مصر موتورز مجتمع السيارات - 128 ولا 127 ؟ أفضل و أرخص ؟

اقتباس:

المشاركة الأصلية كتبت بواسطة Mohammed Hamada (المشاركة 769477)

السلام عليكم

أولا أحب أحيي أعضاء و مشرفين المنتدى عشان بجد المنتدى ده أكثر من رائع و قابلت ناس هنا فى غاية الأحترام

أنا أن شاء الله قررت أشترى فيات بس محتار ما بين 128 و 127
أولا عاوز أعرف أسعارهم عاملة كام لو مثلا موديل من 82 ل 86
و طبعا عاوزها فابريكة برة و جوة و لو رشة نظافة صغيرة من بره مفيش مشكلة
شكر وتقدير
و عاوز أعرف أسعار جميع قطع الغيار بتاعت الأتنين أنا كنت ناوى أسأل الشيخ طارق
بس بقاله كتير مبيدخلش المنتدى يا رب يكون بخير

دى أول عربية ليا و مش عاوز أعمل أشتراك عند الميكانيكى فلو حد يعرف حد عاوز يبيع و يكون واثق فيه يبقى الله يباركله يقولى و أنا ناوى أشترى كمان شهر تقريبا

شكر وتقدير

الاستاذ الفاضل محمد حمادة سلام عليكم انا قرأت سؤالك وقرأت كل الردود اللى جتلك واحب اقولك على شوية حاجات لانى لسه شارى 127 من كام يوم وكانت هى سبب لدخولى المنتدى الجميل ده. اولا باحسدك على كثرة الردود والاعضاء البارزين اللى ردوا عليك لانى لما سألت من كام يوم نفس سؤالك تقربا مردش عليا غيراتنين او تلاتة كتر خيرهم . ثانيا استفدت من الردود اللى جاتلك لانى اتأكدت انى تقريبا اشتريت اخر عربية 127 فابريكة بره وجوه . ثالثا اناعملت بحث تقريبا فى كل المواقع عن المقارنات بين ال28 وال27 والماروتى لقيت الاغلبية طلعت ال28 من المقارنة وفضلت الماروتى وال27 وانا اخترت ال27 لان الماروتى مبحبهاش خالص
رابعا لازم تحدد انت عايز العربية ليه عشان سفر بعيد وكتيرولا جوه البلد وهيركب معاك ناس كتير بالغين ولا حضرتك والمدام والاولاد لازم تحدد لو جوه البلد ال127 ناجحة جدا طبعا شاسيها اقوى من ال28 موفرة جدددددا فى البنزين بتركن فى اصغر حتة الريتمو بالمناسبة شاسيها ضعيف وكسر فى عربية واحد معرفة ومن يومها وانا مبحبهاش مع ملاحظة ان طالما العضو cars admir زكاها مقدرش اكلم خالص
بالنسبة للاخ screamseko واضح انه محترف ف 127 وهو فادنى جدا فى مشكلة كانت فى عربيتى 127 وفعلا عندى حتة بارومة صغيرة فى السقف فوق القزاز الورانى على طول بس انا شفتها وانا بشتريها طبعا كان معايا واحد فريز
ارجو انى اكون افدتك واخر نصيحة ليك متستعجلش