مصر موتورز مجتمع السيارات - مبتدئه ومرعوبه هل من مساعده؟؟؟؟؟؟؟؟؟

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - مبتدئه ومرعوبه هل من مساعده؟؟؟؟؟؟؟؟؟ (https://www.masrmotors.com/vb/showthread.php?t=84382)

رد: مبتدئه ومرعوبه هل من مساعده؟؟؟؟؟؟؟؟؟

اقتباس:

المشاركة الأصلية كتبت بواسطة queen (المشاركة 784344)

ايوه انا عاوزه اعرف ايه بقى نقطه الاتزان دى؟؟؟؟؟؟

اختي العزيزة علشان تعرفي نقطة الاتزان يبقى انتي احترفتي السواقة وعلشان اشرحهالك هنا عذرا دي فكرة برائة اختراع في تعليم السواقة باحترافية في اقل زمن ممكن

رد: مبتدئه ومرعوبه هل من مساعده؟؟؟؟؟؟؟؟؟

ياجماعه ايلى بيقولوا نشد الهاند بريك ونمور
ايه الربكه دى
ده الكوبرى بيقف كل 10 ثوانى ويتحرك
هنمور ونشد فرامل اليد
ونرجع نجيب الاول وننزل فرامل اليد ونطلع
يالهووووووووووووووى
ايلى ورانا هيلطم
ههههههههههه

انا مش بستخدم فرامل اليد خالص
بكون على الاول ورجلى على الدبرياج والفرامل لو الكوبرى وقف
اتحرك الكوبرى برفع دبرياج لحد ما ترعش العربية اثبت وارفع فرامل وازود بنزين عالى شويه
وبس

رد: مبتدئه ومرعوبه هل من مساعده؟؟؟؟؟؟؟؟؟

اقتباس:

المشاركة الأصلية كتبت بواسطة mr_astra (المشاركة 693081)

الطريقة دى غلط جدا جدا جدا على الاسطوانة لو فضلتى تعمليها العربية هتحتاج تغير اسطوانة

ايه يعنى تغيير اسطوانه هى الاسطوانه بكام يعنى
انما طريقة الهاند بريك واللخمه وامور دى مستفزة جدا
ومش عمليه
الكوبرى بيقف كل ثانيتن ثلاثه ويمشى يا نااااس

رد: مبتدئه ومرعوبه هل من مساعده؟؟؟؟؟؟؟؟؟

اقتباس:

المشاركة الأصلية كتبت بواسطة queen (المشاركة 707846)

شكرا جدا للاستاذه سهر على الشرح المفصل لكل الطرق
والشكر للجميع على نصايحهم

واحب اقولكو يا جماعه انى بعد تجربه لاكثر من 3 شهور توصلت اى ان اسلم طريقه لمستوايا دلوقتى هى الهاند عشان معملش مشاكل مع حد
بقيت ادوس فرامل على طول وامور واشد الهاند وبعدين اجيب الاول واكمل بقى
بس باخد وقت اطول سنه يعنى فبطلت امور وبخلى العربيه ع الاول عشان لما انزل الهاند اطلع بسرعه شويه ومع ذلك محدش بيرحمنى عشان بتأخر 3 ثوانى فى الطلوع
رحت عودت نفسى فى اى مطلع واقف اشغل انتظار عشان اللى ورايا يحل عنى ويبعد ويبطل لزقه فى الشنطه وكلاكسات :120105~352:وبقيت استمتع وانا بشوف فى المرايه الناس بتخرج من ورايا وتهرب لاى اتجاه تانى:Wkiss5:

ههههههههههههه
الله عليكى ممتازة
انا مبتدئه بردو وهعمل زيك كده لحد ما اتمكن

رد: مبتدئه ومرعوبه هل من مساعده؟؟؟؟؟؟؟؟؟

انا الطريقة اللي باعملها وكمان علشان متربكش وانسي انزل فرامل اليد والكلام دده

اول ماتلاقي كده تدوسي علي الدبرياج والفرامل وتموري العربية وتفضلي دايسة فرامل وتشيلي رجلك من علي الدبرياج ولما الطريق يمشي تدوسي دبرياج وتجيبي الاول ورجلك لسه علي الفرامل وتشيلي رجلك سنة سنة من علي الدبرياج لحد ما تسمعي صوت الموتور تشيلي رجلكك من الفرامل واحدة واحدة والعربية هتمشي معاكي :)