لانوس
 

رد: أفيو ولا فرنا و لا لانوس
 

السلام عليكم .. انا سعيد بالمشاركة فى هذا المنتدى الجميل .. و لى تجربة خاصة مع الفيرنا اعتقد انها تفيدكم هنا .. اولا لدى سيارة فيرنا 1500 مانيوال موديل 2007 .. وكانت لى ملاحظات اردت مشاركتكم بها و اترك التقييم لكم .. معالعلم باننا فى الشركة ( التى اعمل بها ) نمتلك 6 سيارات نفس الموديل و السعة و لذلك كان من السهل حصر كافة الظروف و المساوئ و المميزات التى سأسرده فى نقاط متتابعة ...
1- السيارة حتى الان تخطت ال 150000 كيلو متر فى حوالى 19 شهر هى مدة استخدامها .. و هى مسافة غير مبالغ فيها نظرا لانى اعمل فى محافظات القاهرة و الجيزة و كافة محافظات الصعيد و اسافر بالسيارة حتى قنا ( طبيعة عملى ) ... و متوسطى فى الشهر حوالى 7000 الى 8000 كيلومتر
2- حدثت لى مشكلتين كبيرتين لكن كلتيهما لم يكن للسيارة دخل فيهما و هى بسبب سوء حظ و سوء تقدير منى و لا تعود للسيارة فى شئ
3- منذ انتهاء الصيانة و حتى الان لا يخلو شهر من اصلاحات اخرى بجانب الصيانة العادية .. لكن نظرا للمسافات الكبيرة التى تقطعها السيارة و اغلبها فى طرق وعرة و ايضا قد تكون السيارة محملة باكيلوجرامات كثيرة فانا ارى انها صيانات لازمة و غير مبالغ فيها مثل ضعف التكييف الذى عاد جيدا بعد الشحن ... نتشة الفتيس .. تم اصلاحها فورا ... و الاهم كان موضوع بوابة الـ sensor ال TPS التى عانيت منها انا و زملائى كثيرا لكنها عندى تم اصلاحها من ثانى مرة .. لكن ذلك فى سيارتى انا فقط و لا تزال تشكل مشكلة لزملائى
4- تم تغيير بلية و اسظوانة دبرياج و ديسك عند الكيلو 120000 بعد تهالك الاصلين
5- المشكلة التى ظهرت فى سيارتين من الستة حتى الان هى توقف عداد السرعات عن العمل توقف عند زميل لى عند 125000 و عندى على 148000 و لم اصلحه بعد
6- السيارة فى التسارع ممتازة جدا و اعتقد انه لاتوجد سيارة تقارن بها عند سرعة الانطلاق من صفر ل 100 كيلومتر
7- مشكلة اهتزاز السيارة عند 120 كيلومتر سرعة و اختفاء الاهتزاز عند 140 كيلومتر لم اجد لها حلا ابدا
8- صوت زنة واضحة مع عمل التكيف بدأ يظهر عند 80000 كيلومتر
9 - شكل السيارة يعجبنى جدا عن الانوس لكن الشيفروليه بالطبع اجمل و افخم
10- رايى الشخصى ان السيارة جيدة جدا فهى تعرضت لاشياء صعب تعرضها لاى سيارة تستخدم بداخل المدينة و انا ارى انها اثبتت كفاءتها ..
.... اشكر لكم مشاركاتكم و ارجو مشاركتى برايكم ... شكرا

رد: أفيو ولا فرنا و لا لانوس
 

شكرا يا اسامه على مشاركتك .....
تفرق كتير طبعا لما حد يقول تجربته مع العربيه خصوصا لما يكون مشي بيها كيلومترات كتير وساعتها العربيه تكون طلعت كل اللي عندها .....
بس كنت عايز اسالك سؤال :-
اغلب المشاكل في العربيه (سواء عربيتك او عربيه زمايلك ) ابتدت تظهر امتى ؟
يعني بعد 60 الف ... ولا 100 الف ..... 120 ...