مصر موتورز مجتمع السيارات - هل الكلام السيئ اللي بنسمعه عن الميجان هيبقى موجود في الفلوينس؟؟

مصر موتورز مجتمع السيارات (https://www.masrmotors.com/vb/index.php)

- رينو فلوانس Fluence (https://www.masrmotors.com/vb/forumdisplay.php?f=161)

رد: هل الكلام السيئ اللي بنسمعه عن الميجان هيبقى موجود في الفلوينس؟؟

اقتباس:

المشاركة الأصلية كتبت بواسطة mercedes (المشاركة 285656)

ROSE4Uالسلام عليكم و رحمة الله و بركاتهROSE4U

أنا قريت التوبيك كله , ال5 صفحات كلهم و اللى أنا استفدته الآتى:

أن الرينو ميجان حلوة من أول 2006 و طالع .

أن سعر اعادة البيع للرينو واقع و بالتالى حرام أن الواحد يجيب حاجة النهاردة ب 140000 جنيه عشان أبيعها بعد 3 سنين ب 80000 جنيه لأن الواحد مابيلاقيش الفلوس فى الشارع .

أن أفضل وسيلة للحكم على العربيات الرينو و مش الرينو بس لحسن حد يفكر أنى بهاجم العربية الرينو لأ, و على ماركات تانية كتير, أن الواحد يحكم عالعربية بعد ماتجرى فى الشوراع 3-4 سنين , يعنى ماحكمش على الميجان ال2004 قبل 2008 و ماحكمش على ال2006 قبل 2010 و بالتالى , لو الفلوينس نازلة 2009 , ماحكمش عليها قبل 2012-2013 .

أنا عن نفسى معجب جدا بشكل الفلوينس , بس خايف و مش هطمن الا لما أعرف أن العربية جريت فى شوراع مصر المهروسة بتاع 3-4 سنين و أى عيوب مستخبية مابتبانش الا بالاستخدام الطويل المعتدل المعمر , تكون بانت .

صح الكلام و لا ايه رأيكم , ياريت الأخوة الأفاضل يشاركونى بالرأى و الكلام الموضوعى عشان نوصل لرأى واحد سليم و منطقى و ياريت لو رأيى اللى أنا كاتبه فوق مش عاجب حد, يصحح لى و يقولى رأيه بمنتهى الهدوء و الموضوعية و مشفوعا بالأدلة بدون أى تريقة أو خروج عن المضمون .

MERCEDES S550

المشكله ان العربيه (اي عربيه )ممكن بعد اربع سنين ينزل منها موديل جديد .. او فيس ليفت
فتلاقي نفسك بتشتريها بعد ما تكون قدمت او شكلها اتغير !!! (what)
طيب نمشيها سنتين .. وعلى البركه :)

رد: هل الكلام السيئ اللي بنسمعه عن الميجان هيبقى موجود في الفلوينس؟؟

أولا :كل عام وكل أعضاء وزوار ومشرفي مصر موتورز بخير بمناسبة عيد الأضحي المبارك.ثانيا:أرجو من كل الأعضاء أن يأخذوا مسألة نصيحة بقية الأعضاء بمنتهي الجدية فإن المستشار مؤتمن .وكما في الحديث الصحيح الذي رواه مسلم عن تميم الداري رضي الله عنه أن رسول الله صلي الله عليه وسلم قال:الدين النصيحة.وفي الحديث الصحيح أيضا ذكر من حق المسلم علي المسلم :وإذا استنصحك نصحته.ونهانا النبي صلي الله عليه وسلم عن الحكم بمجرد الظن فقال:إياكم والظن فإن الظن أكذب الحديث......فينبغي علينا إذا نصحنا أحد الأخوة أن نتكلم بعلم وإنصاف مجرد عن الهوي أو المزاح وإن لم يكن عندنا علم بالمسؤل عنه ندعو له بالتوفيق فقط فإن الكلمة الطيبة صدقة وكذلك الأ مر في الإستفتاءات .وجزاكم الله خيرا.

رد: هل الكلام السيئ اللي بنسمعه عن الميجان هيبقى موجود في الفلوينس؟؟

انا عندى فلوانس وانا عايش فى مصر وسمعت كلام طبعا عن الميجان بس كل شيى فى الفلوانس مختلف عن الميجان من حيث الشكل والموتور وان السياره فلوانس كلها من الصاج وليس الفيبر وبها صدر حديد وليس فيبر لانى باختصار فصصت السياره قبل ما اشتريها وهى معايا من سنه واشكر الله انى اشتريتها . واللى مجرب هو اللى يقول رايه ومفيش حد يقول انا سمعت ....

رد: هل الكلام السيئ اللي بنسمعه عن الميجان هيبقى موجود في الفلوينس؟؟

السلام عليكم ورحمة الله وبركاته , بصراحة ياجماعة أنا لسه شايف العربية دي إنبارح فيها إمكانيات حلوة قوي وشكلها كمان حلو بس أنا بصراحة محتار أجيبها من السعودية ولا من مصر هيه عاملة في السعودية حوالي 68500 ريال الفول أوبشن أعلى فئة , لإني بصراحة مش عارف إذا نزلتها مصر بعد الجمارك وخلافه حتوصل كام , فالرجاء من الإخوة الأعضاء اللي يقدر يفديني بعلومة أكيدة يبقى كتر ألف خيره .

رد: هل الكلام السيئ اللي بنسمعه عن الميجان هيبقى موجود في الفلوينس؟؟

اقتباس:

المشاركة الأصلية كتبت بواسطة osamakamal (المشاركة 377558)

بعد إذن حضرتك

ممكن تقولنا خلال السنة دي عملت كام كيلو

و عايزين نعرف بالضبط أي مشاكل مهما كانت صغيرة حصلت معاك

مش عايزين نعرف مميزات لأن مميزاتها كلها واضحة للجميع ، بس عايزين نعرف المشاكل